Македонците потрошиле над 200 милиони евра во обложувачници, државата наплатила данок од 20 милиони евра - Канал 5

Македонија

Македонците потрошиле над 200 милиони евра во обложувачници, државата наплатила данок од 20 милиони евра

Македонските граѓани во 2024 година потрошиле над 200 милиони евра во спортските обложувалници.

Македонците потрошиле над 200 милиони евра во обложувачници, државата наплатила данок од 20 милиони евра

И додека се чекаат најавените законски измени за игрите на среќа, македонските граѓани во 2024 година потрошиле над 200 милиони евра во спортските обложувалници, а по основ на данок на личен доход државата наплатила над 20 милиони евра, објави Блумебрг адрија, по инфомрации добиени од Управата за јавни приходи. Просечната уплата по тикет изнесувала 269 денари, а за возврат обложувланиците исплатиле добивки во вредност од речиси 170 милиони евра, најголемата исплатена добвика по еден тикет изнеувала околу 68 илјади евра.

Од владата за Канал 5 велат законските измени кои пред околу две недели поминаа на владина седница, деновиве ќе бидат испратени со Собранието. Но со оглед на тоа што во моментов пратениците се на годишен одмор, а до 9 ти август треба да се распишат и локалните избори, најверојатно законските измени ќе се носат по завршување на изборите.

Со законот чии детали ги презентираше вицепреиемирот Меџити, се предвидуваат повисоки давачки, забрана за рекламирање, отстранување на коцкарските објекти на 500 метри од училиштата, а дополнително предвидено е и да нема повеќе казина низ населени места. А од над 7 000 ВЛТ апарати, според најавите, треба да бидат отстранети повеќе од половина или 4 000 апарати.

„Ги зголемуваме даноците и давачките за да се отежне постапката за отварање обложувалници. Досега со една лиценца, компаниите отварале неограничен број објекти, што со законските измени повеќе нема да може да се прави. Со новото законско решение, што беше усвоено на вчерашната владина седница, на почеток ќе се намали присуството на оваа колективна катастрофа, за најмалку 70 отсто.“- Изет Меџити – вицепремиер

Во меѓувреме, веќе се забранети над 240 домашни и странски веб страни за онлајн игри на среќа. Министерот за дигитална трансформација, Стефан Андоновски во гостување на Канал 5, рече дека никој од оние кои сега веќе не фигурираат на пазарот не побарале дозвола, а дополнително, иако имало и светски позанти страни, биле злоупотребувани личните податоци на граѓаните.

„Често тие податоци беа искористувани за продажба, нивните средства не беа безбедни и затоа е и забраната за нелегалните онлајн приредувачи на игри на среќа, ова е трет бран и ќе продолжиме... затоа што ова се страниците кои што ја предизвикуваат пандемијата на игри на среќа кај најмладите кои што законски не можат да влезат во обложувалница или казино, па користат лични картички, карти на роднини родители блиска лица за да играат игри на среќа нелегално онлјан. “-Стефан Андоновски – министер за дигитална трансформација

Ова не е прв обид за законски измени за игрите на среќа, но и во време на претходната и сегашната влада, реагираа од асоцијацијата на спротски обложувалници, од каде велат дека не само што со измените се загрозуваат над 10 илјади работни места, штета ќе претрпи и државниот буџет.

YouTube video

Тагови: обложување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Опозициски пратеник во Албанија украде доверлив документ поврзан со воениот договор меѓу Албанија и САД

Во албанскиот парламент се случи  вистински хаос откако опозициски пратеник одзема доверлив документ поврзан со воениот договор меѓу Албанија и САД, по што следуваше  драматична потера низ собраниската зграда.

Опозициски пратеник во Албанија украде доверлив документ поврзан со воениот договор меѓу Албанија и САД

На социјалните мрежи случката ја споредуваат со сцени од култната британска комедија „Летечкиот циркус на Монти Пајтон“.

На видеоснимка што се прошири на интернет се гледа како опозицискиот пратеник зема доверлив документ поврзан со воениот договор меѓу Албанија и Соединетите американски држави, по што се обидува да го напушти местото.

На снимката се гледа како пратеникот трча низ парламентот со документот во рацете, додека по него трча секретарката на Собранието во обид да го запре.

Додека трае потерата таа паѓа по скалите.инцидентот предизвика бројни реакции, а снимката за кратко време стана вирална на социјалните мрежи.

Тагови: Албанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Првиот регистриран случај од западно-нилска треска годинава во Европа е во Македонија, досега има 8 заболени

Оваа година заклучно со вчера, во Mакедонија се регистрирани осум случаи на Западно-нилска треска, стои во новиот извештај на Институтот за јавно здравје. 

Првиот регистриран случај од западно-нилска треска годинава во Европа е во Македонија, досега има 8 заболени

Од регистрираните случаи, седум се водат како потврдени, а еден како веројатен.

„Регистрирани се шест автохтони случаи од Скопје и од Велес и еден случај од Скопје со историја на патување во Грција, но инку-бацискиот период покрива и престој во Македонија.

Почетокот на симптомите кај 5 лица од заболените е регистиран во месец јули. Кај два случаи почетокот на симптомите е во јуни, а кај еден случај во мај“, пишува во извештајот од Институтот.

Според Европскиот центар за превенција и контрола на болести, од почетокот на сезоната на пренос од оваа година, а заклучно со 22 јули, идентификувани се 35 региони погодени од вирусот на Западно-нилска треска.

Во шест земји во европа овие региони се наоѓаат во Италија , Грција Романија, Македонија, Шпанија и Франција.

Во оваа сезона, кај луѓе во европскиот регион, првиот регистриран случај е од Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Мастантуоно оди на позајмица во Бенфика?

Шпанскиот фудбалски гигант Реал Мадрид го испраќа талентот Франко Мастантуоно на калење во Бенфика?

Мастантуоно оди на позајмица во Бенфика?

Младиот фудбалер на Реал Мадрид, Франко Мастантуоно, би можел да го напушти клубот ова лето и да замине на позајмица.

Бенфика се спомнува како голем фаворит за неговиот потпис. Мастантуоно има само 18 години и не успеа да избори поголема минутажа по доаѓањето од Ривер Плата за вртоглави 45.000.000 евра.

Со доаѓањето на Јан Диоманде од Лајпциг, дополнително ќе се заостри конкуренцијата на позицијата десно крило.

Затоа Мадрид и Жозе Мурињо сакаат да му најдат клуб каде што би играл редовно. Очигледно, покрај Бенфика, заинтересирани се и Фулам и Фиорентина, но португалскиот клуб има предност бидејќи игра во европските натпреварувања.

Реал верува дека позајмицата би можела да има ефект сличен на оној од престојот на Ендрик во Лион минатата сезона, каде што Бразилецот доби минути за развој и имаше добри настапи.

Тагови: Реал Мадрид

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер