Според податоците на Асоцијацијата за е-трговија, во 2025 година направени се повеќе од 12 милиони трансакции со вкупна вредност од 427,8 милиони евра. Од асоцијацијата оценуваат дека најголемиот процент на плаќање во Ирска е бидејќи таму се лоцирани најголемите глобални компании. Следни на табелата се Холандија каде се потрошени 62,4 милиони евра, како и Обединетото Кралство кое инкасирало нешто повеќе од 55 милиони евра.

-Ирска има најголемо учество и во вредноста, и во бројот на трансакции, пред се зашто таму се лоцирани европските операции на глобални компании, но дополнително и таму оди наплатата за купување бројни дигитални услуги, апликации и subscription платформи. Веднаш потоа следи Холандија како значаен e-commerce и логистички хаб во Европа. Обединетото Кралство останува важен пазар поради развиената малопродажба и големиот број е-трговци кои директно продаваат на европски пазари, - Асоцијација за е-Трговија.

Најмногу пари се потрошени на електронски трансакции во Ирска во вредност од 92 милиони евра, што е за 173 проценти повеќе од пред две години. Во однос на 2024 година, според анализата, бројот на електронските трансакции е зголемен за 69 проценти, а просечната трансакција е 34 евра. Пазарењето онлајн го потврдуваат и дел од македонските граѓани. Анкетираните велат дека нарачуваат најразлични стоки и услуги, но има и такви производи кои ги купуваат директно од продавница.

Ретко пазарувам онлајн. –А кога пазарувате што најчесто купувате? –Па си купувам некои работи поситни што ми требаат за секојдневната употреба. Гардероба поретко купувам, други услуги повеќе. На пример USB, некој гејм стик, некој привезок така поинтересен.

Па, многу често. Колку од прилика трошиш да речеме на пример на месец? –Па, до 2-3 илјади.

Што најчесто купувате? –Па, некоја кошула или нешто за дома, украс, за кутрето некое дуксерче. Отприлика колку на пример би потрошиле во текот на еден месец на онлајн пазарење? –Не многу, докај 5-6 илјади.

-Јас лично не, ама сите околу мене да. Што пазарат најчесто? –Ситници.

Според анализата, овие трендови потврдуваат дека географската распределба на онлајн купувањето сè повеќе ја следи структурата на глобалната дигитална економија, каде земјата на евиденција на трансакцијата не мора да ја одразува реалната локација на производот или услугата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.