Македонија ги обновува разговорите со Бугарија, Бучковски од понеделник во Софија

Специјалниот претставник за односите со Бугарија, Владо Бучковски во нов обид да ги оживее разговорите со Софија, по бугарското вето. 

Бучковски, како што дознава Канал 5, веќе во понеделник ги почнува консултациите во Софија со претставници на бугарското МНР.

Целта е враќање на довербата кон Договорот за добрососедство. На маса ќе биде ставен акцискиот план, или таканаречениот патоказ за имплементација на Договорот, кој е еден од трите клучни барања на Софија. Во зависност од напредокот во усогласувањето на текстот со бугарската страна, не се исклучува можност специјалниот претставник да се сретне и со министерката за надворешни работи Захариева.

Бучковски за Канал 5 само потврди дека се интензивира комуникацијата со Бугарија, без да наведе повеќе детали. Дека има сериозни обиди за обновување на комуникацијата потврди и бугарскиот вицепремиер Каракачанов, кој за бугарските медиуми, изјави дека во вторник или во среда ќе има средба со Бучковски во Софија. Во гостувањето на Радио К2, тој остана на тврдите позиции.

-Нема никаква промена во бугарските позиции. Од декември минатата година гледаме засилена антибугарска реторика, без разлика дали се работи за извештаи во медиумите или пораки на официјални лица. Затоа Бугарија дури треба да ја зацврсне позицијата., вели Каракачанов за Радио К2

Разговорите се актуелизираат во момент кога во владата доминира ставот дека во пресрет на изборите во Бугарија во март е тешко веројатно дека може да се очекува напредок. Вчера надежите за македонските евроинтеграции ги подгреа Португалија, чиј министер за надворешни работи порача дека почетокот на преговорите на Македонија е меѓу приоритетите на португалското претседателство.

Јутјубер се расфрла со милиони по победата во боксерски меч (ВИДЕО)

Јутјуберот Џејк Пол објави нова фотографија на својот Инстаграм профил откако го доби третиот боксерски меч.

„1,5 милиони платени прегледи на натпреварите, собрани 75 милиони долари“, напиша тој во објавата покрај фотографијата на која позира со банкноти расфрлани низ тревникот.

24-годишната YouTube ѕвезда неодамна се фрли во боксерските води кревајќи голема прашина. Додека едни веруваат дека тој има место меѓу професионалните боксери, други веруваат дека за Пол тоа е само шоу, глуми и собира пари и дека неговата боксерска кариера ќе заврши штом влезе во ринг со професионален боксер.

Ќерката на Алек Болдвин и Ким Бесинџер се пофали со новата тетоважа на задникот (ФОТО)

Ирланд Болдвин ја покажа новата тетоважа на задникот, позирајќи во бикини.

25-годишната ќерка на Алек Болдвин и Ким Бесинџер се пофали на Инстаграм со новата тетоважа. „Ставив нова тетоважа затоа што сум импулсивна“, напиша таа покрај фотографијата во костим за капење, за која од вчера доби повеќе од 18.000 лајкови.

Тетоважите не и ’се туѓи на младата манекенка и актерка, со оглед на тоа што на рацете има разни дизајни. Уште во 2015 година, на нејзиниот зглоб и беше истетовиран зборот Écureuil (верверица на француски јазик), што е наводно прекарот што и го дал нејзиниот славен татко.

Ирланд исто така не се срами да го покаже своето тело, а во неколку наврати дури и Алек Болдвин реагирал на социјалните мрежи за тоа.

Американска пејачка се соблече сосема гола, за да испрати порака (ФОТО)

Американската музичарка Лицо објави гола и целосно нефотошопирана фотографија на Инстаграм.

„Инаку ќе го скратев стомакот и ќе ја измазнев кожата, но сега сакав да ви покажам како изгледам природно“, напиша таа покрај фотографијата направена како дел од кампања, обидувајќи се да предупреди на негативните ефекти на социјалните мрежи и наметнатите стандарди за убавина.

Скоро милион и пол луѓе за неколку часа и ставиле лајк на фотографијата. „Прекрасна си“, „Кралица“, „Ова е толку силно, буквално плачам“, напишаа нејзините следбеници во коментарите.

Раперката редовно ги споделува своите голи фотографии на социјалните мрежи и, како што вели, се обидува да промовира позитивен став кон сите форми и големини на телото.

притисни ентер