Македонија

Македонија нема регистар на опасни раси кучиња

Земјава како опасни кучиња ги препознава само оние кои извршиле напад врз човек или друго животно, додека пак во регистарот ниту едно куче не се води како можна опасност без разлика на големината. 

Во поразвиените европски и светски земји кучињата како што се питбул, аргентиска дога, мастифите, па дури и шарпланинец, кои што можат да предизвикаат опасност се забранети.

Од Анима Мунди сметаат дека ваквиот закон треба да се примени и во Македонија.Велат дека треба да се формира стручна група, кој врз основа на експертиза ќе одреди кои кучиња се опасни и не треба да се чуваат како домашни миленици.

-Според тоа колкава сила има кучето за да нанесе штета, ако земеме една чивава, која може да покаже далеку поголема агресија од еден питбул, меѓутоа питбулот може да нанесе штета со само еден напад. Тие стручни лица направиле категорија на кучиња што може да предизвикаат голема штета доколку нападнат и тие кучиња едноставно се забранети за било какво размножување, чување, увоз, извоз значи се, такви кучиња во тие држави нема. Така треба да биде и тука, сите тие кои што моментално чуваат такви кучиња, треба да ги стерилизираат и кастрираат за да се сопре нивно размножување и да се забрани увоз на тие одредени раси.- Гизела Бошковска – Анима мунди.

Сепак, според Бошковска најголемите пропусти се институционални, а ахв ндма ниту капацитет да врши редовни контроли на терен

Треба да се контролира и дали секој што чува куче е одговорен сопственик, меѓутоа кај нас тоа е слаба страна, имплементацијата на законот за заштита и благосостојба е еднаква на нула, инспекторите на АХВ исклучиво постапуваат по пријави. Значи доколку граѓанин пријави ќе отидат на терен, меѓутоа да се прави редовна контрола, нема ништо од тоа. Само на територија на Скопје се тројца или четворица што треба за сите животни буквално, не збориме само за кучиња и за мачки, збориме и за овци и за коњи и за се што е животни тие ја спроведуваат така да и капацитетот на агенцијата е премал за да ги опслужи сите општини на Скопје. Гизела Бошковска – Анима мунди.

И во другите градови состојбата е поразителна, бидејќи според информациите, има по еден инспектор на 3 градови.... Дека треба да има построги регулативи за домашни миленици сметаат и кинолозите за да се избегнат несакани ситуации.

Живот

10- годишно дете од САД си пресудило по малтретирањето на училиште-родителите 20 пати се жалеле

Десетгодишно момче од Индијана извршило самоубиство откако наводно било ужасно малтретирано на училиште, додека неговите родители тврдат дека 20 пати се пожалиле во училиштето.

Семи Теус се самоубил на 5 мај, а според неговото семејство бил малтретиран до ноќта пред смртта.

Неговите родители Сем и Никол тврдат дека момчето било физички и психички малтретирано на училиште, а наводно неодамна го претепале во училишниот автобус.

Малтретирањето започнало минатата година кога тој се префрлил во училиштето, пишува Дејли Мејл.

Според семејството, Сем 20 пати им кажал на наставниците и на другите вработени во училиштето за злоупотребата.

„Најпрвин го исмејуваа поради очилата, потоа поради забите. Тоа траеше долго. “, рече таткото на Семи.

Злоставувањето потоа станало физичко.

„Го претепаа во автобус, децата му ги скршија очилата. Се јавив во училиштето, ги прашав што ќе прават во врска со тоа, стануваше сѐ полошо и полошо“, рекол таткото.

Според него, училиштето знаело што се случува, а злоупотребата низ училиштето и во автобусот се проширила на социјалните мрежи.

Училиштето соопштило дека неговите родители ја пријавиле смртта како самоубиство и ги истражуваат тврдењата за злоупотреба.

Истрагата продолжува.

Регион

Скандалозен исказ на таткото, кој ги држел своите деца како заложници и пукал со калашников

Алекс Марку (40), кој ноќта меѓу вторникот и средата во Драч со часови ги држеше како заложници во станот своите две мали деца, додека пукаше со калашников, дал изјава во полиција.

Алекс Марку (40), кој ноќта меѓу вторникот и средата во Драч со часови ги држеше како заложници во станот своите две мали деца, додека пукаше со калашников, дал изјава во полиција и тврди дека направил сѐ за „да ги заштити децата од љубовник на жената“, објави Политико.

Марку рекол дека имал проблеми со сопругата и дека, како што тврди, таа нашла друг маж.

Таткото, кој испукал најмалку 18 истрели во станот и од балконот во Драч, тврдел дека ги зел децата „за да ги држи подалеку од момчето на жената“. Потоа, како што тврди таткото, „новиот дечко на неговата сопруга дошол да го нападне“.

Потоа, како што рече, со калашников излегол на терасата.

„Четири дена бев во стан на плажа со моите деца и сѐ беше супер. Жена ми побегна во Италија и малку се каравме. Последен пат кога се скаравме, таа отпатува за Италија и јас ги зедов децата и дојдовме во Драч.“

Марку рекол дека сѐ ескалирало кога „љубовникот дошол кај него“.

„И тогаш нејзиниот љубовник доаѓа да ме нападне во куќата и затоа пукав. Не сакав да има врска со децата. Го однесов детето на тераса кога пукав, па можеше да види дека никогаш не сум бил насилен кон децата“, тврди таткото, кој беше уапсен вчераутро по неколкучасовни преговори.

Медиумите јавуваат дека децата, кои биле извлечени неповредени од станот, сега се со својата мајка и го напуштиле Драч.

Не се знае со каква казна се соочува таткото.

Живот

Аеродромски работник падна од авион- му се лизнаа скалилата кога сакал да излезе (ВИДЕО)

Еден од работниците на аеродромот во Џакарта паднал од паркиран авион.

Скалите со помош на кои требало да го напушти леталото се лизнале непосредно пред да излезе, а бидејќи не забележал – паднал на земја.

Инцидентот, наводно, се случил на аеродромот во главниот град на Индонезија, Џакарта (CGK), кога еден од аеродромските работници излегувал од Airbus A320 (PK-TLB) на TransNus (8B), објави Aviation24. Видео кое кружи на социјалните мрежи јасно покажува како работниците на аеродромот ги отстрануваат скалите за качување/симнување додека човекот го напушта авионот.

Без поддршка на левата нога, работникот испаднал од авионот и завршил на земја.

Иако не се знае многу за здравствената состојба на работникот, голем број на специјализирани воздухопловни портали и профили на социјалните мрежи пишуваат дека тој скршил неколку коски и дека неговиот живот не е во опасност.Aviation24 јавува дека индонезиските власти започнале истрага за инцидентот.

Прагот на вратата на Ербас А320 е повеќе од три метри над земјата.

притисни ентер