Македонија го слави Илинден – 122 години од Илинденското востание и 81 година од АСНОМ - Канал 5

Македонија

Македонија го слави Илинден – 122 години од Илинденското востание и 81 година од АСНОМ

Со пораки за заедништво и просперитет, Македонија го слави Илинден... 

Македонија го слави Илинден – 122 години од Илинденското востание и 81 година од АСНОМ

Со пристигнување на коњаницата на Мечкин Камен во присуство на неколку стотини граѓани почна централната прослава за Илинден во симболот на Крушевската Република. Под мотото „Илинден вистината која живее“, годинешната манифестација во Крушево е под покровителство на претседателката Гордана Сиљановска Давкова, која откако заедно со бројни делегации положи свежо цвеќе, во обраќањето порача дека е време за нова пролет за нашата Република... Со апел да се зачуваат илинденските и асномските идеали таа од говорницата побара длабоки и суштински промени, почнувајќи од борба со криминалот и корупцијата ,забрзани реформи во правосудството, здравството, образованието.

Илинденците и Асномците се соочиле со две Европи во минатото, кажа Давкова, а сега земјава според неа повторно се соочува со двојни стандарди за членството во ЕУ. Иако Европа замижува за сопките со кои се соочува Македонија, не се откажуваме од членството во ЕУ, да стигнеме до 2030-та година, но врз основа на Копенхашките критериуми, а не билатерални прашања, порача претседателката.

Повици за национално обединување до сите граѓани од Меморијалниот центар на АСНОМ во Пелинце упати потпретседателката на Собранието, Весна Бендевска, која ја предводеше собраниската делегација наместо спикерот Гаши. Оттаму замина за манастирот Прохор Пчињски, но пораките останаа исти - двата Илиндена се завет и обврска за сите граѓани, а Македонија, кажа Бендевска, мора да се врати на Крушевските и Асномските идеали.

Почетокот на Илинденското востание го објавиле камбаните во Крушево на полноќ спроти Илинден 1903 година. Околу 800 востаници го ослободиле градот, а по два дена Никола Карев ја прогласил Крушевската Република и станал нејзин претседател. Слободната Република траела десет дена, пред да биде крвово задушена..

41 година подоцна, во 1944 година, на истито датум се одржало Првото заседание на АСНОМ, во манастирот Прохор Пчински, на кое беа поставени темелите на современата македонска држава, во рамките на Југославија..

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Маж загина во пожар во барака во скопски Жданец

Маж загина во пожар што доцна синоќа избил во барака во скопската населба Жданец.

Маж загина во пожар во барака во скопски Жданец

Од МВР информираат дека бараката, сопственост на 56-годишен скопјанец целосно изгорела, а дека откако огнот бил изгаснат, во објектот биле пронајдено тело на починато машко лице. Од Центарот за управување со кризи информираат дека во гасење на пожарот кој избил половина час пред полноќ, интервенирале 19 пожарникари од Скопската противпожарна бригада со седум противпожарни возила. Засега не се познати причините за пожарот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кедев се впиша во Гинис како највозрасен човек во светот што ги искачил сите 14 врва над 8 000 метри

Македонскиот кардиолог и планинар Сашко Кедев влегува во гинисовата книна на рекорди како највозрасен човек кој стигнал до највисоката точка на сите 14 планини во светот повисоки од 8 000 метри.

Кедев се впиша во Гинис како највозрасен човек во светот што ги искачил сите 14 врва над 8 000 метри

Кедев имал 63 години и 14 дена кога на 20 јули 2025 година се искачил на „Гашербрум 1“ во Пакистан. Со искачувањето на овој врв, висок 8 080 метри, стана и првиот Македонец што ги искачил сите 14 врва над 8 000 метри. Прв на неговата листа беше највисокиот врв на светот, Монт Еверест, на кој Кедев се искачи во мај 2009-та година.

Во јули 2022 година, во растојание од само една недела, ги искачи Ка-2 и Броуд Пик. Искачувањата на Кедев ги потврдил Еберхард Јургалски, консултант на Гинис за планинарски рекорди. Гинис му припишува на Кедев уште едно постигнување. Тој е и највозрасниот човек кој ги исполнил двата планинарски предизвика – ги искачил сите 14 врва над 8 000 метри и највисокиот врв на секој од седумте континенти. Континенталната седумка ја заокружи уште во 2011 година, со искачувањето на Пунчак Џаја во Океанија.

Тагови: Сашко Кедев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Мај среде ноември – следната недела до 20 степени

Десет колапси на јавни места биле пријавени во еден ден во брзата помош, како причина биле наведени и променливите и повисоки температури, велат од брзата помош.  

Мај среде ноември – следната недела до 20 степени

Од брзата помош со порастот на температутрите од старот на работната недела очекуваат дека повторно ќе имаат јавувања за зголемен крвен притисок и вртоглавици, и тешко дишење. Посебно да бидат внимателни возрасните и хроничните болни, бидејќи при падот граѓаните се здобиле и со повреди на главата.

Последните години пролетните температури во ноември станаа нормално, велат и светските метереолози и очекуваат глобалната температура да се зголемува. Во Македонија од понеделник температури и до 20 степени.

Од брзата помош со апел до возачите до колку не им добро да не возат автомобил, бидејќи во лоша здравствена состојба се губи концетнрацијата. Исто така високите температури ги користат и возачите на тротинети и има многу повредени граѓани, меѓу кои и деца.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер