Македонија во ноември домаќин на Европското првенство во ракомет за жени - Канал 5

Ракомет

Македонија во ноември домаќин на Европското првенство во ракомет за жени

 Европското првенство во ракомет за жени - по речиси една ипол деценија повторно на македонски терен!

Македонија во ноември домаќин на Европското првенство во ракомет за жени

Под слоганот #PLAYWITHHEARТ, Македонија, заедно со Словенија и Црна Гора, есенва ќе биде домаќин на Европското сениорско првенство во ракомет за жени. Првенството ќе се одржува од 4 - 20 ноември, а меѓу најдобрите 16 европски селекции, македонската женска ракометна репрезентација во прелиминарната фаза ќе настапи во рамки на групата Ц, заедно со Холандија, Романија и Франција. Натпреварите од прелиминарната Ц група ќе се играат во СЦ „Борис Трајковски,“ а билетите се веќе во продажба.

Денес на официјалната прес-конференција на Ракометната федерација на Македонија, официјално беше претставена програмата за богатата спортска есен, чиј епицентар ќе биде градот Скопје. Покрај тоа, во рамки на настанот, г-ѓа Гордана Нацева - едно од најмаркантните ракометни имиња и капитен на некогашниот европски шампион Кометал Ѓорче Петров, беше промовирана во амбасадор на Women's EHF EURO 2022 SLO/MKD/MNE .

Според Нацева, фактот што земјава е еден од домаќините, претстојното првенство, претставува одлична можност да се врати центарот на вниманието на женскиот ракомет во македонски рамки, но и да се зголеми интересот за ракометот на девојките ширум земјата.

„EHF EURO група Ц, која ќе се игра во Скопје, е одлична шанса да се подигне женскиот ракомет на повисоко ниво, да се стави спортот во центарот на вниманието и да се мотивираат младите девојки, како би имале поголем интерес за ракометот. Спортот е најдоброто нешто во животот и развојот на едно дете и би сакала тоа да го знаат и родителите и децата. Спортот може да ве научи на многу работи. Затоа ова натпреварување ќе биде ветар во крила за сите нас во женскиот ракомет да направиме нешто подобро“, вели Нацева.

Загревањето за големите натпревари започнува на 1 октомври (сабота) со пријателскиот натпревар на македонската женска сениорска репрезентација со женската репрезентација на Норвешка, со почеток од 16.00 часот во СЦ „Борис Трајковски,“. Влезот за натпреварот е слободен.

Ракометот е спорт број еден во земјава, а тоа што по втор пат сме домаќини на Европско сениорско првенство (после ЕП 2008), преставува огромна чест, но и голем предизвик. Македонската женска сениорска репрезентација ве поканува да дојдете на трибините, гушнати под боите на нашето знаме заедно да покажеме колку се гордееме со нашиот тим и да навиваме, достојно носејќи ја титулата земја - домаќин!

Играме со срце – навивајте за нас!

Во продажба се дневни билети, пакет билети за прелиминарната рунда и за главната рунда, како и за пакет билети за сите натпревари кои се одигруваат во Скопје. Попусти има за студенти, деца и пензионери, како и за купување на повеќе од три билети. Билети може да се купат на следниот ЛИНК. Она што е важно да се нагласи е дека во Скопје, покрај првата (прелиминарна) рунда ќе се играат и натпреварите од главната рунда.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Холивудски актер ослабе 90 килограми, многумина не го препознаваат на фотографијата

Додека многу познати личности се потпираат на лекови за слабеење, холивудскиот актер Џон Гудман ја постигна својата трансформација на телото на сосема поинаков начин.

Холивудски актер ослабе 90 килограми, многумина не го препознаваат на фотографијата

Неодамнешната фотографија на Инстаграм предизвика бројни реакции бидејќи 74-годишниот актер, најпознат по улогите во серијата „Roseanne“ и филмот „The Borrowers“, изгледа речиси непрепознатливо. Гудман не го припишува својот успех на популарните лекови како Оземпик, туку на низа одлуки за начинот на живот поврзани со исхраната и здравјето.

Изненадување на социјалните мрежи

Фотографијата со Гудман ја објави актерот Дејвид ДеЛуиз, кој го нарече легенда и важен дел од неговото детство. Повеќето коментари под објавата беа поврзани со променетиот изглед на Гудман. „Го сакам Џон Гудман! Да, изгледа многу поинаку, но се обложувам дека се чувствува одлично“, „Дали е тоа Џон Гудман? Тој е непрепознатлив“ и „Тој е многу послаб отколку што го паметам“, се само дел од реакциите на корисниците.

Одлуката што промени сè

Гудман не користел лекови „GLP-1“, но донел уште една голема животна одлука - престанал да пие. Закрепнувањето од алкохолизам, со кој се борел 30 години, започнало во 2007 година и било клучно за неговата трансформација. Со текот на годините, тој постепено ослабел и се проценува дека вкупно е полесен за 90 килограми.

Во интервју за „The Guardian“ во 2012 година, тој ја објаснил својата одлука да престане да пие. „Сè стана премногу. Тоа беше 30-годишна болест која ги исцрпуваше сите околу мене и ми стануваше сè потешко и потешко. Стана прашање на живот и смрт. Време беше да престанам“, рече тој во тоа време.

Медитеранска исхрана и дисциплина

Актерот претходно изјави дека со тежина од над 180 килограми, ја трошел својата креативна енергија размислувајќи што да јаде следно. Својата исхрана ја базира на медитеранскиот модел, кој вклучува многу овошје, зеленчук, интегрални житарки и здрави масти како што е маслиновото масло. Тој, исто така, воспоставил строга рутина за вежбање. Тој вежбал со личен тренер шест дена во неделата и одел помеѓу 10.000 и 12.000 чекори дневно. Својот пристап го објаснил во интервју од 2016 година со радио водителот Хауард Стерн. „Го правев тоа полека. Само сакав да го променам мојот начин на живот“, рече Гудман, додавајќи дека тоа бил процес што траел цел живот.

Извор: Индекс.хр

Тагови: актер СЛАБЕЕЊЕ Џон Гудман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хаос кај Оман: Непознат проектил погоди брод

Центарот за поморски трговски операции на Велика Британија (UKMTO) денес објави дека непознат проектил погодил брод на околу 33 километри од брегот на Оман, во близина на градот Касаба.

Хаос кај Оман: Непознат проектил погоди брод

Според „UKMTO“, кој се повикува на доверлив извор, бродот бил погоден од непознат проектил, по што избувнал пожар.

Пожарот е изгаснат, а бродот и сите членови на екипажот се безбедни, се вели во соопштението на „UKMTO“.

Досега нема извештаи за какви било последици по животната средина.

Надлежните органи го истражуваат инцидентот, а на бродовите им е советувано да бидат внимателни додека пловат и да пријават каква било сомнителна активност до „UKMTO“.

Тагови: Оман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем шумски пожар избувна кај најголемото езеро во Италија, евакуирани повеќе од 200 луѓе

Голем шумски пожар избувна на западниот брег на езерото Гарда во Италија, а локалните власти евакуираа повеќе од 200 луѓе, вклучувајќи многу туристи, како мерка на претпазливост.

Голем шумски пожар избувна кај најголемото езеро во Италија, евакуирани повеќе од 200 луѓе

Езерото Гарда, најголемото езеро во Италија и една од најпознатите туристички дестинации во земјата, привлекува голем број посетители секоја година поради својата природна убавина, планинската околина и бројните летни одморалишта. Токму во оваа популарна област, која е особено популарна во ова време од годината, пожарот предизвика загриженост кај жителите и туристите.

Пожарот избувна вчера во општината Тињале и брзо се прошири низ ридестиот предел над езерото во текот на вечерта и ноќта.

Пожарникарите сè уште се борат со пожарот денес, но пожарот сè уште не е под контрола. Бројни противпожарни екипи, како и авиони и хеликоптери, учествуваат во гаснењето.

Пожарникарите ги штитат домовите

„Напорите во моментов се фокусирани на запирање на противпожарните фронтови и заштита на неколку станбени згради“, изјавија пожарникарите.

Досега нема извештаи за повредени.

Областа на езерото Гарда, најголемото езеро во Италија, е една од најпопуларните туристички дестинации во земјата.

Топлотниот бран продолжува да ја погодува Италија

Пожарот избувна во време кога Италија, како и поголемиот дел од Европа, се соочува со продолжен топлотен бран.

Температурите во делови од земјата надминуваат 40 степени Целзиусови во последните денови, а се очекува високите температури да продолжат до средината на месецот.

Извор: Индекс.хр

Тагови: Италија шумски пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер