Македонија и Обединетото Кралство потпишаа декларација за стратешко партнерство - Канал 5

Македонија

Македонија и Обединетото Кралство потпишаа декларација за стратешко партнерство

Македонија и Обединетото Кралство ја интензивираат соработката во областа на надворешната политика, безбедноста и одбраната, со посебен акцент на сојузништвото во НАТО.  

Македонија и Обединетото Кралство потпишаа декларација за стратешко партнерство

Шефот на дипломатијата Тимчо Муцунски со неговиот британски колега Дејвид Лами во Лондон потпишаа декларација за стратешко партнерство меѓу двете земји. Договорот меѓудругото превдидува реализација на важни инфраструктурни проекти во различни сектори, како транспорт, здравство и енергетика.

Двајцата министри по средбата како што соопштија од МНР, оцениле дека определбата за стратешко партнерство како и потпишувањето на декларацијата, отвораат ново поглавје во односите меѓу двете земји

-Средба од историско значење, која отвора ново поглавје во билатералните односи помеѓу двете земји, во чии рамки ја потпишавме Декларацијата за стратешко партнерство. Овој документ ќе ги зајакне и унапреди стратешките односи меѓу двете земји, вклучително и соработката во областа на надворешната политика, безбедноста и одбраната, особено во рамките на НАТО.--Тимчо Муцунски – Министер за надворешни работи и надворешна трговија.

На средбата во Лондон како што информираа од македонското МНР; станало збор и за неодамнешниот договор „влада со влада“ кој како што велат, е предвидено да ја зголеми трговијата, да го поттикне економскиот раст и да овозможи реализација на низа инфраструктурни проекти. Двете страни, нагласиле и дека во наредниот период ќе продолжат заеднички да работат на унапредување на соработката во областите од заемен интерес.

Денешната декларација доаѓа откако пред два месеци исто во Лондон, вицепреиерот и минситер за транспорт Александар Николоски и британскиот министер за бизнис и трговија Герет Томас, ставија потпис на договорот Влада со Влада, кој е дел од стратешкото партнерство со Обединетото Кралство.

Со потпишувањето, на Македонија и се ставија на располагање 6 милијарди евра за инфраструктурни и капитални проекти, пари кои според најавите, ќе се користат само за проектно финансирање.

YouTube video

Тагови: Обединето Кралство Тимчо Муцунски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Усвоен законот за органодарителство

Собранието ги усвои измените и дополнувањата на Законот за земање и пресадување делови од човечкото тело заради лекување, со што се отвора можност секој полнолетен граѓанин лично да се изјасни дали сака да биде органодарител по својата смрт.

Усвоен законот за органодарителство

Законот, кој беше донесен по скратена постапка, доби поддршка од 58 пратеници, додека шест гласаа против.. Од министерството за здравство оценуваат дека со овие измени значително се унапредува правната и институционалната рамка за органодарителство и трансплантација во земјата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Оризови топчиња

Во вторник (23.06.2026) во емисијата гостин ни бeше Анита Бошкова.

„Гответе со Дракче“ - Оризови топчиња

Состојки за денешниот рецепт:

250 - 300 гр. ориз

2 парчиња пилешки стек

3 парчиња моркови

1 мала главица кромид

половина китка магдонос

масло

сол, бибер и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Нагелсман по дебаклот: „Не бегам, не поднесувам оставка“

Јулијан Нагелсман останува на клупата на Германија по дебаклот на Светското првенство и поразот од Парагвај на стартот на  елиминациската фаза, тој не планира да поднесе оставка и сака да се подготви за идните предизвици.

Нагелсман по дебаклот: „Не бегам, не поднесувам оставка“

Фудбалската репрезентација на Германија доживеа уште едно фијаско и на третиот Мундијал во низа останува без триумф во нокаут фазата.

По титулата во Бразил, Германија беше елиминирана во групната фаза во Русија и Катар, додека сега во САД, Мексико и Канада успеа да ја помине барем првата фаза, пред да налета на Парагвај.

Парагвајците досега покажаа малку, но со многу среќа поминаа во втората фаза и таму „покажаа заби“ на Германија, која ја исфрлија на пенали, со што го уништија митот за талентираниот тренер Јулијан Нагелсман.

И покрај срамната елиминација Нагелсман не размислува на поднесување на оставка, тој планира да остане на клупата до крајот на договорот.

„Тука сум. Ако Германската фудбалска федерација сака да останам до 2028 година, тогаш ќе останам. Ако не, тогаш ќе си одам“, рече Нагелсман.

„Не сум некој што бега. Тука сум ако тоа го сака Германскиот фудбалски сојуз. Ако не ме сакаат, мора да ми кажат. Сакам да продолжам. Во фудбалот немате целосна контрола. Ако сакаат да останам, со задоволство ќе се подготвам за Европското првенство и Лигата на нации. Ако не ме сакаат, мора да го кажат тоа“, нагласи Нагелсман, кој е најмладиот тренер на Светското првенство со 38 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер