Спорт

Македонија победник на европското е-спорт првенство во Дота 2!

Македонија е шампион во видеоиграта „Dota 2“! Нашите момци на натпреварувањето што се одржа во Приштина го освоија првото место, а на пато до трофејот мораа да се борат против неколку силни тимови.

Македонската е-спорт репрезентација во Дота 2 го освои трофејот на Европското првенство кое се одржа во Приштина.

Нашата репрезентација во финалето третпат ја победи Белорисија на првенството, сега со минимални 2-1 што неше доволно за освојување на шампионскиот пехар.

Македонија одигра перфектно во Приштина, забележа седум победи и беше без пораз во походот кон тронот.

Во групната фаза нашата селекција ги победи Белорусија, Унгарија, Грузија и Хрватска. Потоа во првата нокаут рунда славеше над Романија со (2-0), а во полуфиналето ја совлада Белорусија (2-0). Бидејќи на овие турнири има костур за втора шанса, Белорусите се вратија на посакуваниот пат и играа финале, ама загубија.

Македонската е-спорт федерација и репрезентативците заработија највисока премија на турнирот, односно ќе поделат 7.000 евра.

Што е „Dota 2“

„Dota 2“ е популарна бесплатна онлајн стратешка игра од типот MOBA, каде две екипи од по пет херои се борат да ја уништат базата на противникот, позната по својата комплексност, огромна е-спорт сцена и највисоките наградни фондови во историјата на гејмингот.

„Dota 2“ (скратено од „Defense of the Ancients 2“) е една од најпознатите и најиграните „MOBA“ (Multiplayer Online Battle Arena) игри во светот, развиена и објавена од „Valve Corporation“. Играта е базирана на мод за „Warcraft III“, но е развиена како самостоен наслов и објавена во 2013 година.

Во „Dota 2“, две екипи од по пет играчи се борат на симетрична мапа, каде што секоја страна има своја база и главна структура наречена Ancient. Целта е да се уништи „Ancient-от“ на противничкиот тим, додека се брани сопствениот.

Играчите бираат херои – постојат повеќе од 120 различни, секој со уникатни способности и стил на игра. Стратегијата, тимската комуникација, како и индивидуалната вештина, играат клучна улога.

Играта е бесплатна за играње (free-to-play) и достапна преку платформата „Steam“. „Dota 2“ има масивна светска еспорт сцена, каде што се организираат турнири со милионски наградни фондови – најголемиот меѓу нив е „The International“, со рекордни суми на награди финансирани од заедницата.

Со богата митологија, комплексна механика и лојална заедница, „Dota 2“ се смета за една од највлијателните игри на сите времиња во жанрот на еспортот.

(Гол.МК)

Тагови: Dota 2 е-спорт Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Тројца пожарникари загинаа во пожарите кои беснеат во Грција, најкритично на Крит и Пелопонез, евакуирани туристи

Јужна Европа и натаму е во пламен. Разорните шумски пожари и натаму беснеат во повеќе европски земји, оставајќи зад себе уништени домови, опожарени шуми и илјадници евакуирани жители и туристи.

Најтешка е состојбата во Грција, каде што во борбата со огнената стихија животот го загубија тројца пожарникари.

На југот на островот Крит беснеат најголемите пожари. Двајца пожарникари загинале откако со службеното возило ја изгубиле ориентацијата во густиот чад, додека уште еден нивен колега бил пронајден мртов во близина на пристаништето Гитео на Пелопонез. Причината за неговата смрт сè уште не е соопштена.

Поради силните ветрови, хеликоптерите и противпожарните авиони привремено ги прекинаа летовите, што дополнително ја отежна борбата со пожарите. Евакуирани се неколку населени места, а околу 6.000 туристи биле погодени од евакуациите.

Грчките власти предупредуваат дека опасноста останува исклучително висока и во наредните денови.

-Во името на целиот владин кабинет изразувам длабоко сочуство кон семејствата на загинатите пожарникари, кои ги загубија своите животи во борбата со пламените јазици, додека се обидуваа да ги спасат животите на своите сограѓани, и нивните домови. Државата ќе ги одликува со најголеми почести. Владата ќе застане зад нивните семејства и ќе ги зајакне акциите со кои ќе се превенираат ефективно заканите од климатската криза – изјави Мицотакис.

Во Франција пак, пожарникарите се борат со десетици активни пожари. Во јужниот департман Вар се евакуирани неколку стотици жители, а нови огнени жаришта се регистрирани и во шумите, јужно од Париз, каде што веќе изгореле повеќе од 120 хектари.

Во регионот кај Бордо, каде што пожарите ова лето уништија околу 42 илјади хектари, состојбата постепено се стабилизира и властите најавуваат враќање кон нормален живот.

Во исто време нови пожари се шират и во Шпанија. Најкритично е во Националниот парк на границата со Португалија, каде што се евакуирани дванаесет населени места и речиси илјада жители. Иако во делови од земјата мерките постепено се укинуваат, околу 9.500 луѓе во регионот на Мадрид сè уште не можат да се вратат во своите домови.

Со пожарите се бори и Турција. Во туристичката област Анталија противпожарните екипи веќе неколку дена интервенираат на повеќе жаришта, а дел од населението е евакуирано како мерка на претпазливост.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.