Македонската делегација во ПССЕ побара одговор дали и преку кои механизми ќе се постапи во случајот со адвокатот Менкиноски - Канал 5

Македонија

Македонската делегација во ПССЕ побара одговор дали и преку кои механизми ќе се постапи во случајот со адвокатот Менкиноски

Десет годишната забрана за влез во Бугарија, која ја доби адвокатот Тони Менкиноски оти ги брани правата на Македонците во земјата и обидот нивните организации да бидат таму регистрирани, се најде пред Советот на Европа

Македонската делегација во ПССЕ побара одговор дали и преку кои механизми ќе се постапи во случајот со адвокатот Менкиноски

Десет годишната забрана за влез во Бугарија, која ја доби адвокатот Тони Менкиноски оти ги брани правата на Македонците во земјата и обидот нивните организации да бидат таму регистрирани, се најде пред Советот на Европа, откако прашањето пред европските челници го отворија Бисера Костадиновска Стојчевска од СДСМ и Иванка Василевска од ВМРО-ДПМНЕ. Тие на сесијата побараа одговори ДАЛИ нешто ќе се преземе по ова прашање, кое и од самиот адвокат беше оценето како опасен преседан...

-Дали сте запознаен дека господинот Тони Менкиновски, кој е адвокат на организациите кои се борат речиси 20 години да бидар регистрирани во Република Бугарија, доби забрана за влез во Република Бугарија на 10 години, бидејќи е адвокат кој работи да ги заштити нивните права? – Бисера Костадинвоска Стојчевска – Пратеничка.

-Дали Советот на Европа има намера да реагира и преку кои конкретни механизми има намера да постапи во случајот на адвокатот Тони Менкиноски, кому му е забранет влез во Република Бугарија, во период од 10 години, иако тој активно е вклучен во постапки пред Европскиот суд за човекови права?- Иванка Василевска – Пратеник .

И двете претставнички од Македонија добија уверување дека Советот на Европа е запознаен со случајот, но им беше посочено дека истиот треба подетално да го разгледаат, а изразија и подготвеност институцијата да има и дополнителни состаноци со нив за да се образложи целата состојба.

-Запознат сум со случајот, станува збор за нешто што мора да го погледнам многу внимателно. Како што разбрав, адвокат добил блокада за пристап во држава на подолги години, односно, каде што адвокатот се обидува да ги престави луѓето во таа држава. Ќе ја разгледам состојбата и планирам соодветни состаноци за да добијам подлабоко разбирање околу тоа што е проблем во случајот,- Мајкл О’ Флаерти – Комесар за човекови права.

Адвокатот Тони Менкиноски забраната ја доби на почетокот на Март, при обид да влезе во Бугарија преку граничниот премин Златарево, а во образложението е наведено дека тој наводно претставува закана за националната безбедност на Бугарија. Менкиноски тогаш кажа дека станува збор за преседан, бидејќи решението е донесено без конкретно образложение и без правна постапка, а мерката ја поврзува директно со неговата работа – односно застапувањето на Македонците во Бугарија во Стразбур, пред судот за човекови права.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јакимовски три недели бил на лекување во приватна болница, по третманот повторно е во затворот Скопје

Лидерот на ГРОМ и поранешен градоначалник на Карпош, Стевче Јакимовски, кој на 15-ти јули почна со отслужување на затворската казна, три недели бил на лекување во приватна болница.

Јакимовски три недели бил на лекување во приватна болница, по третманот повторно е во затворот Скопје

Информацијата за Канал 5 ја потврди директорот на затворот, Бобан Утковски, без да открие детали за дијагнозата или конкретната здравствена состојба на Јакимовски, поради доверливост на медицинските податоци. Утковски појаснува дека Јакимовски на петти август се пожалил на здравствени тегоби, по што му бил овозможен медицински третман и здравствена грижа во приватна болница. Јакимовски таму останал три недели и пред два дена бил вратен во затворот во Скопје. Екс градоначалникот на Карпош беше правосилно осуден на една година затвор за незаконска изградба на општинската зграда во Карпош, а во затворската казна му се пресметани и петте месеци што ги помина во куќен притвор.

Тагови: Стевче Јакимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп го преименува езерото Онтарио, канадскиот премиер реагира

Трамп потпиша извршна наредба со која се наредува езерото Онтарио да се нарекува Езеро Америка 

Трамп го преименува езерото Онтарио, канадскиот премиер реагира

Канадскиот премиер Марк Карни вчера изјави дека езерото Онтарио ќе продолжи да се нарекува така, откако американскиот претседател Доналд Трамп потпиша извршна наредба со која им наредува на американските федерални агенции да го нарекуваат Езеро Америка.

„Името е старо над 400 години и датира и од Канадската конфедерација и од Декларацијата за независност на Соединетите Американски Држави“, продолжи тој.

„Знаеме дека Америка се менува. Нејзините трговски односи, нејзината надворешна политика, нејзините национални споменици, нејзините хидроними“, напиша Карни на X. Хидронимите се имиња на водни тела и водни патишта.

„Канаѓаните исто така знаат дека работите треба да се нарекуваат со нивните вистински имиња: Езеро Онтарио - тогаш, сега и секогаш“, додаде тој.

Трамп нареди промена на името

Трамп потпиша извршна наредба со која се наредува езерото Онтарио да се нарекува Езеро Америка во документите, мапите и комуникациите на федералната администрација на САД.

Иако рече дека промената ќе стапи на сила веднаш, наредбата му даде на американскиот секретар за внатрешни работи 30 дена да ја спроведе во консултација со Одборот за географски имиња. Одлуката не е обврзувачка за Канада или меѓународните институции. Езерото Онтарио е едно од петте Големи езера во Северна Америка, кое се наоѓа помеѓу канадската покраина Онтарио и американската држава Њујорк.

Извор: Индекс.хр

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претрес во Кочани, лишени од слобода две лица

На 27.08.2026 полициски службеници од ОВР Кочани ги лишија од слобода Д.С.(42) и В.З.(26) двајцата од Кочани, по претходни оперативни сознанија дека се сторители на повеќе тешки кражби на подрачјето на ОВР Кочани.

Претрес во Кочани, лишени од слобода две лица

Извршен е претрес во нивните домови, со претходно издадена судска наредба, при што биле пронајдени и одземени предмети кои потекнуваат од кривично дело по член 236 од Кривичниот законик на РМ.

По целосно документирање на случајот, ќе следуваат соодветни пријави.

Тагови: кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер