Македонска собраниска делегација ќе учествува на 152. Собрание на Интерпарламентарната унија во Истанбул - Канал 5

Македонија

Македонска собраниска делегација ќе учествува на 152. Собрание на Интерпарламентарната унија во Истанбул

Делегација од македонското Собрание, предводена од собранискиот претседател Африм Гаши, ќе учествува на 152. Собрание на Интерпарламентарната унија, што ќе се одржи од 15 до 19 април 2026 година во Истанбул, Република Турција.

Македонска собраниска делегација ќе учествува на 152. Собрание на Интерпарламентарната унија во Истанбул

Главна тема на генералната дебата е „Негување надеж, консолидирање на мирот и обезбедување правда за идните генерации“. Домаќин на настанот е Големото турско национално собрание.

Во собраниската делегација, покрај Гаши, кој е шеф на делегацијата во Интерпарламентарната унија (ИПУ), се и Никола Мицевски, Оливер Спасовски, Беким Ќоку, Бобан Карапејовски, Арбана Пашоли и Јована Мојсоска, како членови, и Марина Димовска, генерален секретар на Собранието.

- Главна тема на генералната дебата е „Негување надеж, консолидирање на мирот и обезбедување правда за идните генерации“. На 152. Собрание ќе заседаваат сите статутарни тела на ИПУ вклучувајќи ги Управниот совет, четирите постојани комисии, Форумот на жени пратенички, Форумот на млади пратеници, Комитетот за човекови права на пратениците и др. Во рамките на генералната дебата ќе се одржи и посебен сегмент за отчетност во врска со спроведувањето на резолуциите и одлуките на ИПУ, а се очекува Собранието да усвои завршен документ за главната тема за дебата, соопштуваат од собраниската прес-служба.

Исто така, се очекува усвојување резолуции предложени од две комисии. Постојаната комисија за мир и меѓународна безбедност ќе дискутира за улогата на парламентите во воспоставувањето цврсти механизми за постконфликтно управување и во обновувањето праведен и траен мир. Постојаната комисија за одржлив развој ќе разгледува прашања поврзани со градењето праведна и одржлива глобална економија, со акцент на борбата против протекционизмот, намалувањето на тарифите и спречувањето на одбегнувањето на корпоративниот данок.

Едно од најзначајните прашања на ова Собрание е изборот на генерален секретар на ИПУ, кој ќе го замени досегашниот генерален секретар Мартин Чунгонг, чиј трет и последен мандат истекува на 30 јуни 2026 година. Во потесниот избор се пет кандидати од разни региони на светот. На Собранието исто така ќе биде усвоена и новата стратегија на ИПУ за периодот 2027 - 2032 година.

- Оваа година се одбележува 50-годишнината од формирањето на Комитетот на ИПУ за човекови права на парламентарците, кој претставува единствен меѓународен механизам, посветен исклучиво на заштитата на правата на парламентарците во светот. Во рамките на Собранието ќе се одржи и заседание на Здружението на генералните секретари на парламентите, како и работилници и дополнителни настани во врска со зајакнувањето на правата на лицата со попреченост, меѓурелигискиот дијалог, климатските промени и сл. - се вели во соопштението од македонското Собрание.

Интерпарламентарната унија е светска организација на парламентите. Основана е 1889 година како прва мултилатерална политичка организација во светот со цел поттикнување на соработката и дијалогот меѓу нациите. Денес, ИПУ брои 183 национални парламенти и 15 меѓународни парламентарни собранија и ги промовира мирот, демократијата и одржливиот развој. Собранието на Република Македонија е активен член на оваа организација и редовно учествува во нејзините активности.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Почина Бразилка која скокнала банџи од мост висок 40 метри, заборавиле да и го прицврстат јажето

Дваесет и едногодишната манекенка Марија Едуарда Родригес де Фреитас почина откако паднала од мост висок 40 метри во Бразил, откако персоналот не успеал да прицврсти јаже за банџи на нејзиниот појас.

Почина Бразилка која скокнала банџи од мост висок 40 метри, заборавиле да и го прицврстат јажето

Трагедијата се случила на мостот Понте до Ескелето во Лимеира, во државата Сао Паоло, а девојката објавувала возбудени пораки на социјалните мрежи непосредно пред скокот, објави Unilad.

Застрашувачко видео кое стана вирално го прикажува моментот кога тројца инструктори ја креваат девојката, која стои со раширени раце, и ја фрлаат од работ на мостот. Додека таа паѓа, ужаснатите сведоци почнуваат да викаат на португалски. „Јаже, луѓе, јаже!“, извикаа тие. Јажето за банџи, сепак, не било врзано за неа, туку било оставено да лежи на мостот.

Само неколку минути пред фаталниот пад, девојката сподели фотографии од своите нараквици за скокање на својот Инстаграм профил. „Кој е овој луд човек што ме убеди да скокнам од мостот?“, напиша таа на шега во еден од своите постови.

Шест лица уапсени

Итна помош беше повикана на местото на настанот, но за жал, тие можеа само да ја прогласат Марија Едуарда Родригес де Фреитас за мртва. Нејзиното тело беше однесено во Институтот за судска медицина, а локалните власти започнаа истрага за да утврдат дали постојат основи за поднесување кривични пријави.

Локалните медиуми објавија дека шест лица се уапсени на местото на настанот, од кои две се обиделе да избегаат по несреќата. Полицијата истражува дали небрежноста придонела за трагедијата. Според „CNN Brasil“, Инстаграм профилот на компанијата што ги организираше скоковите оттогаш е избришан, како и „WhatsApp“ групата преку која беа споделени информации за настанот.

Трагедијата, исто така, покрена прашања за јавниот пристап до самиот мост, што доведе до спор меѓу градот Лимеира и федералната влада на Бразил. Градскиот совет на Лимеира најави тужба против федералната влада за дозволување јавен пристап до опасниот мост. Таа тврди дека мостот е под федерална надлежност и дека со месеци предупредува за ризикот од слободен пристап.

Извор: Индекс.хр

Тагови: Бразилка банџи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и топло со мала до умерена облачност

Времето утре ќе биде сончево и топло со мала до умерена локална облачност. 

Утре сончево и топло со мала до умерена облачност

Ќе дува слаб до умерен ветер, во западните од западен, кој наместа повремено ќе засилува, а долж Повардарието и во источните делови од југоисточен правец.

Минималната температура ќе биде во интервал од 7 до 16, а максималната ќе достигне од 27 до 34 степени.

Во Скопје, сончево и топло со мала облачност. Ќе дува слаб до умерен ветер претежно од југоисточен правец. Минималната температура ќе се спушти до 13, а максималната ќе достигне до 34 степени.

Во текот на новата седмица ќе преовладува топло време. Во вторник ќе има локален развој на нестабилна облачност, а во среда на повеќе места се очекува нестабилно време со пороен дожд, грмежи и засилен ветер. Од четврток ќе преовладува сончево време со променлива облачност во текот на денот.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нетанјаху му го честита 80-тиот роденден на Трамп: „Мирот доаѓа преку силата“

Израелскиот премиер Бенјамин Нетанјаху денес му го честиташе 80-тиот роденден на американскиот претседател Доналд Трамп со пораката дека „мирот доаѓа преку силата“.

Нетанјаху му го честита 80-тиот роденден на Трамп: „Мирот доаѓа преку силата“

„Среќен роденден, Доналд“, напиша Нетанјаху на мрежата „X“, истакнувајќи дека роденденот на Трамп оваа година доаѓа во „соодветно време“, кога „Америка, голема нација изградена врз слободата и верата слави 250 години слобода“.

Нетанјаху рече дека мирот доаѓа преку силата, што е можен коментар за новиот Меморандум за разбирање со Иран.

„Ви посакувам континуирана сила и енергија додека ја водите Америка кон светла иднина на мир постигнат преку силата и додека продолжуваме да го воздигнуваме сојузот САД-Израел на сè поголеми височини“, напиша Нетанјаху.

Тагови: Бенјамин Нетанјаху Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер