Македонија одбележува 122 години од смртта на Гоце Делчев - Канал 5

Македонија

Македонија одбележува 122 години од смртта на Гоце Делчев

Македонија денеска ја одбележува 122 годишнината од смртта на Гоце Делчев – еден од најзначајните визионери и револуционери во македонската историја.

Македонија одбележува 122 години од смртта на Гоце Делчев

Одбележувањето во црквата „Свети Спас“ каде се наоѓа неговото вечно почивалиште, започна со Панихида која ја служеше Поглаварот на Македонската православна црква – ОА г.г. Стефан, во сослужение со свештениците од Скопската епархија.

Потоа беше интонирана и македонската химна.

Цвеќе на неговиот гроб положија претседателката Гордана Сиљановска-Давкова, премиерот Христијан Мицкоски, министрите за внатрешни и образование, Панче Тошковски и Весна Јаневск, лидерот на СДСМ Венко Филипче, претставници на собранието и други делегации.

Неговото дело и хуманост се безвременски, рече премиерот Мицкоски а политичарите од актуелната Влада имаат обврска да ја пренесуваат неговата вистина.

-Кога велам да го чува и да го негува, да ја пренесува вистината, онаа вистина каква што вистински се случувала, а не вистината којашто за жал некои се обидуваат да ја искриват и во колективната меморија на македонскиот народ во минатото имаше обид за инжењеринг да таа вистина биде поинаква. За среќа тоа е веќе минато. А наша обврска е вистинската вистина да ја пренесеме на идните македонски генерации за овој голем македонски титан Гоце Делчев,-изјави – Христијан Мицкоски – Претседател на Влада.

Според лидерот на СДСМ Венко Филипче, пораките на Гоце Делчев денес се поактуелни дури и од времето во кое живеел.

-Ако Гоце Делчев кажал дека сме поделени како нација – ние тоа го сведочиме и денес, повеќе од еден век подоцна. Ако кажал дека треба сето да се разбере како поле за културен натпревар на народите, треба да работиме во таа насока – а не младите да го сфаќаат светот како поле за карта во еден правец. Ако кажал дека Македонија е полето каде што ние треба да делуваме, треба сите заедно да сфатиме дека само заеднички можеме да направиме тоа – да ја унапредуваме и надградуваме Македонија, и со човечки капацитет и со вредности,изјави – Венко Филипче – Претседател на СДСМ.

Исто како и на 4ти февруари кога се одбележува раѓањето на Гоце Делчев, и денеска не присуствуваше ниту еден од високите владини функционери или пратеници од Вреди.

Ниту собранискиот спикер Африм Гаши, ниту вицепремиерот Изет Меџити не одговорија на прашањата на Канал 5 зошто не беа меѓу присутните на одбележувањето. Побаравме став и од Вреди, а оттаму ни одговорија дека имале партиска делегација составена од двајца – заменик министерот за образование Љуљзим Алиу и директорот на трансфузиологија Амир Елези.

YouTube video

Тагови: Гоце Делчев Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО. 

АКТО завршува во недела со „Бистро на еден ден" во дворот на Железничката зграда

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер