Македонската музичка традиција одекна на Долни Сарај, Ана и Игор Дурловски приредија вечер за паметење на Охридско лето - Канал 5

Култура

Македонската музичка традиција одекна на Долни Сарај, Ана и Игор Дурловски приредија вечер за паметење на Охридско лето

Македонската музичка традиција во своето најавтентично и најемотивно издание синоќа одекна на сцената Долни Сарај, каде во рамките на фестивалот „Охридско лето“ настапија врвните уметници Ана и Игор Дурловски, придружувани од Оркестар „Ајга“.

Македонската музичка традиција одекна на Долни Сарај, Ана и Игор Дурловски приредија вечер за паметење на Охридско лето

Пред бројната публика, која со долг аплауз ја поздравуваше секоја изведба, беа оживеани некои од најубавите бисери на македонското музичко наследство, во нови оркестарски аранжмани на Сони Петровски. Концертот понуди внимателно осмислена музичка програма во која се испреплетоа традицијата, емоцијата и современиот сценски израз, создавајќи вечер исполнета со силни уметнички доживувања.

„Ова е дел од нас, дел од нашата душа, дел од нашата култура – дел од нашиот идентитет како уметници. Станува збор за прекрасен проект кој е навистина уметнички издржан. Не само што нè исполнува како Македонци, туку нè исполнува и како уметници. Наша обврска и задача е секој македонски уметник да ги негува и изворното творештво и современата музика, која еден ден ќе стане дел од нашето историско и културно наследство. Тоа, во секој случај, треба да биде составен дел од програмата на секој македонски уметник“, вели Ана Дурловски.

Публиката уживаше во безвременските песни „Си заљубив едно моме“, „Ленка Пингова“, „Што да правам, што да чинам“, „Нели ти реков моме Донке“, „Ој ти момче Охриѓанче“, „Невеста жито требеше“, „Дејгиди луди млади години“, „Излегу да се мамо рашета“, „Кажи Анѓо“, „Стојне бре Стојне“ и „Назад, назад Калино моме“, кои во интерпретација на Ана и Игор Дурловски добија нов сценски живот.

„Размислувавме долго и на крајот дојдовме до заклучок дека „Македонски љубовни песни“ е најсоодветниот наслов за овој проект. Во почетокот тој го носеше работниот наслов „Песни од срцата“. Изборот на репертоарот беше навистина тежок, затоа што при истражувањето на македонските архиви увидовме дека преовладуваат песни со потешка тематика, а љубовните песни се значително помалку застапени. Сепак, се обидовме да ги одбереме најромантичните, најубавите и најмелодичните, и верувам дека направивме одличен избор“, вели Игор Дурловски.

За Ана и Игор Дурловски, настапот на „Охридско лето“ секогаш претставува посебна чест и големо задоволство. Тие нагласуваат дека фестивалот има значајно место во нивните уметнички кариери и дека секое враќање на неговите сцени претставува вистинска привилегија.

Концертот покажа дека македонската музичка традиција може да добие современ сценски израз, без да ја изгуби својата автентичност. Оркестар „Ајга“ со внимателно обликувана изведба и новите аранжмани внесе свежина во познатите мелодии, задржувајќи го нивниот препознатлив дух.

Во единствениот амбиент на Долни Сарај, под отвореното охридско небо и покрај брегот на Охридското Езеро, концертот прерасна во вистинска прослава на македонската музичка култура. Публиката со стоечки овации и долг аплауз им се заблагодари на уметниците за исклучителната вечер, која ќе остане едно од највпечатливите музички случувања на годинешното издание на фестивалот „Охридско лето“.

Тагови: Охридско лето

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Формула

Кими Антонели е победник на трката за Големата награда на Белгија

Возачот на Мерцедес, Кими Антонели, уште еднаш покажа колку е доминантен нивниот болид и колку голема предност имаат во однос на сите други во шампионатот. 

Кими Антонели е победник на трката за Големата награда на Белгија

Со оваа победа, италијанскиот тинејџер ја зголеми разликата во генералниот пласма и се поблиску е до првата круна .

На победничкиот подиум во белгиското Гран при се искачија и Шарл Леклер од Ферари, како и Макс Верстапен од Ред Бул/

Без подиум на патеката Спа Франкошамп останаа Луис Хамилтон, кој го заобиколи Пјастри четири круга пред крајот, по него следуваа Оскар, Хајар, Норис, Бортолето, Линдблад и Колапинто, кој ги комплетира Топ 10 и возачите во поени.

Трката започна хаотично бидејќи уште во првиот круг видовме инцидент и контакт меѓу Расел и Хамилтон. Џорџ излета од патеката и се повлече од трката, а Луис доби казна од 5 секунди, која можеби беше престрога.

Од тој момент па сè до крајот на трката, Кими Антонели имаше само една цел – победа. Тој успеа да ги неутрализира одличните возачи како Шарл Леклер, Макс Верстапен и Ландо Норис и да победи на патеката „Спа“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: „Жешката“ Никол Шерцингер повторно во бикини

Светската музичка ѕвезда, пејачката Никол Шерцингер секоја година поголемиот дел од времето во текот на летните месеци го поминува на плажа и, за радост на сите што ја следат, редовно објавува фотографии и видеа на социјалните мрежи на коои е во бик

Фото: „Жешката“ Никол Шерцингер повторно во бикини

Никол и летово ужива во сонцето, морето и песокот, а речиси секојдневно е активна на социјалните мрежи – на радост на своите верни следбеници.

Откако неодамна го прослави својот 49-ти роденден – при што им се обрати на фановите на Инстаграм директно од морето, изразувајќи голема благодарност за уште една година и ценејќи го секој момент – таа сподели уште неколку интересни објави, а последната од нив привлече особено внимание.

Таа трчаше по плажата во шарено бикини, оставајќи траги во жешкиот песок; нејзината прекрасна, витка и затегната фигура никого не остави рамнодушен, а на многумина сигурно им беше тешко да се воздржат од коментари пред таква глетка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Тенисер од светскиот врв се ожени со инфлуенсерка

Уште еден познат тенисер стапи во брак летово.

Тенисер од светскиот врв се ожени со инфлуенсерка

По светскиот број пет, Алекс де Минор, кој неодамна се ожени со британската тенисерка Кејти Бултер, овој месец се ожени и Томи Пол (29) – поранешен светски број осум и моментално 24-ти на АТП-листата.

Американскиот ас се ожени со својата долгогодишна девојка и позната американска инфлуенсерка Пејџ Лоренс (28), по речиси четиригодишна врска.

Свадбата се одржа во луксузните градини на Лонг Ајленд.

Пејџ Лоренц е позната како инфлуенсерка и креаторка на содржини, основачка на брендот за мода и животен стил „Dairy Boy“ и поранешна скијачка.

Двојката ја започна својата врска во 2022 година откако се запознаа на Инстаграм, а се свршија во јули 2025 година на Нантакет – остров што за Пејџ претставува посебно место од нејзиното детство.

Нивната свадба привлече големо внимание бидејќи ги спои световите на тенисот и модата. Меѓу гостите и присутните имаше бројни американски тенисери, вклучувајќи ги Френсис Тиафо, Тејлор Фриц и Рајли Опелка. Подоцна, Тиафо објави хумористично видео во кое ја имитираше емотивната реакција на Томи додека ја гледаше невестата како оди кон олтарот.

Томи Пол сè уште нема освоено Гренд слем или АТП Мастерс 1000 турнир, но изгради многу успешна кариера и стигна до осмото место на АТП-листата, што претставува негов најдобар пласман во кариерата. До средината на 2026 година, тој имаше освоено четири АТП-титули во поединечна конкуренција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер