Македонија

Македонија бележи добар напредок, но реформите мора да се засилат, ценат експертите

Најновиот извештај за реформскиот напредок на македонија ја потврдува подготвеноста на земјата за почеток на пристапните преговори, оценуваат познавачите на состојбите во оваа област.

Симонида Кацарска од инститот за европска политика смета дека во областите кои влегуваат во првиот лкасер од преговорите македонија има чисто досие.

Извештајот е умерено позитивен и досега еден од подобрите извештаи на еврокомисијата во однос на реформскиот напредок оценува Андреја Стојковски од Институтот Преспа,во клучните области како судството има добар напредок, иако во сите области се очекуваат посериозни напори, вели Стојковски кој лично нотира дека во иднина сепак мора да се отстранат забелешкиет во однос на брзата постапка на носењето за законите.

Всушност целиот пакет за проширување е позитивен, вклучително со инвестицискиот план од 9 милијарди за регионот, што само ја потврдува заложбата на Брисел да ја направи успешна приоказната за проширувањето , вели Стојковски.во овој дел пак за кацарска е многу важен токму административниот капацитет на државата за планирање на големите инвестициски проекти

Инаку, во извештајот ЕК заклучува дека Македонија е умерено подготвена во однос на нејзината способност да ги преземе обврските што произлегуваат од членство во Унијата.. Сега се очекува наскоро конечно да се усвои преговарачката рамка за првата мегувладина конференција која го означува почетокто на прегвооруте со ЕУ да се одржи во декември

НБА

Дејвис неколку недели во аут поради повреда

Новиот член на Далас маверикс, Ентони Дејвис се очекува да пропушти неколку недели поради истегнување на мускулите. Тој се повреди на дебито за Далас.

Извори на „ESPN“ велат дека отсуството на Дејвис може да трае и повеќе од еден месец.

Дејвис ја заработи повредата во третата четвртина од саботниот натпревар против Хјустон, откако за 31 минута запиша 26 поени, 16 скока, седум асистенции и три блокади. Тој го играше својот прв натпревар за тимот по размената со Лука Дончиќ, што беше наидено на критики од многу навивачи на клубот.

Триесет и едногодишниот Дејвис најпрво ја намали загриженоста на навивачите уверувајќи дека повредата не е сериозна.

Тој претходно ги пропушти последните пет натпревари - три со Лејкерси и првите два со Маверикс поради истегнат стомачен мускул.

Македонија

Скијачот Мирко Лазаревски со безрезервна поддршка од Видеолотарија

Мирко Лазаревски ќе се бори во квалификациите на СП во скијање во Австрија

Видеолотарија Касинос Австрија со поддршка за Мирко Лазаревски за неговото учество на квалификациите за СП 2025.

Државна видеолотарија на Македонија – Касинос Австрија со огромно задоволство ја продолжува поддршката за нашиот истакнат македонски скијач, Мирко Лазаревски. Со оваа поддршка овозможуваме негова подготовка и учество на квалификациите за Светското првенство 2025. Мирко ќе се натпреварува во дисциплините слалом и велеслалом.

Со ова спонзорство, Видеолотарија Касинос Австрија ја поттикнува кариерата на еден од нашите најталентирани скијачи, а едновремено, го поддржува и развојот на македонскиот скијачки спорт. Ние сме горди што можеме да бидеме дел од неговиот пат кон ова светското првенство. Уверени сме дека неговата посветеност и труд ќе донесат големи успеси како за него, така и за Македонија.

Мирко Лазаревски ќе се натпреварува на СП во Залбах, во Австрија од 14 до 16 февруари. Тој изразува силна благодарност до тимот на Видеолотарија Касинос Австрија, што го препознава и верува во неговиот потенцијал.

Лазаревски има значајни достигнувања во националните и меѓународните натпревари, пред ова најново соочување. Тој е најдобариот македонски скијач во неговата возрасна категорија. Мирко веќе учествуваше на олимписките игри за млади во Лозана, европските олимписки игри во Финска, како и други меѓународни натпреварувања.

Живот

Хонг Конг најави забрана за електронските цигари на јавни места

Хонг Конг ќе го забрани поседувањето и користењето електронски цигари на јавни места до средината на 2026 година, а тамошните власти наведуваат здравствени причини.

„За да ги заштитиме нашите млади луѓе, веруваме дека е време да се забрани употребата на електронски цигари“, рече локалниот здравствен службеник Ло Чунг Мау.

Тој додаде дека ќе започне процесот на донесување законска регулатива против поседување и користење електронски цигари на отворено.

Најавата доаѓа речиси три години откако Хонг Конг го забрани увозот, производството и продажбата на електронски цигари и загреани тутунски производи.