Македонија домаќин на ЕП за кошаркари – „Под 16“--дивизија „А“- Скопје 2023 - Канал 5

Кошарка

Македонија домаќин на ЕП за кошаркари – „Под 16“--дивизија „А“- Скопје 2023

Главна цел – останување во елитното друштво

Македонија домаќин на ЕП за кошаркари – „Под 16“--дивизија „А“- Скопје 2023

Втора година по ред, Скопје и Македонија ќе бидат местото каде најдобрите кадети на Стариот континент ќе се борат за престиж и титулата најдобар.

И второ лето по ред, сериозен испит за нашиот кадетски национален состав. Да се натпреварува во конкуренција на најдобрите 16. европски репрезентации во категоријата „Под 16“ години. И не само тоа, да се погрижи, нешто налик на онаа претходна генерација на млади кошаркари – да и донесе на Македонија континуитет на играње во елитната дивизија.

А нема да им биде воопшто лесно на оние 12. кошаркари кои ги одбраа селекторот Александар Јованчев и неговите соработници.

Уште во групната фаза ќе се соочат со исклучително квалитетни ривали.

Поточно, со актуелниот бранител на кадетската европска титула – репрезентацијата на Литванија, која на истото место, во Скопје, лани покажа дека е најдобрата.

Ќе играме и против „бронзената“ Франција, која исто така е во кругот на топ-фаворити за највисок пласман.

А во ова друштво ќе ја имаме и селекцијата на Белгија, која лани, со одлични настапи на ЕП во Дивизијата „Б“, се стекна со место во елитната кадетска конкуренција.

Токму овие три воведни натпревари ќе бидат и некое мерило за постоечкиот потенцијал на селекцијата на Македонија за играчи родени 2007 година ( и помлади). Но и за она то следува понатаму, во оној елиминациски, се чини уште поважен дел од шампионатот во нашиот главен град.

Кои се очекувањата на селекторот Александар Јованчев во пресрет на оној официјален старт на шампионатот во Скопје, утре од 18.30 часот, и средбата со Белгија:

„Ова е последен ден од подготовките пред почеток на Европското првенство. Задоволен сум од текот на подготовките, 43 дена одработеа репрезентативците. Притоа одигравме и седум контролни натпревари. Добро е што во последните неколку дена имаме само мали повреди и речиси сме комплетни. Утре нè очекува дуел против репрезентацијата на Белгија која изгледа добро, и има квалитетни кошаркари на бековските позиции. Доколку успееме да ги стопираме бековите сметам дека имаме големи шанси да триумфираме што би било идеален старт на првенството“.

Предводникот на кадетите говори и за она што следува во групата „Б“...

„Во натпреварите со Франција и Литванија очигледно, физички ќе бидеме инфериорни. Но шансата да се натпреваруваме со најголемите треба и мора да биде мотив плус за сите нас да дадеме се од себе.

Системот е таков што дури и да ги победите или загубите сите натпревари во групната фаза, добивате можност да разигрувате за осумте најдобри. Затоа е битно мотивот и концентрацијата да бидат на високо ниво на сите натпревари. Се надевам ќе уживаме во квалитетна младинска кошарка на првенството што следува...“- посакува Јованчев.

СИСТЕМ НА НАТПРЕВАРУВАЊЕ

За разлика од натпреварувањата во „Б“ Дивизијата на Европското првенство, во најквалитетната, „Дивизијата „А“, разигруваат вкупно 16. национални селекции.

Поделени се во четири групи (по четири репрезентации). По трите одиграни кола, и постигнатиот пласман, се формираат осминафиналните двојки, според принцип на елиминации ќе разигруваат:

(А1-Б4, А2-Б3, А3-Б2, А4-Б1, Ц1-Д4, Ц2-Д3, Ц3-Д2, Ц4-Д1).

Победниците од осумте натпревари, обезбедуваат пласман во четвртфиналето. Четирите селекции кои ќе стигнат до полуфиналето ќе се борат за медалите и шампионскиот трофеј.

Поразените селекции во првиот елиминациски круг, ќе се борат за пласман од 9. до 16.место. А трите последно пласирани (исто така според систем на елиминација), се селат во „Б“ Дивизијата.

Македонската кадетска репрезентација е дел од групата „Б“ во која се уште и селекциите на Белгија, Литванија и Франција.

Натпреварите во четирите натпреварувачки групи ќе се играат во големата сала на СРЦ „Кале“ и во Спортскиот центар „Борис Трајковски“ во Скопје.

Влезот за сите натпревари е СЛОБОДЕН.

СОСТАВ НА ГРУПИТЕ

ГРУПА А: Словенија, Италија, Турција, Црна Гора

ГРУПА Б: МАКЕДОНИЈА, Белгија, Литванија, Франција

ГРУПА Ц: Германија, Израел, Шпанија, Финска

ГРУПА Д: Летонија, Србија, Грција, Полска

РАСПОРЕД НА НАТПРЕВАРИТЕ ВО ГРУПА „Б“

5. АВГУСТ (САБОТА)

18.30: МАКЕДОНИЈА – Белгија

21.00: Литванија – Франција

6. АВГУСТ (НЕДЕЛА)

16.00: Белгија – Литванија

18.30: Франција – МАКЕДОНИЈА

7. АВГУСТ (ПОНЕДЕЛНИК)

13.30: Франција – Белгија

18.30: МАКЕДОНИЈА - Литванија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп бесен, носи радикална одлука: „Ќе ги парализираме“

Администрацијата на американскиот претседател Доналд Трамп воведе нови санкции против Меѓународниот кривичен суд (МКС), со што го засили притисокот врз оваа институција и потенцијално ја отвори вратата за казнување на компаниите што ѝ пружат услуги.

Трамп бесен, носи радикална одлука: „Ќе ги парализираме“

Одлуката уследи само неколку часа откако поранешната судијка на МКС, Нави Пилај, ја доби Нобеловата награда за мир.

Администрацијата на Трамп претходно веќе имаше воведено санкции против обвинителите и судиите на МКС, а оваа нова одлука претставува дополнителен чекор во конфликтот на Вашингтон со оваа институција.

„Претседателот Трамп никогаш нема да дозволи Меѓународниот кривичен суд да им суди на Американци“, изјави американскиот државен секретар Марко Рубио во соопштение до кое Ројтерс имаше пристап пред неговото официјално објавување.

„Токму затоа Соединетите Држави денес воведуваат санкции против Меѓународниот кривичен суд. Ќе ги забраниме трансакциите со овој суд што дејствува надвор од правилата, ќе му ги пресечеме ресурсите и ќе ја парализираме неговата способност за работа“, изјави Рубио.

МКС ги осудува санкциите: „Тие нема да ја запрат нашата работа“

Заменик-обвинителката на МКС, Нажат Шамим Кан, изјави за Ројтерс дека американските санкции мора да бидат осудени и дека тие нема да ја запрат работата на институцијата.

„Санкциите имаат за цел да го поткопаат владеењето на правото на меѓународно ниво и работата на независна правосудна институција“, рече Кан.

Таа нагласи дека судот ќе продолжи со работата на сите предмети, истраги и кривични постапки. Во центарот на спорот се Газа и Авганистан

Вашингтон долго време го критикува Меѓународниот кривичен суд поради налозите за апсење на израелски функционери – вклучително и премиерот Бенјамин Нетанјаху – за наводни воени злосторства во Појасот Газа.

САД исто така се противат на претходната истрага на судот за постапките на американските трупи во Авганистан, истрага која во меѓувреме е завршена.

Меѓународниот кривичен суд е основан во 2002 година за да им суди на поединци осомничени за воени злосторства, злосторства против човештвото и геноцид. Тој брои 125 земји-членки, вклучувајќи ги сите членки на Европската Унија и речиси сите членки на НАТО.

Соединетите Држави не се членка на судот.

Нобелова награда во услови на политички притисок

Нави Пилај, јужноафриканската правничка која во петок ја доби Нобеловата награда за мир за нејзиниот придонес кон меѓународното кривично право, служеше како судија во Меѓународниот кривичен суд од 2003 до 2008 година.

Во своето образложение, Нобеловиот комитет го истакна актуелниот период во кој судиите и меѓународните правни институции се соочуваат со политички напади.

„Меѓународен правен систем во кој воените злосторници одговараат за своите постапки, а жртвите на злоупотреба дочекуваат правда, е предуслов за мирен свет“, се наведува во соопштението.

Санкциите би можеле да влијаат врз банките и технолошките компании

Американските санкции генерално им забрануваат на компаниите со седиште во САД да деловно соработуваат со субјекти кои се под санкции. Ова би можело да доведе до затворање на банкарски сметки, прекин на осигурителното покритие и суспензија на софтверските услуги што му се обезбедуваат на Меѓународниот кривичен суд.

Претставниците на Судот со месеци се подготвуваа за можноста од воведување санкции. Според Ројтерс, тие вршеле премин од програмите на „Мајкрософт“ кон алтернативни софтверски решенија и правеле нови аранжмани за банкарски услуги и здравствено осигурување.

Претходно оваа недела, секретарот на Судот, Освалдо Завала Гилер, ја повика Европската унија да биде подготвена да го активира таканаречениот „статут за блокирање“ – механизам што ги штити европските земји од екстериторијалните ефекти на санкциите воведени од други држави.

Извор: Б92

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хаос на улиците во Брисел: Запалени автобуси, судири меѓу демонстрантите и полицијата (ВИДЕО)

Голем штрајк против мерките за штедење ја парализираше Белгија, додека протестите во Брисел прераснаа во немири при што демонстрантите фрлаа предмети кон полицијата, палеа пожари и уништуваа јавен имот.

Хаос на улиците во Брисел: Запалени автобуси, судири меѓу демонстрантите и полицијата (ВИДЕО)

Приведени или уапсени се дваесет и едно лице, меѓу кои и 13 малолетници.

Според Ројтерс, десетици маскирани лица облечени во црно фрлале камења и други предмети кон полицијата, додека низ улиците одекнувале пароли против полицијата, а ѕидовите во близина биле испишани со слични графити.

Пожарникарите изгаснале повеќе пожари – вклучително и пожари во кои гореле автобуси – додека полицијата одговорила со солзавец и водени топови.

Полицијата соопшти дека околу 30.000 луѓе се приклучиле на главниот протестен марш, кој се одвивал мирно. Сепак, немири избиле во близина на централната железничка станица во Брисел и во центарот на градот, каде што групи луѓе фрлале шишиња, цигли, камења и пиротехнички средства кон полицајците, палеле пожари и уништувале јавен имот.

Поради инцидентите биле приведени или уапсени дваесет и едно лице, меѓу кои и 13 малолетници.

Штрајкот го парализираше транспортот, училиштата затворени

Штрајкот предизвика сериозни прекини во јавниот превоз и во авионскиот сообраќај, а потешкотии имаа и бројни училишта и градинки. Штрајкот беше организиран од двата најголеми белгиски синдикати: социјалистичкиот „FGTB/ABVV“ и христијанскиот „CSC/ACV“. Тие се противат на буџетските мерки за кои тврдат дека товарот од намалувањето на државниот дефицит ќе го префрлат врз работниците, пензионерите и домаќинствата со ниски приходи.

Белгискиот премиер Барт Де Вевер во четвртокот изјави дека болните мерки се неопходни и мора веднаш да се спроведат за да се спречи спиралата на растечки јавен долг и трошоци за камати, што би оставило тежок финансиски товар за идните генерации.

Студентите излегоа на улиците: „Образованието е право, а не привилегија“

На протестите се приклучија и студенти. Нивните демонстрации започнаа претходно овој месец во Лиеж, а потоа се проширија и во Брисел. Тие црпеа инспирација од протестите во соседна Франција.

Студентите се противат на зголемените трошоци за образование, пренатрупаните училници и реформите за кои стравуваат дека ќе го направат високото образование помалку достапно.

На транспарентите беа истакнати пораки како: „Образованието е право, а не привилегија“. „Никој воопшто не нè зема предвид и се чини дека никој не сфаќа оти и нам ни е тешко – и на работниците и на студентите. И ние се соочуваме со тешкотии, а ние сме иднината на оваа земја“, изјави за Ројтерс Емили Л'Оне, 23-годишна студентка од Лиеж.

Бран протести ја зафаќа Европа

Штрајкот во Белгија е дел од поширок бран протести што ја зафаќа Европа. Студентите во Франција, Италија и во други земји излегуваат на улиците поради прашања поврзани со финансирањето на образованието, додека десетици илјади луѓе во Шпанија протестираа против станбената криза.

Извор: Б92

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Израел бесен поради Нобеловата награда за мир: „Јозеф Гебелс аплаудира од пеколот“

Во петокот, Израел остро ја критикуваше одлуката Нобеловата награда за мир да ѝ се додели на јужноафриканската правничка Наванетем „Нави“ Пилај.

Израел бесен поради Нобеловата награда за мир: „Јозеф Гебелс аплаудира од пеколот“

„Кога би постоела награда за лаги, омраза и крвави клевети, Нави Пилај не само што би била кандидат, туку би била и главен фаворит“, напиша израелското Министерство за надворешни работи на платформата „X“.

„Нејзината улога во непрестајната, политички мотивирана демонизација на Израел... зборува сама за себе“, додадоа тие.

„Гебелс аплаудира од пеколот“

Пилај неодамна претседаваше со истражна комисија на ОН која го обвини Израел за геноцид во Појасот Газа. Израелската влада категорично ги отфрла овие обвинувања.

Израелското Министерство за надворешни работи изјави дека Нобеловиот комитет ја „наградил најголемата лага на 21-от век“, надоврзувајќи се на неодамнешната реакција на премиерот Бенјамин Нетанјаху на обвинувањата дека неговата земја врши геноцид во Појасот Газа.

„Јозеф Гебелс сигурно аплаудира од пеколот“, се додава во објавата, алудирајќи на министерот за пропаганда на нацистичка Германија.

„Претворање на наградата во оружје за легитимирање на омразата“

Соочен со остри меѓународни критики во врска со постапките на израелската војска во војната во Газа, Израел тврди дека дејствува во самоодбрана по нападот предводен од Хамас на 7 октомври 2023 година. Меѓународниот углед на Израел претрпе значителна штета. „Доделувањето на Нобеловата награда за мир на Нави Пилај не е признание за правдата. Тоа е гротескна трансформација на наградата во оружје за легитимирање на омразата и предрасудите кон Израел“, соопшти Министерството за надворешни работи.

Извор: Индекс.хр

Тагови: Израел Нобелова награда

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер