Македонија

Македонска берза по петти пат се приклучи на глобална иницијатива

Македонска берза по петти пат се приклучи на глобалната иницијатива „Ring the Bell for Gender Equality”.

Македонска берза по петти пат се приклучи на глобална иницијатива

Темата на годинашниов „Ring the Bell for Gender Equality“, односно „Заѕвони го ѕвончето за родова еднаквост“ беше „Поддршка за правата на жените, еднаквост и инклузија“, а овој пат ѕвончето го заѕвонија неизвршните членови на Одборот на директори на Берзата Ивана Гажиќ од Загребска берза и Нина Неданоска од Шпаркасе Банка АД Скопје, заедно со Иван Штериев, Главен извршен директор на Македонска берза. Симболиката на ѕвонење на берзанското ѕвоно ја покажува посветеноста на Македонска берза да придонесе за што поголемо спроведување на принципите на еднаквост и инклузија на жените во сите општествени сфери. Видео од самиот настан ќе биде објавено дополнително.

Во оваа прилика, Главниот извршен директор на Берзата, Иван Штериев изјави: „Оваа глобална иницијатива трае веќе една деценија. Идејата е берзите со нивната уникатна улога во финансискиот систем и јавноста да придонесат за унапредување на родовата еднаквост во деловниот свет, преку промовирање на важноста на ова прашање на најголемите акционерски друштва и воспоставување на стандарди за одговорни и за транспарентни корпоративни практики на овој план. Македонска берза ја споделува оваа визија и затоа по петти пат учествува во „Ring the Bell for Gender Equality “.

„Прашањето за родовата еднаквост е многу важно, не само во бизнисот, туку и во сите други сфери на општествениот и политичкиот живот. Жените сочинуваат малку повеќе од половина од вкупното население, но значително помалку учествуваат во бизнисот и политиката, имаат пониска стапка на вработеност, заработуваат помалку, често се жртви на дискриминација, па и на насилство, дури и на работното место. Ваквата ситуација во модерното општество едноставно не е прифатлива. Особено, на пример, ако се земе предвид дека во Хрватска дури 61% од дипломираните студенти се жени, додека во 61% од котирани компаниите на Загрепската берза нема ниту една жена во управата. “ – изјави Ивана Гажиќ од Загребска берза.

„Родовата еднаквост не е само морална обврска, туку и суштински фактор за долгорочен економски раст и стабилност. Жените на лидерски позиции покрај тоа што носат нови перспективи и иновации, создаваат работни средини кои вреднуваат инклузивност и емпатија, што ја поттикнува продуктивноста и позитивната култура. Како лидери, мораме да се фокусираме на создавање еднакви можности за сите, без оглед на родот, и да работиме активно на разбивање на стереотипи и политики што го ограничуваат нивното напредување. Само преку инклузивност и поддршка на сите професионалци ќе изградиме силни тимови и успешно општество, а во оваа трансформација, подеднакво важни улоги имаат и мажите и жените.“ – изјави г-ѓа Нина Неданоска, Заменик Претседател на Управниот Одбор на Шпаркасе Банка АД Скопје.

Ова е единаесетта кампања на Иницијативата „Да заѕвониме за родова рамноправност“ поддржана од 123 берзи ширум светот и се реализира како партнерство помеѓу Меѓународната финансиска корпорација (IFC), Светската федерација на берзи (WFE), Иницијативата за одржливи берзи (SSE), во којашто членува и Македонска берза , Глобалниот договор на ОН, UN Women и Women in ETFs, а целта е да се промовира родовата еднаквост на пазарите на капитал.

Во функција на зајакнување на општествената свест за постигнување на поголема родова рамноправност, Берзата и оваа година објавува ажурирана анализа за структурата на органите на управување кај котираните акционерски друштва којашто е достапна на следниов линк: https://mse.mk/mk/news/13/3/2025/gender-analysis-of-the-management-bodies-of-joint-stock-companies-listed-on-the-macedonian-stock-exchange-for-2024 .

Македонска берза

Живот

Што значи кога имате букви што се повторуваат во името

– кој е себичен, а кого го чекаат големи трошоци? Еве што открива тоа за вашата личност!

Што значи кога имате букви што се повторуваат во името

Секоја буква има своја вибрација – посочува нумерологијата.

Името на една личност може да открие многу за нивниот карактер и личност. Во многу култури, се верува дека повторувањето на одредени букви во името може да влијае на карактеристиките на една личност. Еве како, користејќи нумерологија, поединечните букви можат да го обликуваат карактерот на поединецот.

Имено, според нумеролошката интерпретација, секоја буква во името носи посебна вибрација.

Повторување на буквите A, И, Ј

Луѓето во чиишто имиња се повторуваат овие букви се сметаат за храбри, силни, се стремат кон независност и слобода, се стремат кон висок социјален статус и се склони кон борба за признавање и напредување во кариерата.

Повторување на буквите Б, К, Р

Повторувањето на овие букви во името укажува на емотивна и уметничка личност, која е тактична и им помага на другите. Таквите луѓе често се чувствителни и склони кон уметничко изразување.

Повторување на буквите Ц, Г, Л, С

Луѓето во чии имиња се повторуваат овие букви се исклучително имагинативни и талентирани во уметничкиот израз. Сепак, тие можат да бидат склони кон себично однесување и трошење енергија во потрага по задоволство.

Повторување на буквите Д, М, Т

Повторувањето на овие букви укажува на личност која напорно работи, управува со финансиите и презема одговорност за своето семејство. Сепак, ова може да го забави нејзиниот напредок.

Повторување на буквите Е, Х, Н

Луѓето во чии имиња се повторуваат овие букви може да бидат успешни во правни работи или во продажба, но истовремено може да бидат склони кон неодговорност во семејниот живот.

Повторување на буквите У, В

Повторувањето на овие букви во името, често укажува на личност со изразени уметнички таленти, која се стреми кон општествено признание и популарност, сака патувања и општествени активности.

Повторување на буквите О, З

Повторувањето на овие букви во името укажува на личност која сака длабоко размислување, истражување и медитација, и се стреми кон вистина и оддалечување од секојдневните проблеми.

Повторување на буквите П, Ф

Луѓето во чии имиња се повторуваат овие букви често се способни и моќни во бизнисот, но истоврмено може да имаат потешкотии во семејниот живот и да се соочат со големи трошоци.

Македонија

Чешка испраќа медицински тим на барање на Скопје

Министерката за одбрана Јана Чернохова потсети дека Македонија веднаш и понудила помош на Чешка по големите поплави минатата година. 

Чешка испраќа медицински тим на барање на Скопје

Чешката Република со специјален лет вечерва испраќа медицински тим од Централната воена болница кон Македонија за да помогне на барање на македонските власти по трагичниот пожар во дискотека во Кочани во кој загинаа најмалку 59 лица, а 155 се повредени.

„Владата одобри испраќање медицински тим од Министерството за одбрана, поточно тим од Централната воена болница, 10 воени лекари и медицински персонал. Веста за ноќниот пожар во Кочани длабоко ме потресе. Сојузниците мора да стојат еден до друг во тешки моменти. Затоа веднаш го исполнивме северномакедонското барање", изјави вечерва чешкиот премиер Петр Фијала.

Министерката за одбрана Јана Чернохова потсети дека Македонија веднаш и понудила помош на Чешка по големите поплави минатата година.

Македонија

МЗ: Сите пациенти кои се префрлени во странство се во стабилна состојба

Министерството за здравство останува во постојана комуникација со сите надлежни институции и меѓународни партнери за натамошна координација и поддршка.

МЗ: Сите пациенти кои се префрлени во странство се во стабилна состојба

Министерството за здравство информира дека од раните утрински часови во Клиничкиот центар функционира кризниот штаб, во тесна координација со Министерството за внатрешни работи и Министерството за надворешни работи. Тимовите на здравствените установи се целосно ангажирани за обезбедување соодветна медицинска нега, а состојбата на сите пациенти се следи внимателно, при што се спроведуваат конзилијарни одлуки за натамошните медицински постапки.

Во текот на денешниот ден се згрижени над 140 пациенти, распределени во здравствените установи низ земјата:

• Клинички центар – 20 пациенти

• ГОБ „8 Септември“ – 20 пациенти

• Универзитетска клиника „Св. Наум Охридски“ – 21 пациент

• Клиничка болница Штип – 20 пациенти

• Општа болница Кочани – 7 пациенти

• Клиника за токсикологија – 2 пациенти

Покрај медицинската грижа во земјата, дел од пациентите се префрлени во здравствени установи во странство, како резултат на меѓународната поддршка и соработката со партнерските земји:

• Република Турција: 3 пациенти пристигнаа во Истанбул, а дополнителни 6 пациенти се очекува да пристигнат во Анкара до полноќ.

• Република Бугарија: 14 пациенти се хоспитализирани.

• Република Грција: 4 пациенти се згрижени.

• Република Србија: 5 пациенти се веќе хоспитализирани, а дополнителни 12 пациенти со воен авион се на пат кон Белград.

• Република Хрватска и Романија: Се очекува во тек на утрешниот ден да бидат испратени по 4 пациенти во секоја од овие земји.

• Република Словенија, Унгарија и Австрија: Во текот на утрешниот ден се очекува овие земји да испратат медицински авиони за транспорт на пациенти.

Сите пациенти кои се префрлени во странство се во стабилна состојба и под континуирана медицинска нега.

Како дополнителна поддршка во справувањето со кризата, во земјата пристигна медицински тим од ВМА Белград, а се очекуваат и медицински тимови од Чешка, Израел и Белгија, кои ќе се приклучат на напорите за обезбедување соодветна здравствена грижа.

За сите информации поврзани со состојбата на пациентите кои се наоѓаат во странство, како контакт лице е именуван проф. Д-р Игор Николов, кој е достапен на телефонскиот број: +389 72 270 648.

Министерството за здравство останува во постојана комуникација со сите надлежни институции и меѓународни партнери за натамошна координација и поддршка.

притисни ентер