Македонија како што кажа е на раскрсница меѓу стариот систем и новата европска иднина, а планот за раст и реформската агенда на Унијата оцени дека не се само услов за интеграција, туку инструмент за оздравување на општеството. Повтори дека корупцијата е еден од клучните проблеми на македонското општество, а правосудниот систем според него, е бавен и под силни влијанија поради кои често не може да одговори на очекувањата на граѓаните.

-Корупцијата е системски проблем, не индивидуална девијација. Да бидеме отворени и искрени – корупцијата кај нас не е само појава, таа е дел од начинот на функционирање на одредени делови од општеството. Таа е систем кој се штити сам себе. Ако сакаме во Европската Унија, ако сакаме раст мора да го урнеме тој систем. Имаме наследени ситуации во кои граѓанинот се чувствува понижен, беспомошен, принуден да „плати за да добие“ – било тоа лекарска помош, правна заштита или некаква административна услуга. Таква држава не може да напредува,- - Христијан Мицкоски – Претседател на владата.

Реформската агенда не значи само усогласување со критериумите на ЕУ, туку во суштина е подобрување на секојдневниот живот на граѓаните кажа амабсадорката на Шведска во земјава Ами Ларсон Џаин. Во нејзиното обраќање ја реафирмираше поддршката на нејзината земја за македонскиот евриунтегративен пат и нагласи дека зајакнувањето на демократските институции и владеење на правото се од најголема важност.

-Реформската агенда не е само усогласување со критериумите на ЕУ, туку во суштина е подобрување на секојдневниот живот на граѓаните. Нуди рамка за градење на пофер, позелено и понапредно општество. Во целиот овој процес важна улога има активната вклученост на младите, граѓанските организации и медиумите. Иднината не се гради самата себе,- - Ами Ларсон Џаин – Амбасадорка на Шведска.

Дека на земјава итно и се потребни реформи во правосудството истакна и министерот за европски прашања Орхан Муртезани.

Поранешниот главен преговарач на Хрватска за влез во Унијата Владимир Дробњак пак, порача дека доколку се оствари реформската агенда поврзана со планот за раст на ЕУ, најголемиот дел од работата на земјава ќе биде завршен, односно, дури 60 проценти од бенчмарковите на Унијата за преговори ќе бидат постигнати однапред.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.