Македонија и Канада ќе ги зајакнуваат севкупните економски врски

Македонија и Канада ги започнуваат преговорите за билатерална Спогодба за поттикнување и заштита на странските инвестиции, со која ќе се обезбеди подобра заштита на канадските и македонските инвестиции на пазарите во двете земји, ќе ги зајакне севкупните стопански врски и ќе ги поттикне растот, вработувањето и просперитетот во двете земји.

Ова било потврдено на денешната средба во Отава меѓу македонскиот министер за надворешни работи Никола Поповски и неговиот канадски колега Џон Берд.

На средбата исто така била потврдена и силната поддршка што Канада и ја дава на Македонија за влез во НАТО. Двајцата соговорници ја потврдиле заедничката посветеност кон глобалната безбедност и заедничките мислења и информации за евроатлантското интегрирање на Република Македонија. Во овој контекст, Канада и Македонија особено го ценат заедничкото партнерство во ширењето на глобалната безбедност и демократијата.

Македонија и Канада ги делат и унапредуваат вредностите на демократијата, владеењето на правото, почитувањето на човековите права и верските слободи, како и визијата за мир, стабилност и просперитет во Југоисточна Европа, нагласиле Поповски Берд на средбата.

Како што соопшти МНР, министрите зборувале стопанските, трговските и инвестициските врски меѓу Македонија и Канада, како и за неодамна склучената спогодба за авионски услуги меѓу двете земји.

- И Канада и Македонија имаат макроекономска стабилност, низок долг и котираат високо како економии што нудат поволни услови за водење бизнис, било посочено на средбата. Министрите се обврзале да го олеснат искористувањето на целосниот потенцијал за деловни и инвестициски активности во поволните деловни средини на двете земји.

Министрите, како што се посочува во соопштението, изразиле задоволство од значително зајакнатата соработка и се согласија да продолжат по тој пат во билатералните односи со размена на посети на високо ниво и одржување на парламентарните контакти и да ги поттикнуваат партнерствата меѓу бизнисите, институциите и луѓето.

Канадското Министерството за надворешни работи, трговија и развој и Министерството за надворешни работи ќе ја зајакнат меѓусебната поддршка и соработка преку размена на дипломати, знаење и други дипломатски средства.

Министрите на средбата се договориле да разгледаат начини за дополнително олеснување на двостраните политички и стопански односи со задолжување на високите претставници на нивните министерства редовно да разговараат за прашања од заеднички интерес, вклучувајќи ги и тие од областите правна соработка, олеснување на патувањето и зајакнување на трговијата. Во овој контекст, Попоски и Берд се договориле да поттикнуваат создавање дополнителни можности и иницијативи за размена на деловно знаење, научна, образовна и културна соработка и мобилност на младите.

Канадскиот министер Берд ги нагласил значајниот придонес и многу активната улога на македонската заедница во градењето на канадското општество и во поддржувањето на силните и трајни врски меѓу двете држави. Попоски изрази благодарност за канадската вековна поддршка и интегрирање на бројните македонски имигранти и за промовирањето на нивниот идентитет и култура.

Министрите разговарале детално за голем број актуелни светски прашања и прашања од заеднички интерес.

Министерите Берд и Попоски ќе отпатуваат во Халифакс, Нова Шкотска, каде ќе учествуваат на Меѓународниот безбедносен форум, кој на едно место собира претставници на влади, војски, бизниси, академски заедници и медиуми за да разговараат во неформална атмосфера и да разгледаат повеќе актуелни меѓународни безбедносни прашања. /извор: МИА/

За Велигден претежно сончево и потопло време

Во недела и понеделник времето во земјава за најголемиот хртистикански празник Велигден ќе биде претежно сончево и потопло, соопшти Управата за хидро - метеоролошки работи.

Во вторник локално ќе има изолирана појава на пороен дожд и ретки грмежи. Под влијание на нов влажен бран во среда и четврток на повеќе места ќе биде нестабилно со пороен дожд и грмежи, локално во форма на невреме.

Утре времето ќе биде променливо облачно, наместа со повремени врнежи од дожд. Ќе дува умерен, повремено засилен ветер од северен правец. Утринската температурата ќе се движи од 1 до 11 степени Целзиусови, а максималната дневна од 9 до 21 степени. Во Скопје слично време со температура до 19 степени.

Марио Гомез за изгледот на Озил: Не знам која му е целта

Поранешниот германски репрезентативец Месут Озил (35) се повлече од играњето на почетокот на 2023 година и оттогаш работи на трансформирање на своето тело.

Озил низ кариерата беше слаб, лесен напаѓачки играч за врска, но во последно време тренира со тегови во теретана. Резултатите се видливи, а снимките и фотографиите ги објавува на Инстаграм.

Озил ја помина својата кариера играјќи на врвно ниво. Започна во Германија, играше за Шалке и Вердер, а потоа се пресели во Реал Мадрид и Арсенал. Кариерата ја заврши во Турција. Освои десет клупски трофеи, а со германската репрезентација беше светски првак во 2014 година.

Сонародникот на Озил и пензиониран напаѓач на Баерн, Марио Гомез (38) зборуваше за физичката промена на Озил во подкастот на Билд: „Се восхитувам како се справува со тоа. Но, јас сум поддржувач на средината бидејќи доживеав осцилации во двете насоки и знам дека екстремите не водат кон ништо добро не знам која му е целта.

Не е за мене, но не е тоа поентата. Кога ќе ја завршите кариера во која сте фалени и охрабрувани со години, природно е да го барате она што ве исполнува. Месут изгледа го нашол во теретана. Играше со Роналдо и можеби помислил: „Сега имам време да станам мал Кристијано“.

Гомез зборуваше и за Кристијано Роналдо, еден од најдобрите фудбалери на сите времиња, кој освои сѐ што можеше и кој е познат по својата неверојатна индивидуална работа, поради што и на 39 години се уште игра за Саудиска Ал Наср.

„Можете да мислите што сакате за Роналдо, но кога зборуваме за инфлуенсери, тој имаше позитивно влијание на цела генерација. Секој ден покажува колку труд треба да се вложите за да имате такво тело, а младите играчи го следат Веќе не пијат алкохол, во слободно време се во теретана, имаат приватен физиотерапевт и сите пијат филтрирана вода.

Посветеноста и професионалноста се многу повисоки денес и тоа има многу врска со Кристијано. Дури и Лионел Меси е на пат да стане Роналдо. Одеднаш и тој виси во теретана затоа што знае дека треба да удри гас. Тоа е моќта што социјалните мрежи можат да ја имаат“, рече Гомез.

Гомез во текот на својата професионална кариера играше за Штутгарт, Баерн, Фиорентина, Бешикташ и Волфсбург. Шест пати беше најдобар стрелец во различни натпреварувања, освои осум клупски трофеи и ја заврши својата играчка кариера во 2020 година. Денес работи како технички директор на РБ Лајпциг.

Трудница е убиена во својот дом во Лос Анџелес, требало да роди близнаци

Во Лос Анџелес е во тек истрага откако бремена жена била пронајдена избодена до смрт во нејзиниот дом, соопштија локалните власти.

Замениците на шерифот на округот Лос Анџелес одговорија на повикот во Палмдејл пред два дена.

„По пристигнувањето на местото на настанот, полицајците насилно влегле во домот каде забележале крв на подот од дневната соба“, се вели во соопштението од канцеларијата на шерифот.

Жртвата била пронајдена со убодни рани и била констатирана смрт на местото на настанот, известија од кабинетот на шерифот.

Според информациите кои за ABC News ги потврди шерифот Мајк Гомез, жртвата била бремена околу шест до седми месец и носела близнаци. За убиството се уште нема уапсен.

"Светот е суров. Не можам да го разберам ова. Таа беше добра личност", изјави за KABC Лос Анџелес Алексис Армстронг, пријателка на несреќната трудница.

притисни ентер