Македонија -Белгија 0-2, и понатаму без вистинска реализација - Канал 5

Фудбал

Македонија -Белгија 0-2, и понатаму без вистинска реализација

Македонската фудбалска репрезентација загуби од Белгија со 2:0 вечерва на „Националната Арена Филип Втори Македонски“ во Скопје пред околу 18 илјади гледачи.

Македонија -Белгија 0-2, и понатаму без вистинска реализација

Од нашите најдобри фудбалери вечерва на Филип Втори видовме две различни полувремиња, одлично но не ефикасно прво и анемично второ полувреме.
Вечерашниот дуел во Скопје покажа дека во светото на фудбалот постојат мали и големи репрезетации. Силната Белгија не победи со 2-0 без игра, само за да го потврди непишаното правило дека големите репрезетации знаат да победат и без игра.
.
Нашиот национален тим може да жализошто по само 5 минути игра не водеше со 2-0.
Во 45 секунди од средбата во премиерната акција се најде очи в очи со Тибо Куртоа , но голманот на Атлетико Мадрид и Белгија излезе како победник од овој дуел. Многу брзо во шанса е и Иван Тричковски, но неговиот удар со глава повторно не завршува на вистинското место во голот.

Белгијците возвратија преку Бентеке во 10. минута, а потоа и го постигнаа водечкиот гол.

Водечкиот гол за Белгија го постигна Кевин де Бруин во 26. минута по киксот на одбранбениот играч Александар Лазевски кој загуби топка во опасната зона и му овозможи на противничкиот играч да влезе во нашиот шеснаесетник и откосо да го совлада Томе Пачовски.
На полувреме незаслужено се замина со минимална предност на гостите од 1-0.
Кога сите очекувавме силен страт на црвено жолтите во второто полувреме неочекувано веќе ја немаша онаа препознатлива брза игра на избраниците на јаневски од првите 45 минути, во игра меѓу двата шеснаесетника подобро се снајдоа искусните и квалитетни Белгијци.

Една акција во 62 минута по левата страна на фудбалерите на Белгија неочекувано заврши со пенал, Азар е побрз од своите дирекни чувари Лазевски прави прекршок во петерецот за пенал , асот на Челзи е прецизенот од 11 метри Белгија води со 2-0.
До крајот на полувремето и покрај јаловата иницијатива не успеавме посериозно да го загрозиме сигурниот Куртоа. Белгија заслужено патува за Брисел со сите три бода.
Во играта на црвено жолтите и понатаму главен проблем е завршниот удар реализацијата на шансите што не смеат да се пропуштат.

По 5 кола во групата -А македонија со 4 бодови останува на 4 позиција. На првите две места во нашата квалификациска група за пат на Мундијалот во Бразил се фаворитите Белгија и Хрватска со по 13 бодови, селекции кои веќе го напарија првиот голем исчекор кон светскииот шампионат.



На првиот дуел од оваа рунда во групата А, Хрватска во Загреб ја победи Србија со 2:0.

Во тек е последниот дуел од овој круг меѓу Шкотска и Велс.

Табела: Белгија 13 бодови, Хрватска 13 бодови, Србија 4, Македонија 4, Велс 3 (натпревар помалку) и Шкотска 2 (натпревар помалку).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Новата снимка од Мараја Кери предизвика загриженост, фановите коментираат

Снимка од Мараја Кери во Бразил предизвика загриженост кај нејзините обожаватели.

Новата снимка од Мараја Кери предизвика загриженост, фановите коментираат

На социјалните мрежи, луѓето почнаа да се прашуваат дали сè е во ред со 57-годишната пејачка, откако видео од нејзино јавно појавување покажа дека таа се движи малку нестабилно додека излегува од автомобил.

За време на престојот во Бразил, пејачката делеше автограми и се фотографираше со фановите кои се собраа да ја поздрават, држејќи транспаренти. Иако изгледаше добро расположена, некои гледачи забележаа дека ѝ треперат рацете и дека чекори несигурно. Снимката беше објавена на „TikTok“.

Фановите се прашуваат дали сè е во ред

„Дали треба да се грижиме?“ – праша еден корисник на „TikTok“. „Изгледа како да чувствува болка“, напиша друг, додека трет ѝ посака добро здравје на пејачката: „Се молам за неа и ѝ испраќам убави желби на нашата Божиќна кралица“.

Сепак, не сите ја протолкуваа оваа ситуација како причина за загриженост. Некои укажаа на конкретните услови во кои се движеше пејачката: врнеше дожд, теренот беше закосен, а Кери носеше високи потпетици.

„Како прво, врне дожд. Второ, теренот е закосен. Трето, таа носи високи потпетици. Четврто, не сака да падне“, напиша еден корисник. На снимката се гледа и како нејзиниот асистент ја држи околу половината додека таа поминува покрај фановите. Засега нема информации кои укажуваат на тоа дека Мараја Кери има некакви здравствени проблеми, а самата снимка не е доволна за да се донесе таков заклучок.

Тагови: Мараја Кери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Microsoft“ и големиот прекин – што навистина се случи?

Услугите на „Microsoft“ конечно работат правилно по повеќе од 24 часа –што навистина тргна наопаку?

„Microsoft“ и големиот прекин – што навистина се случи?

„Microsoft“ го реши големиот проблем што предизвика повеќе од 24 часа застој на „Microsoft 365“, тоа предизвика сериозни прекини во работењето на бизнисите и владините агенции низ целиот свет.

Проблемите започнаа на 12 ноември околу 17:17 часот по средноевропско време, кога услугата „Exchange Online“ падна. Малку повеќе од два часа подоцна, проблемите се проширија на остатокот од платформата „Microsoft 365“.

Што го предизвика тоа?

„Microsoft“ првично се сомневаше дека невообичаено големиот сообраќај е причина за проблемите. Сепак, последователната истрага покажа дека неколку серверски системи неочекувано престанаа да работат, оставајќи ги преостанатите сервери неспособни да се справат со зголеменото оптоварување.

Обидите за рестартирање на серверите беа неуспешни, бидејќи тие повторно престанаа да реагираат откако се врати сообраќајот. Компанијата на крајот утврди дека проблемот е поврзан со претходно надградување на капацитетот на мрежата, предизвикано од последователна промена во мрежната инфраструктура.

Потоа инженерите применија поправка на компонента одговорна за автентикација и насочување на сообраќајот. Обновувањето беше спроведено постепено, со обработка на заостанати е-пораки.

„Microsoft“ нагласи дека нема докази за злонамерна активност и дека вештачката интелигенција не е причина за проблемот.

Кој беше засегнат?

Покрај „Outlook“ и „Exchange Online“, прекините влијаеја на календарите на „Teams“, закажувањето состаноци, „Copilot“, „SharePoint“ и „Intune“. Некои функции продолжија да работат за време на прекинот.

Влијанието се почувствува надвор од технолошкиот сектор. Националната здравствена служба на Велика Британија (NHS) мораше да се потпре на алтернативни системи, додека индиските авиокомпании „Air India“, „IndiGo“ и „Akasa Air“ пријавија проблеми со поддршката за е-пошта.

Проблемите влијаеја и на финансиските институции. Една тајванска компанија дури мораше да користи факс за да ги потврди трансакциите со акции.

Според „Downdetector“, имало повеќе од 7,4 милиони пријави за проблеми низ целиот свет. Сепак, овој број не го претставува вкупниот број на индивидуални корисници погодени од прекинот.

Извор: Б92

Тагови: Microsoft

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Франција на нозе: 200.000 луѓе на улиците

Француската полиција уапси 121 лице за време на протестите одржани низ целата земја, објави француското Министерство за внатрешни работи.

Франција на нозе: 200.000 луѓе на улиците

Според Министерството, околу 106.000 луѓе учествувале во демонстрациите, додека синдикатите проценуваат дека околу 200.000 граѓани се собрале на улиците.

22 лица се приведени во Париз, вклучувајќи тројца малолетници. Апсењата се главно за носење оружје од категорија Д, навреди и кршење на забраните за посетување одредени места или учество во демонстрации, објавува „BFMTV“.

Според полициските податоци, околу 24.000 луѓе протестираа во француската престолнина, додека младинските синдикати проценуваат дека на улиците имало близу 100.000 демонстранти.

Низ цела Франција се одржаа повеќе од 60 протестни собири. Во Париз истовремено се одржаа три одделни демонстрации - против предлог-закон за претпоставка за легална употреба на оружје од страна на безбедносните сили, меѓународен марш против насилството врз децата и протест на движењето „Жолти елеци“ против зголемувањето на трошоците за живот.

Тензии беа пријавени во Париз, Бордо, Нант, Лион и Руан. На Плоштадот на нацијата во Париз, полицијата употреби солзавец за да ја растера толпата, што предизвика први знаци на паника кај демонстрантите.

Во Нант, полицијата употреби водени топови, додека во Бордо беа пријавени судири за време на кои некои демонстранти фрлаа предмети кон полицијата.

Во Тулуз, според организаторите, протестираа 6.000 луѓе, додека полицијата соопшти дека имало 1.800. Собирот помина без инциденти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер