Други спортови

Македонија се вклучи во одбележувањето на Меѓународниот ден на спортот

Со реализација на неколку активности денеска Република Македонија го одбележува 6 Април – Меѓународниот ден на спортот. Годинава одбележувањето на овој голем ден доби и социјална димензија при што во организацијата беа вклучени и дечињата од „Домот за деца без родители 11 Октомври“.

Директорот на Агенцијата за млади и спорт Марјан Спасески заедно со македонските спортски легенди Индира Кастратовиќ, Игор Стефановски-Иџе, Благоја Георгиевски-Буштур, Атанас Николовски и Вели Мумин, ги посетија се дружеа со децата од Домот. Потоа во спортската сала „Македонски Херои дечињата практикуваа традиционални игри и спортови. Се одржа и ревијален фудбалски натпревар помеѓу студентите од Факултетот за физичко образование, спорт и здравје и децата од Домот.

- Тоа беше и нашата цел, одбележувањето на денот на спортот да има и социјална димензија преку спортување, дружење и играње да се зајакне социјалната инклузија во македонскиот образовен и спортски систем на децата без родители, и да се мотивираат и охрабрат дека еден ден и тие може да станат студенти или професионални спортисти и да ги остварат своите соништа. Општо познато е дека спортот има моќ да сплотува, да го гради принципот на почит кон противникот и фер играта, принципи кои особено денес им се најмногу потребни на сите чинители во нашето општество, изјави Спасески.

Тој од денешниот настан упати порака кон најмладите редовно да се занимаваат со спорт, за како што рече, да имаат правилен физички, ментален, психолошки и социјален развој.

Во таа насока се и активностите на Владата и Агенцијата за млади и спорт.

- Владата во делот на капиталните инвестиции во спортот во изминатите неколку години, несомнено се заокружува еден концепт на создавање здрава нација и одлична превентива за младите во борбата против пороците на модерното живеење. Токму во таа насока се и проектите за изградба на 50 фудбалски игралишта, 180 спортски сали преку АМС и МОН, 100 повеќенаменски игралишта и 120 тениски терени, како и поддршката која ја дава државата на младите и талентирани спортисти преку стипендиите, потенцира директорот на АМС.

Со резолуцијата на Генералното собрание на Обединети Нации, 6 Април е прогласен за Меѓународен ден на спортот и мирот. По тој повод, целото олимписко и спортско семејство, глобално, за прв пат во историјата го посветува овој ден на Спортот за развој и мир и насекаде во светот се организираат спортски, културни и уметнички манифестации. /МИА

Македонија

Тошковски: МВР ќе ја гарантира безбедноста на секој набљудувач

Изјава по остварена средба со претставници од Фондацијата „Ромите за демократија“ кои денеска организираа протестен марш од ДИК до МВР.

Тие протестираа заради закани кои биле упатени кон нивни набљудувачи за време на првиот круг од Претседателските избори 2024.

Министерот за внратрешни работи во техничката влада, Панче Тошковски изјави дека МВР ќе ја гарантира безбедноста на секој набљудувач за време на изборниот процес.

Свет

Кремљ ги дефинираше како неосновани обвинувањата на САД дека користеле хемиско оружје

Кремљ ги оквалификува како неосновани американските обвинувања дека руските сили користеле хемиско оружје во Украина.

Портпаролот на Кремљ, Дмитриј Песков, изјави дека Москва останува обврзана со договорот за забрана на употреба на хемиско оружје.

Стејт департментот ја обвини Русија дека го користела хемиското оружје „хлорпикрин“ против украинските сили со што ја прекршува Конвенцијата за забрана за употреба на хемиско оружје.

„Употребата на тие хемикалии не е изолиран инцидент и најверојатно е мотивирана од желбата на руските сили да ги отстранат украинските сили од зацврстените позиции и да постигнат тактички напредок на бојното поле“, соопшти Стејт департментот. /МИА

Свет

Палестинските безбедносни сили убиле милитант на Западниот брег

Палестинските безбедносни сили денеска на Западниот Брег убиле припадник на локална вооружена група поврзана со милитантниот Исламски џихад, откако биле под нивен оган, јавуваат британските медиуми, додавајќи дека тоа е редок судир меѓу Палестинците.

Талак Двејкат, портпарол на безбедносните служби на палестинските власти, изјави дека органите на редот биле испратени во ноќна патрола во Тулкарм и биле под оган и возвратиле и го застрелале напаѓачот, кој починал од раните во болница.

Локалната вооружена група бригади Тулкарм и Нур-Шамс објави дека загинатиот човек Ахмед Абу ал Фул е нивни член. Групата ја потврди својата поврзаност со милитантите на Исламскиот џихад. Бригадите Тулкарм и Нур Шамс го опишаа нападот на палестинските безбедносни сили врз нивниот член како „атентат“ во израелски стил. Според вооружената група, Ал-Фул бил нападнат „без причина“.

Палестинската управа, предводена од претседателот Махмуд Абас, има ограничена самоуправа на Западниот Брег и понекогаш ја координира безбедноста со Израел. Хамас, сојузник на Исламскиот џихад, ги осуди „нападите на силите на палестинската управа против нашиот народ и борците на отпорот“. /МИА