Здравје

Македонија нема центар за лекување од тешки изгореници

Во Македонија не функционира единствениот Центар за изгореници кој беше во градската општа болница „Наум Охридиски“. 

Првиот човек на болницата Иван Спировски за Канал 5 потврди дека градежните работи во болницата траат со месеци и работата ќе трае најмалку уште половина година и дотогаш единствениот центар нема да функционира.

Засега луѓето кои се здобиле со изгореници се третираат на КАРИЛ. Извори од КАРИЛ велат дека може да ги примаат само повредените со изгореници, бидејќи ги имаат основните услови, а оваа клиника работи и со останати тешки пациенти. За да се олесни работата на КАРИЛ од министерството за здравство направиле договор со Клиниката за пластична хирургија каде ќе се адаптираат две нови простории за лицата со изгореници. Се додека не се отвори центарот за изгореници потешките случи ќе се третираат во странство на товар на фондот.

Викендов момче се здоби со тешки со изгореници од струен удар на железничката пруга во Трубарево. Момчето се здобило со изгореници од четврт степен, 80 проценти од телото му било оштетено.

Поради повредите беше испратено на лекување во најголемиот центар за изгореници во Софија. Министерствата на двете земји во 2019 година потпишаа меморандум за соработка.

Македонија

Јавниот превоз во Скопје денеска по неделен возен ред

Поради празникот 1 Мај – Меѓународниот ден на трудот, денеска  јавниот превоз во Скопје ќе сообраќа по неделен возен ред.

Од ЈСП Скопје информираат дека жичницата ќе работи со вообичаено работо време, а дежурни ќе бидат две билетарници. Од 7 до 14 часот ќе работат билетарниците на Транспортен центар и таа во Ѓорче Петров.

Од јавното претпријатие додаваат дека жичницата ќе работи два часа повеќе од досега, односно од 10 до 20 часот.

-Во период од 19-19.30 часот е последно возење од долу кон врвот, односно во 19.45 часот е последно возење од врвот надолу, велат од ЈСП Скопје.

Работното време е согласно со Одлуката за работно време на Жичарницата во период мај – септември.

Македонија

ЦУК апелира до граѓаните на внимателност при палење оган на отворено

Центарот за управување со кризи апелира до граѓаните на внимателност при палење оган на отворено за Меѓународниот ден на трудот - 1 Мај.

-За првомајскиот празник традиционално граѓаните излегуваат во природа и на излетнички места. Апелираме за внимателност при палење оган на отворено за првомајскиот празник, како и секогаш кога се престојува во природа. Ако се пали оган на отворено при одењето на излет, таму каде што нема посебно направени огништа за правење скара, тоа да се прави внимателно и пред заминување од местото, обврзно да се изгасне жарта од огнот, велат од ЦУК.

Македонија

На првиот ден од мај променливо облачно и топло, попладне локален дожд

Времето денеска ќе биде променливо облачно и топло со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи, соопшти Управата за хидрометеоролошки работи.

Минималната температура ќе биде во интервал од 6 до 12, а максималната ќе достигне од 20 до 27 степени.

Во Скопје променливо облачно и топло со слаб до умерен ветер од јужен правец. Попладне и кон крајот на денот во делови од котлината ќе има краткотраен пороен дожд и појава на ретки грмежи. Минималната температура ќе се спушти до 9, а максималната ќе достигне до 25 степени.

Во наредните денови следува период на променливо облачно време со повремени локални врнежи од дожд. Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град.

Дневната температура од четврток до сабота ќе биде во постепено опаѓање.

притисни ентер