КултураМакедонската дипломатија во ЕУ сака да ја стави културата во прв план „Дигиталниот вкус на културата" е името на иновативниот план за дигитална промоција на богатата културна понуда на Македонија што го осмисли и спроведе македонската Мисија при ЕУ во Брисел, јави дописничката на МИА од Брисел.Првичниот план на Мисијата беше да се организираат концерти, изложби и проекции на македонските филмови пред бриселската публика но пандемијата и понатаму е пречка за физички настани. Така, Мисијата одлучи да не се откажува од своите планови за промоција на културата и, со помош на македонската фирма Катавеј, изработи интернет платформа. Програмата на платформата на гледачите им презентира повеќе играни идокументарни филмови, театарски претстави и концерти. Амбасадорката Агнеза Руси-Поповска за МИА вели дека е значајно да се покаже богатството на македонската култура а особено во оваа 2021 година кога Северна Македонија одбележува 30 години независност. – За жал, не успеавме да ги реализираме нашите минатогодишни планови за промоција на културата поради пандемијата. Единственото решение за годинава беше дигиталната презентација и одлучивме дека вирусот нема да не спречи да прикажеме барем мал дел од македонската културна ризница. Нашето културно наследство е производ на вековите на испреплетеност на различностите и традицијата. Тие се исто така посебен дел од заедничката европска цивилизација и историја, вели Руси-Поповска. Таа додава дека може да се каже дека културната разновидност и повеќе јазичноста на нашата земја се всушност Европа во мало. Така, тука се филмовите „Исцелител" од Ѓорче Ставревски, „Врба" на Милчо Манчевски, „Ефектот на среќата" на Борјан Зафировски, „Незаборавна пролет во заборавено село" на Куштрим Бектеши, а во текот на септември, по повод Денот на независноста, ќе бидат додадени „Медена земја" и „Стела" на Стојан Вујичиќ. Од театарските претстави засега се предвидени „Љубовници" од Драмскиот театар и „Магбет" на Албанскиот театар. Тука се и класичната музика и фолклорот преку концерти на Филхармонијата, Танец и Албанскиот државен ансамбл за песни и ора на Северна Македонија. Со помош на Музејот за македонската борба платформата содржи и повеќе куси документарни филмови за за историската улога на жените во изградбата на државата. Оваа презентација на културата ќе биде достапна за европските функционери што работат на македонското досие, за дипломатските претставништва на земјите членки на ЕУ, новинарите што пишуваат за нашата земја но и за дијаспората во Белгија. Платформата може да се гледа само во Белгија поради авторските права за некои од филмовите. Реализацијата на овој проект беше овозможена со помош и поддршка од Министерството за култура и Министерството за надворешни работи, Агенцијата за филм, продуцентите и авторите на играните филмови, Музејот на македонската борба, Филхармонијата, Танец, Албанскиот ансамбл за песни и ора, Албанскиот и Драмскиот театар. Платформата ќе биде достапна за бриселската публика до крајот на оваа година.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаСедница за опозициски прашања во СобраниетоСобранието денеска ќе ја одржи 111. седница, на чиј дневен ред се вкупно 22 точки, меѓу кои и Законот за изменување на Законот за аудио и аудиовизуелни медиумски услуги во трето читање.На денешната собраниска седница, на дневен ред се и опозициските пратенички прашања. Пред пратениците се и Законот за изменување на Законот за Царинската тарифа, во трето читање, Предлог на законот за соодветна и правична застапеност во второ читање, Предлог на законот за високото образование, Предлог на законот за изменување и дополнување на Законот за државните награди, Предлог на законот за обезбедување на квалитет во високото образование и науката, Предлог на законот за научноистражувачката дејност, сите во прво читање, Предлог на законот за изменување и дополнување на Законот за студентскиот стандард и Националната стратегија за спречување на корупцијата и судирот на интереси 2026-2030 година, Предлог на закон за изменување на Законот за супервизија на осигурување, и двата по скратена постапка, Предлогот на завршна сметка на Буџетот на Република Македонија за 2025 година. Тагови: Собранието Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиСедница за опозициски прашања во Собранието08:38Ослободителна пресуда за „Талир 2″- падна основата за конфискација на партиското седиште на ВМРО-ДПМНЕ15:00Мицкоски: Сакам да се извинам на вас, на пратениците и на граѓаните што денеска бевме сведоци на овие настани08:36Собранието ги избра новите 8 министри23:39Ескалираше седницата за реконструкција: СДСМ обвини дека Стоилковиќ упатил навреди и пцовки кон Битиќи и Трајчулевски20:55
Ослободителна пресуда за „Талир 2″- падна основата за конфискација на партиското седиште на ВМРО-ДПМНЕ15:00
Мицкоски: Сакам да се извинам на вас, на пратениците и на граѓаните што денеска бевме сведоци на овие настани08:36
Ескалираше седницата за реконструкција: СДСМ обвини дека Стоилковиќ упатил навреди и пцовки кон Битиќи и Трајчулевски20:55
ФудбалСП2026- Полуфинале :Фаворизираната Франција немоќна пред фуриозната ШпанијаЕвропскиот шампион Шпанија е првиот финалист на 23 фудбалски Мундијал во Северна Америка.Во премиерното полуфинале во Далас црвената фурија одржа вистински час по супермодерн фудбал и без многу мака ја декласираше фаворизираната Франција со 2-0. Најдобриот напад на Мундијалот беше неможен пред најдобрата одбрана на првенството, Шпанија останува со само еден примен гол во досегашниот тек од шампионатот. Франција важеше за фаворит на овој натпревар, како и на многу претходни, сè додека топката не тргна од центарот... Од првата до последната минута, на теренот во Далас постоеше само еден тим, оној на Шпанија. Головите вредни второ финале за Шпанија во историја ги постигнаа Микел Ојарзабал од пенал во 22-рата минута и Педро Поро во 58- минута. Црвената фурија со докторска игра по целиот терен го матираше „најдобриот француски тим на сите времиња“. Шпанија сега на финалето во Њу Џерси на 19 јули ќе го очекува победникот од вечерашната полуфинална пресметка меѓу бранителот на светскиот трон Аргентина и европскиот вицешампион Англија. Тагови: СП2026 Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МетеоСончево и многу топло, попладне услови за изолирана појава на нестабилностОд Управата за хидрометеоролошки работи информираат дека времето денеска ќе биде сончево и топло со мала до умерена локална облачност. Ќе дува слаб до умерен ветер од северен правец. Попладне ќе има услови за изолирана појава на нестабилност со пороен дожд и грмежи. Минималната температура ќе биде во интервал од 10 до 21, а максималната ќе достигне од 32 до 39 Целзиусови степени. Во Скопје, исто така, сончево време со мала до умерена облачност. Ќе дува слаб до умерен ветер од северен правец. Попладне во делови од котлината ќе има услови за изолирана појава на нестабилност со пороен дожд и грмежи. Минималната температура ќе се спушти до 18, а максималната ќе достигне до 37 степени. И во следните денови времето ќе биде сончево и топло со мала до умерена облачност. Во попладневните часови ќе има услови за локална појава на нестабилност со пороен дожд, грмежи и засилен ветер. Особено топло ќе биде во петок и за време на викендот кога температурите секаде ќе бидат над 32 степена.Тагови: УХМР Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook