Култура

Македонската литература на саемот на книга во Франкфурт

Постојат многу причини да се биде овој октомври во Франкфурт и да се посети најголемиот саем на книгата во светот. Од 19 до 23 ова ќе биде местото каде издавачите, авторите и љубителите на книгата ќе доживеат една „поинаква страна на книгата“. Најголемиот саем на книгата во светот од денеска ги отвори вратите за издавачката фела, а од викендов ќе биде отворен за сите посетители.

Македонскиот промотивен штанд е сместен во петтата хала за меѓународни учесници. На 32 метри квадратни се претставени 500 наслови од над стотина македонски автори меѓу кои и „130 тома македонска книжевност“ преведени на англиски јазик како и „Антологија на македонската литература“ преведена на германски јазик. Комесар кој годинава го подготви претставувањето на Македонија во Франкфурт е Асоцијацијата на македонски издавачи преку издавачката куќа „Арс Ламина“, а со поддршка на Министерството за култура.

„Годинава на посетителите во Франкфурт им нудиме поинакво доживување од Македонија. Инспирирани од песната „Созвучја“ на Шарл Бодлер во која во еден стих се вели „...човекот низ шума од симболи е патник...“ (“…man passes there through forests of symbols…”), македонската литература и култура, а воедно и македонската издавачка дејност, се претставени токму преку специфични симболи. Оваа песна која е инспирирана од расказот „Крајслеријана“ на германскиот писател, композитор, диригент и музички критичар, Е.Т.А. Хофман метафорички е преточена во дизајнот на штандот. Преку буквите од македонската азбука, глаголицата и кирилицата, како симболи кои ги содржи секое македонско литературно дело, на несекојдневен начин сакаме да го претставиме патувањето и напорите на македонските автори и издавачки куќи за освојување на меѓународната книжевна сцена“, вели Бранка Бугариска од издавачката куќа Арс Ламина.

Темата „Промоцијата на македонската литература и пробивот на македонските автори и издавачки куќи на меѓународната книжевна сцена“ е во фокусот и на главниот настан на македонскиот штанд, кој ќе се одржи во сабота на 22.10 под мотото „Созвучја“. Претставници од неколку македонски издавачки куќи како и познатите македонски автори Влада Урошевиќ, Гоце Смилевски и Ненад Јолдевски чии дела се веќе преведени на неколку светски јазици и ќе бидат промовирани на саемот, ќе говорат за своите искуства. Академик Влада Урошевиќ е еден од најзначајните преставници на македонскиот модернизам: поет, раскажувач, романсиер, книжевен и ликовен критичар, есеист, антологичар и преведувач, Гоце Смилевски е претставник на помладата генерација македонски автори кој е веќе преведуван на повеќе странски јазици и има добиено повеќе европски награди кои сведочат за неговиот успех, како и младиот автор Ненад Јолдевски кој е добитник на овогодинешната награда за литература на Европската Унија.

Во рамките на овој настан, на саемот ќе биде претставен и најобемниот и најмодерен Голем германско-македонски речник во 4 тома на авторите Нина Димитрова-Шмигер и Роланд Шмигер. Брачниот пар Шмигер, кој цели 18 години работел на неговата изработка ќе говорат за процесот на создавање на еден ваков голем проект и за нивната успешна приказна при пробивот на книжевната сцена во Германија.

Претходниот ден, во петок на 21.10. ќе биде промовирана литература за деца од македонски автори меѓу кои и едицијата „Бајки од Македонија“.

Саемот на книгата во Франкфурт е најголемиот саем на меѓународната издавачката индустрија со 7.100 излагачи од повеќе од 100 земји, околу 275.000 посетители, има повеќе од 4.000 настани и околу 10.000 акредитирани новинари, вклучувајќи и 2.000 блогери - соопштуваат од Македонската асоцијација на издавачи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Едукативна трибина за превенција од малигни заболувања „Заедно за рано откривање, заедно за живот“

Раното откривање може да спаси живот. Со оваа порака денеска од Драчево започна кампањата „Розев октомври“ посветена на подигнување на свеста за ракот на дојка.

Во „Паркот на бранителите“ се одржа едукативна трибина под мотото „Заедно за рано откривање, заедно за живот“, на која лекари, пациенти и граѓани разговараа за превенцијата, навремените прегледи и лекувањето.

Наташа Бабулова, членка на здружението „ХЕМА-ОНКО“, пред присутните ја сподели личната борба со ракот на дојка. Нејзината порака е дека стравот не треба да биде причина за одложување на прегледот, бидејќи токму навременото откривање на болеста може да биде пресудно за понатамошното лекување.

Од Клиниката за радиотерапија и онкологија посочија дека раната дијагноза е еден од најважните фактори во борбата со болестадека навременото јавување кај лекар овозможува болеста да се открие во порана фаза и пациентките навреме да го започнат потребниот третман.

Трибината ја организираа Општина Кисела Вода и здружението „ХЕМА-ОНКО“, а градоначалничката Бети Стаменкоска Трајкоска истакна дека целта е преку вакви настани информациите за превенцијата и раната дијагностика да стигнат до што поголем број граѓани.

Денешната трибина во Драчево е почеток на активностите на кампањата која ќе трае до 4-ти октомври и ќе се заокружи со „Розев пикник“ на Школка во Градскиот парк.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

АБА-лигата бара нови судии: Познати услови и рокот за пријавување

Регионалната кошаркарска АБА-лига распиша конкурс за нови судии кои во иднина би можеле да ја делат правдата во регионалното кошаркарско натпреварување.

Право на пријавување имаат судии кои имаат најмалку 25 години и пет сезони искуство на највисокото ниво од домашното првенство или на меѓународната сцена.

Од кандидатите се очекува добро познавање на англискиот јазик и соодветна физичка подготвеност, а сите пријавени ќе треба да поминат низ неколку стручни проверки.

Процесот на селекција ќе вклучува тест за правилата на кошарката, анализа на спорни и карактеристични ситуации од натпревари, проверка на познавањето на англискиот јазик, физичко тестирање и интервјуа со кандидатите.

Заинтересираните судии можат да поднесат пријави најдоцна до 21 септември, до 15:00 часот.

Регионалното натпреварување исто така ги објави судиските хонорари за сезоната 2026/27, кратко откако во јавноста се појавија информации дека Здружението на судии на АБА-лигата побарало значително подобрување на материјалната и правната положба на судиите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Австралија нареди отстрел на ајкула поради напад, потрагата по телото на пливачот продолжува

Мажот кој вчера наутро загина во напад од ајкула на плажата Соренто во Перт, Австралија, е идентификуван како 63-годишниот Грег О'Нил.

Тој пливал близу до брегот кога бил нападнат од голема бела ајкула.

Неговото семејство го опиша како посветен татко и сопруг и голем љубител на океанот, пренесува ABC News.

„Нашето семејство е длабоко потресено и скршено од ужасната трагедија во која животот го загуби еден татко, иден дедо, брат, вујко, сопруг и пријател – Грег Џејмс О'Нил“, се вели во соопштението на семејството.

„Тој беше великодушен и посветен семеен човек кој на своите деца им пружаше огромна љубов, внимание и можности. Грег го сакаше океанот и беше страстен пливач, љубител на спортот, посветен работник и, пред сè, великодушен и духовит човек. Длабоко сме благодарни за сите изрази на сочувство и поддршка што ги добивме.“

A swimmer was taken by a shark while on a morning swim with a mate. The victim was just metres from shore, when the giant predator attacked. https://t.co/Y4wWOxYbvd
— 7NEWS Queensland (@7NewsBrisbane) September 18, 2026

Министерката за рибарство на Западна Австралија, Џеки Џарвис, издаде налог за фаќање и убивање на ајкулата. Сепак, таа нагласи дека не смета оти е соодветно да се спроведе поширока акција за нивно истребување по овој инцидент.

Плажите во северните предградија на Перт и денес остануваат затворени додека продолжува потрагата по ајкулата и по телото на жртвата, О'Нил.

Министерката Џарвис објаснила дека одлучила да издаде налог за уништување откако полицијата успеала да ја идентификува ајкулата пред таа да отплива.

„Ја донесов одлуката земајќи ги предвид вонредните околности на нападот, опасноста што ја претставуваше таа ајкула и можноста за прибирање докази за истрагата на судскиот вештак“, изјави Џарвис.

Џарвис забележува дека ова е првпат по десет години во Западна Австралија да се издаде налог за фаќање и убивање ајкула, но нагласува дека масовното истребување на големите бели ајкули не е решение во овие околности. „Големите бели ајкули се меѓународно заштитеен вид. Тоа не значи дека ќе ги истребиме сите грабливци во океанот. Не сакам да им давам на луѓето лажно чувство на сигурност, бидејќи е невозможно целосно да се елиминира секој ризик“, изјави таа.

Досегашната стратегија на Западна Австралија се потпираше на обележување и следење на ајкулите, апликации за предупредување, сирени, заштитни мрежи и лични уреди за одвраќање на ајкули. Министерката најави дека владата ќе ги преиспита постоечките мерки.

Тагови: Австралија ајкула

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.