Македонската книжевност претставена на Саемот во Париз - Канал 5

Култура

Македонската книжевност претставена на Саемот во Париз

Од огромно значење е што Македонија првпат се претставува на Меѓународниот саем на книгата во Париз. Ова синоќа го заклучија учесниците на трибината „Македонија како книжевна и духовна дестинација на Европа“, што се одржа во рамки на саемот.

Македонската книжевност претставена на Саемот во Париз
Модератор на трибината беше Јордан Плевнеш, а учествуваа и авторите Луан Старова, Владимир Мартиновски и професорот на универзитетот Сорбона Фабрис Д’алмеида, јави известувачот на МИА. Имаше претставници од реномирани книжевни институции, како интернационалниот поетски фестивал „Пролет на поетите“, кој секоја година се одржува во Париз, поетското биенале на Франција, познати француски поети, издавачи, новинари, претставници од францускиот ПЕН центар. Се одржа и поетско читање „Македонија, светски центар на поезијата“ на кое учествуваа поетите Владимир Мартиновски, Никола Маџиров и други француски автори.

- Македонија првпат се појавува на овој саем и тоа само по себе претставува успех. Вечерашново претставување во секој поглед беше прекрасен успех зошто беше одбележано со присуство на еминентни француски писатели, наши пријатели, поголем дел учесници на „Струшките вечери на поезијата“. Се читаа песни од нивното творештво, имаше богата размена на мислења и една пријателска атмосфера што ретко е забележана на некои од досегашните саеми на кои сме учествувале, како во Гетеборг, Франкфурт или Истанбул, рече Старова.

Штандот, како што рече, е многу вкусно уреден, прегледен и поставен на релативно добро место. Според Старова, дел од учесниците кои се интересираат за Македонија, тука ќе најдат доста богата литература.

Со оглед на тоа што многу од современите и француските класици се преведни на македонски јазик сега, како што рече Никола Маџиров, во ред е да се одговори и со превод на македонски автори на француски јазик.

– Ова е исторсики миг бидејќи Македонија е првпат на Меѓународниот саем на книгата во Париз, рече Мартиновски и изрази задоволство што може да придонесе во презентацијата на македонската современа литература.

Според него, трибината покажала дека имаме еден круг на поддржувачи и пријатели на македонската култура и литература, еминенти писатели, теоретичари, пријатели на фестивалот „Струшки вечери на поезијата“. Искрени пријатели кои, како што рече, можат да помогнат во перцепцијата на македонската литература во Франција.

На македонскиот штанд, преку комесарите - издавачките куќи „Три“, „Арс Ламина“ и „Култура“ се претставени над 400 вредни книги на македонски автори, монографии и публикации на повеќе издавачи и на повеќе институции од Република Македонија, кои го презентираат богатото културно наследство, македонската традиција, историја, уметност, култура и туристичките потенцијали.

Пред посетителите е претставена и капиталната едиција „Превод на 135 тома македонска книжевност на англиски јазик“ и Антологијата на македонската книжевност во шест тома, објавена на француски јазик во издание на НУБ „Св. Климент Охридски“.

Бојан Саздов, главен уредник на издавачката куќа „Три“ изјави дека се изненадени од интересот што го има француската публика за македонската книжевност, за тоа кои писатели се претставени на саемот, за книгите, за културното наследство и за Македонија како дестинација која вреди да се посети.

- Искуството е навистина позитивно, а интересот е голем. Сметам дека до крајот на саемот ќе успееме да ја оствариме нашата мисија - да ја презентираме македонската книжевност и да оствариме конкретни контакти со издавачките куќи од Франција и на тој начин да ја пласираме македонската книжевност, рече Саздов.

Тој информира дека вниманието подеднакво е насочено и кон книжевноста, особено оние книги кои се на француски јазик.

- Секое учество на саем е вредно. Книгите се прелистуваат. Луѓето се интересираат што има Македонија да понуди, како културно наследство и локации, додаде Саздов.

Габриел Атанасов, вршител на работите во Амбасадата на Република Македонија во Париз рече дека Амбасадата е вклучена како поддржувач на сите проекти кои се врзани со промоцијата на македонската култура, уметност и со севкупната промоција на Македонија во Париз.

На саемот на книгата, што се одржува во парискиот центар Порт де Версај, годинава учествуваат повеќе од 1.200 издавачи, претставници на 50 држави од Европа и светот и над 4.500 автори. Саемот е едно од најзначајните средишта за претставување на издавачката индустрија од целиот свет. Саемот го посетуваат над 200.000 посетители.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска-Давкова со студенти од Колеџот на Европа: Дијалог за европската интеграција и иднината на регионот

Во Вила Водно, претседателката Гордана Сиљановска-Давкова разговараше со студенти од Колеџот на Европа во Тирана, кои престојуваат во земјава.

Сиљановска-Давкова со студенти од Колеџот на Европа: Дијалог за европската интеграција и иднината на регионот

Во Вила Водно, претседателката Гордана Сиљановска-Давкова разговараше со студенти од Колеџот на Европа во Тирана, кои престојуваат во земјава, во рамките на студиска посета посветена на влијанието на европската интеграција врз трансформацијата на земјите од Западен Балкан.

Таа ја поздрави образовната програма и истакна дека студентите, како идни европски професионалци и лидери, со своето знаење и критичко размислување можат да придонесат кон мирот, безбедноста и солидарноста на европските народи и граѓани.

За неа, сестраната регионална соработка и меѓусебната подршка на патот кон ЕУ имаат исклучително значење не само за нашите меѓусебни односи, туку и за оние на членките на ЕУ кон нас.

Студентите се интересираа за уставните надлежности на претседателот во внатрешната и надворешната политика, како и за неговата реална улога во евроинтеграцијата.

Тие ѝ поставија на Сиљановска-Давкова прашања врзани за: последиците од (не)спроведувањето на одлуките на Европскиот суд за човекови права во Стразбур врз кредибилитетот на европските институции; македонската европската перспектива и можностите за интеграција во амбиент на постојната блокада; придобивките од членството во ЕУ, како за македонската држава, така и за Унијата, како и за ставот на претседателката за етапната интеграција на Западен Балкан во ЕУ.

Претседателката смета дека проширувањето треба да биде засновано врз исполнување на Копенхашките критериуми.

Исто така, верува дека постепената интеграција може да донесе конкретни придобивки уште пред полноправното членство, но дека не смее да биде негова замена.

Сиљановска-Давкова потсети дека органите на ЕУ не смеат да заборават на принципите и вредностите, содржани во конститутивните документи, без коишто ЕУ не може да биде заедница, туку само политичка и бирократска машинерија.

Сиљановска-Давкова истакна дека, како претседателка со директен и силен изборен легитимитет има обврска да ги претставува сите граѓани и затоа инсистира на дијалог и консензус за прашањата од национален интерес.

На крајот, студентите ѝ се заблагодарија на претседателката за дијалогот и ја поканија да го посети Колеџот на Европа во Тирана.

Тагови: Сиљановска - Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска треба да продолжи судењето за пожарот во „Пулс“

Со изведување на докази од одбраната денеска во судницата во Идризово треба да продолжи судскиот процес за за пожарот во дискотеката „Пулс. 

Денеска треба да продолжи судењето за пожарот во „Пулс“

Во текот на доказната постапшка се оечкува да сведочат дури 244 лица, информираше претседателката на Кривичниот суд.

Во меѓувреме, на 3 октормври завршува притворот на газдата на Пулс, првообвинетиот Дејан Јованов – Деко. Согласно законот за кривична постапка, притворот не може дополнително да му биде продолжен, бидејќи в сабота се навршува една година од одобрувањето на обвинителниот акт. Поради тоа, судот по службена должност ќе треба да одлучи со какви други мерки ќе го обезбеди неговото присуство во натамошната постапка

Одбраната на Јованов најави гаранција во имот вреден речиси 200 илјади евра, со образложение дека со тоа дополнително ќе се гарантира дека тој нема да ја напушти државата. Но, одлука засега нема. Списите за гаранцијата се испратени до јавното обвинителство, од каде, според судот, сè уште нема пристигнато мислење.

Тагови: Пожарот во Кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Флајдубаи“ ги прекинува летовите кон Израел; Нетанјаху издаде соопштение

Израелската министерка за транспорт, Мири Регев, побара суспензија на сите летови на „Флајдубаи“ (Flydubai) кон Израел по драматичниот инцидент што се случи утрово на летот од Дубаи кон Тел Авив.

„Флајдубаи“ ги прекинува летовите кон Израел; Нетанјаху издаде соопштение

Според извештаите на израелските медиуми, Регев исто така побара од Управата за цивилно воздухопловство да истражи дали Обединетите Арапски Емирати го прекршиле договорот за воздушен сообраќај потпишан со Израел. Според истите извори, тој договор предвидува дека на израелска територија можат да слетуваат само авиони управувани од пилоти кои се државјани на земји со кои Израел воспоставил дипломатски односи.

Првичните и сè уште непотврдени информации укажуваат на тоа дека копилотот на овој лет – идентификуван од некои медиуми како државјанин на Оман – го нападнал капетанот и се обидел да го урне авионот пред да биде совладан од патниците. Вреди да се напомене дека Израел нема дипломатски односи со Оман.

Бенјамин Нетанјаху изјави дека е прерано да се извлекуваат заклучоци за тоа кој стои зад нападот на летот на „Флајдубаи“ (Flydubai) кон Тел Авив. Во меѓувреме, израелскиот амбасадор во ОН го опиша инцидентот како терористички напад, но не обвини никого директно. „Флајдубаи“ најави прекин на сите летови кон Израел додека трае истрагата и ја повика јавноста да се воздржи од шпекулации.

Инцидентот се случи на лет од Дубаи кон Тел Авив, во кој патуваа повеќе од 170 патници, главно Израелци.

Според достапните информации, еден од пилотите го нападнал другиот со нож во пилотската кабина, обидувајќи се да ја преземе контролата врз авионот. Додека авионот нагло губел висина, неколку патници упаднале во пилотската кабина. Тие успеале да го совладаат напаѓачот, да го стабилизираат авионот и да извршат принудно слетување во Саудиска Арабија.

Во интервју за „Фокс њуз“, израелскиот премиер Нетанјаху најави дека ќе го открие идентитетот на напаѓачот и дали тој имал соучесници, но предупреди дека е прерано да се зборува за можна вмешаност на Иран. Пилотот што го извршил нападот моментално е на испрашување кај саудиските власти, а Нетанјаху очекува осомничениот наскоро да биде екстрадиран во Обединетите Арапски Емирати.

Израелскиот премиер изјави дека разговарал со претседателот на ОАЕ, кој се согласил да му дозволи на Израел да учествува во испрашувањето.

Како и други светски лидери, и Нетанјаху ја пофали храброста на патниците и на екипажот. Неговиот кабинет објави видео во кое патникот Јанив Хајун, водоинсталатер по професија, му го опишува инцидентот на премиерот. Тој раскажа како патниците слушнале крик и почувствувале промена во притисокот додека авионот почнал нагло да понира; потоа насилно влегле во пилотската кабина и го затекнале напаѓачот кај контролите.

„Го фатив напаѓачот, го стегнав околу вратот и прв го извлеков“, рече Хајун за време на средбата со Нетанјаху, откако патниците се вратија во Израел. Додека другите се бореле со напаѓачот, Хајун ја фатил управувачката палка и ја повлекол кон себе, исто како што видел на телевизија. Потоа, членовите на екипажот ги презеле контролите. Пилотот кој бил нападнат со нож е индиски државјанин, капетанот Смит Мачар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер