Ракомет

Македонија ги почна подготовките за дуелите со Шпанија

Ракометната репрезентација на Македонија со денешениот собир, што се одржа во хотелот „Александар Палас“ ги стартуваше подготовките за претстојните два натпревара со Шпанија од квалификациите за Европското првенство во Данска.




На повикот на селекторот Ивица Обрван се јавија повеќето играчи со исклучок на интернационалците Кирил Лазаров и Борко Ристовски, кои утре со своите екипи играат натпревари во АСОБАЛ лигата и во Бундес лигата.

- Не очекува многу работа, а има малку време за подготовки. Оваа репрезентација ако на тактички план одигра како треба имаме шанси да останеме непоразени во дуелот со светскиот првак Шпанија, која во секој случај е фаворит. На подготовките додека да ни се приклучат Лазаров и Ристовски, повикани се играчите на Металург Петар Ангелов и Милан Левов, истакна селекторот Обрван.

Меѓу играчите беа и повратниците во репрезентацијата: Горан Кузмановски, Лазо Мајнов, Владо Недановски и Петар Анелов, кои не беа дел од играчите кои се подготвуваа за Светското првенство во Шпанија.

Македонската репрезентација попладнево ќе тренира во салата „Кале“, а во текот на викендот тренинзите ќе се одржат во салата во Автокоманда. Во СЦ „Борис Трајковски“ ќе се тренира од понеделник бидејќи поради Куп завршницата во кошарка салата е зафатена.

Натпреварот Македонија - Шпанија се игра на 3 април со почетокот во 17 часот и 45 минути.

Македонија

МОН: Наставата од деновите на гласање ќе се надомести во работни денови

Министерството за образование и наука информира дека наставата од деновите на гласање, 24 април и 8 мај, како и од 30 ноември кога беше организиран Самитот на ОБСЕ во Скопје, наместо во саботи, ќе се надомести во работни денови.

Дополнувањето на нереализираните наставни часови ќе го планираат и организираат директорите на училиштата и ќе се реализира со подолг престој на учениците во денови од работната недела, во рамки на шестчасовното работно време на наставниците.

Потсетуваме дека наставната година за учениците од средните училишта трае до 10 јуни, додека за учениците од основните училишта до 17 јуни и потребно е да го зачуваме најдобриот интерес на учениците, а тоа подразбира тие во целост и квалитетно да ја совладаат предвидената наставна материја.

Министерство за образование и наука

Свет

Четворица млади Германци се уапсени, додека полагале бели рози во куќата на Хитлер

Четворица Германци биле фатени како положуваат бели рози во куќата во која е роден нацистичкиот лидер Адолф Хитлер во западна Австрија на неговиот роденденот, а една жена меѓу нив го извела нацистичкиот поздрав додека се фотографирала.

Полицијата во провинцијата Горна Австрија соопштила дека четворица Германци, две сестри и нивните партнери, на возраст од 20-ти и раните 30-ти, отишле во зградата во саботата за да положат бели рози во прозорците, објави Политико.

Тие се фотографирале пред куќата, а една од жените го извела нацистичкиот поздрав. Патролните службеници ја забележале групата и ги однеле во полициска станица на распит.

Жената рекла дека не била сериозна во врска со поздравот, но полицајците изјавиле дека нашле разговор со други на нејзиниот мобилен телефон, во кој споделувале пораки и слики со нацистички теми.

Полицијата соопшти дека ќе ги пријави сите четворица пред обвинителството поради сомневање дека го прекршиле австрискиот закон за забрана на нацистички симболи.

Хитлер е роден на 20 април 1889 година во Браунау ам Ин.

По долги расправии за иднината на куќата во која е роден, минатата година почна да се работи за нејзино претворање во полициска станица, што требало да ги одврати оние кои го величаат Хитлер и имаат намера да ја посетат.

Живот

Венеција почнува да наплаќа влезници за еднодневните посети

Од четврток, Вeнеција ќе почне да им наплаќа влез во градот на еднодневните патници, што е прв ваков случај во светот. 

Градското собрание на Венеција, минатата година соопшти дека ќе почне примена на целосно нова такса од пет евра за туристите кои доаѓаат на посета само за еден ден. Давачката, чија имплементација се одложува неколкупати, ги таргетира само туристите кои влегуваат во стариот дел од 8:30 до 16:00 часот по локално време, соопштија градските власти, појаснувајќи дека целта е да се подобри квалитетот на животот во градот. Потенцијалните казни за непочитување се од 50 до 300 евра. За деца до 14-годишна возраст нема да се плаќа таква такса.

притисни ентер