Македонија и Балканот со екстремно високи температури – заладување за една недела - Канал 5

Македонија

Македонија и Балканот со екстремно високи температури – заладување за една недела

Министерството за здравство според прогнозите на УХМР објави дека од денеска се активира фаза 3 заради превенција на последиците од топлотен бран врз здравјето на населението која ќе трае до 8-ми јули.

Македонија и Балканот со екстремно високи температури – заладување за една недела

Од хидро-метеоролошкиот завод најавуваат температури кои ќе достигнуваат до 41 степен, но најавуваат пад на температурите во текот на следната недела.

-Нашето подрачје ќе остане под влијание на оваа топла воздушна маса се до вторник некаде кога температура на места ќе надминува и 40 степени. Во недела во попладнените, вечерните часови ќе има услови за локална нестабилна облачност. Во среда во текот на денот поради спуштање на нешто посвежа воздушна маса од север, ќе започне да дува засилен северен ветер кој ќе предизвика опаѓање на дневната температура. Така во среда очекуваме температура од 27 до 39 степени.--Ленче Ризова – УХМР.

Од итната медицинска помош за Канал 5 велат дека бројката на повици поради колапси на јавни места се зголемува. Освен колапсите, доктор Ѓорѓиевски вели дека зачестени се и сообраќајните несреќи. Според податоците на итната медицинска помош, само за последните 4 дена се соочиле со 250 повици, претежно поради колапси на јавни места.

- Да, заради покачените надворешни температури доста е покачен бројот баш на тој тип на интервенции наши, затоа што, нели, топлото време си го прави своето. Здравствено, кај луѓето најчесто се колапсите на јавни места во овие најтопли саати од текот на денот, на јавни места, на јавни површини, во домашни услови, секако поретко. Сообраќајките се доста зачестени заради вниманието што е намалено кај возачите.Секојпат ние инсистираме затоа „препораките – препораките“. Да бидат луѓето колку што можат поодговорни самите, да се придржуваат до хронична терапија тие што земаат, да пијат течности секогаш доволно ако мораат да излегуваат во оној најжешкиот период од текот на денот. Ако не, во утринските рани часови, доцна навечер. Тоа е нештото што менува.

За справувањето со екстремно високите температури разговаравме и со граѓаните. Според нив, иако е топло, ги почитуваат препораките кои ги дава институтот за јавно здравје и успешно се справуваат.

Кажете ни како се справувате со топлото време? –Нормално. Не е којзнае колку, но сепак е топло.

Дали ги знаете препораките што ги даваат и ИЈЗ, и МЗ? –Ги знаеме тие само, тоа е добро нешто, не е лошо, меѓутоа не е само еден ден.

Топло – топло, убаво, убаво, не е многу. 40 степени е.

Секако, секако дека пиеме течности повеќе. –А ги знаете препораките што ги дава ИЈЗ? –Знам.

Како се справувате со топлото време? –Супер, мене ми одговара времево. –Да? Добро е? –Да, болје него ладно. -Дали ги знаете препораките и дали ги почитувате? –Искрено, не. Да би ги знаел, би ги почитувал, зошто да не? Ваљда не треба да се излага.

Е, вака, под сенка бегаме. –ги знаете препораките што ги дава институтот? –да. –Ги почитувате? –Па, ги почитуваме колку толку.

-па, ќе преземеме мерки, после 12-1 не работиме веќе.

Инаку, третата фаза која ја активираше денес министерството за здравство значи висока опасност по здравјето на населението и ќе трае до 8 јули. Владата препорачува бремените жени и лицата над 60 години да бидат ослободени од работа, да се одложуваат активностите на отворено од 11 до 17 часот, а потребно е работодавачите да обезбедат услови за работа во простории со температура до 25 степени.

YouTube video

Тагови: топлотен бран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ким Кардашијан има пет дадилки за своите четири деца: „Една е секогаш на должност“

Ким Кардашијан, 45-годишната основачка на брендот „SKIMS“, во ново интервју откри детали за тоа како го организира животот со четирите деца што ги има со поранешниот сопруг, Канје Вест. 

Ким Кардашијан има пет дадилки за своите четири деца: „Една е секогаш на должност“

Заедно ги имаат ќерките Норт (13) и Чикаго (8) и синовите Сејнт (10) и Псалм (7), при што Кардашијан е нивниот примарен старател.

Кардашијан за „Тајмс“ откри дека има помош околу грижата за децата, ангажирајќи пет дадилки кои се менуваат. Таа објасни дека „една е секогаш на должност“, додека „останатите четири се менуваат во смени“.

Таа секој ден ги вози на училиште

И покрај тоа што има помош, Кардашијан вели дека е активно вклучена во секојдневниот живот на своите деца. Таа лично ги вози на училиште и ги зема оттаму секој ден, а секоја вечер заедно вечераат. „Мислам дека сум умерено строга мајка. Многу сум трпелива и им давам многу љубов. Децата сè уште можат да спијат во мојот кревет кога и да посакаат, а јас им читам секоја вечер пред спиење“, рече таа.

Таа се грижи за јавното експонирање на децата

Во интервјуто, таа се осврна и на прашањето за јавното експонирање на нејзините деца – особено на најстарата ќерка, Норт, која е популарна на „TikTok“ и сè повеќе се занимава со музика. Кардашијан призна дека се грижи за учеството на децата во семејното реално шоу „The Kardashians“. „Секое дете учествува онолку колку што се чувствува пријатно. Помалите деца се појавуваат додека снимам, но немаат некои големи улоги во серијата. Норт ужива во тоа малку повеќе од другите, па морам малку да ја ограничувам“, објасни таа. Таа додаде дека Норт е најмногу заинтересирана за проекти кои нудат јавно експонирање, поради што нејзините родители се обидуваат внимателно да ги избираат можностите што таа ги прифаќа, наместо да се согласуваат на сè што ѝ се нуди.

Кога станува збор за музиката, Кардашијан вели дека подобро комуницира со Канје Вест на таа тема. Тие се погрижуваат да бидат усогласени и се осигуруваат дека Норт учествува само во проекти што и двајцата ги одобриле.

Извор: Индекс.хр

Тагови: Ким Кардашијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хаос во Франција: Се затвораат до 500 средни училишта, 24 се запалени или вандализирани

Училиштата се затвораат кога не се исполнети безбедносните услови – било поради оштетување на имотот или поради тоа што вработените биле директно загрозени.

Хаос во Франција: Се затвораат до 500 средни училишта, 24 се запалени или вандализирани

Францускиот министер за образование, Жан-Мишел Бланке, денес соопшти дека утре целосно или делумно ќе бидат затворени меѓу 400 и 500 средни училишта во Франција поради последиците од насилните студентски протести, додека најмалку 24 училишни објекти биле запалени или вандализирани.

„Наставата беше прекината во меѓу 400 и 500 образовни установи во петокот, а веројатно сличен број ќе бидат затворени и во понеделник, иако со делумно и постепено продолжување на наставата“, изјави Бланке, пренесува весникот „Ле Фигаро“.

Францускиот министер наведе дека 78 вработени во образовниот систем се повредени откако започнаа протестите.

Според него, училиштата се затвораат кога не се исполнети безбедносните услови – било поради оштетување на имотот или поради тоа што вработените биле директно загрозени.

Бланке рече дека одредени припадници на крајната левица се приклучиле на протестите, обвинувајќи ги дека го злоупотребиле студентското движење и прибегнале кон насилство.

„Ова претставува ризик и за нашиот персонал и за учениците. Повредени се 78 вработени во образованието – нешто што досега не сме го виделе. Тие беа намерно нападнати бидејќи работат во образованието“, изјави министерот.

Протести низ Франција

Протестите и блокадите на средните училишта започнаа на 17 септември во регионот на Париз, а потоа се проширија низ целата земја. Ситуацијата, како што забележува францускиот весник, ескалираше во четвртокот во неколку француски градови.

Петокот беше одбележан со тензии и повеќе од 1.700 приведени лица, со што вкупниот број на приведени од почетокот на неделата достигна околу 5.000.

Организаторите повикаа протестите да продолжат и во вторник, наведувајќи дека не добиле „конкретни мерки“ од властите.

Учениците што учествуваат во протестите, меѓу другото, бараат повеќе персонал и зголемени средства за образованието, а истовремено се жалат на притисокот од системот за упис на универзитетите, недостигот на наставници-заменици, лошата состојба на училишните згради и преоптоварените распореди на часовите.

Извор: Б92

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пукање во близина на границата меѓу Норвешка и Шведска: Убиени татко и син

Татко и син загинаа, а трет маж беше тешко ранет во пукање во близина на Халден, во југоисточна Норвешка. Осомничениот, маж на возраст од околу 30 години, бил совладан од присутните на местото на настанот пред да пристигне полицијата.

Пукање во близина на границата меѓу Норвешка и Шведска: Убиени татко и син

Жртвите биле маж во седумдесеттите години и неговиот син, кој бил во четириесеттите години. Сите тројца биле дел од ловечка група собрана на имот во близина на езерото Ершеен, недалеку од шведската граница.

Напаѓачот совладан пред пристигнувањето на полицијата

Според норвешките медиуми, осомничениот не бил дел од ловечката група.

По пукањето, луѓето присутни на имотот успеале да го совладаат и да го задржат до доаѓањето на полицијата. Полицијата верува дека тој дејствувал сам и соопшти дека нема опасност за јавноста.

Според досегашните информации, во нападот била употребена ловечка пушка. Норвешките медиуми исто така известуваат дека осомничениот поседувал дозвола за две парчиња огнено оружје.

Адвокат: Тој ја признал кривичната одговорност

Адвокатот на осомничениот, Оле Ричард Холм-Олсен, изјави дека неговиот клиент ја признал кривичната одговорност за двете убиства и за ранувањето на третото лице.

Според адвокатот, осомничениот писмено ја признал кривичната одговорност и се согласил на притвор, но во моментов не сака да даде изјава пред полицијата.

Мотивот сè уште непознат

Полицијата сè уште истражува зошто осомничениот отворил оган и каква поврзаност имал со луѓето на имотот. Истражителите се сомневаат дека тој ја познавал групата или некои од нејзините членови, но според досега објавените информации, тој не бил во роднинска врска со загинатите или со ранетиот маж.

По пукањето, полицијата ја пребарала околината и блиските објекти за да провери дали има други напаѓачи или жртви. Не биле пронајдени други жртви ниту дополнителни напаѓачи.

Извор: Индекс.хр

Тагови: пукање

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер