Живот

Мајка Тереза имала големо богатство во банка??

Познатата светска хуманитарка Мајка Тереза имала голема заштеда во Ватиканската Банка, тврди италијанскиот новинар Џанлуиџи Нуци.

Според Нуци заштедата на Мајка Тереза била толку голема, што без нејзините пари банката не би можела да работи.

Италијанскиот новинар Нуци во својата книга „Источен грев“ пишува за „најмрачните тајни на Ватикан“ и наведува дека Мајка Тереза имала најмногу готовина во банката во Ватикан, кога за нејзин претседател бил поставен американскиот надбискуп Пол Маркинкус.

-Ако Мајка Тереза ги затвореше сметките или парите ги префрлеше во некоја друга банка, институцијата ќе доживееше крах, напиша Ници, кој воедно истакна дека откривањето на сметката на Мајка Тереза е доказа „за Маркинкусовото долгогодишно мешање во внатрешните работи на Ватикан.

„Во Ватикан постои моќна група на луѓе која ги спречува реформите на папата Франциско, исто како што беше и со Бенедик XVI- слична група постоела и во времето на Маркинкус, а постои и денеска напиша“ Пици.

Рецепти

„Гответе со Дракче“ - Плескавица со компир

Во понеделник (29.04.2024) во емисијата гостин ни беше Јане Рафајловски.

Состојки за денешниот рецепт:

500 гр. компири

3 лажици брашно

1 главица кромид

сол и зачини по желба

масло за пржење

Погледнете како се подготвува овој рецепт:

Здравје

Повеќе од половина вработени во Уставниот суд пријавени за давање крв

Повеќе од половина вработени во Уставниот суд пријавени за давање крв во акција по повод шестдеценискиот јубилеј.

Повеќе од половина вработени во Уставниот суд пријавени за давање крв во денешната акција што сами ја организираа по повод шестдеценискиот јубилеј. Како што информира утрово претседателката на Судот Добрила Кацарска, со ова институцијата ја покажува и својата хумана страна.

-Уставниот суд одбележува 60 години постоење и по повод овој јубилеј најави низа активности. Вработените дадоа идеја една од тие акции да биде и крводарителската, што значи Судот ја покажува и својата хумана храна. Повеќе од половината вработени се пријавија за давање крв или од вкупно 60 повеќе од 30 се согласни да дадат крв, изјави Кацарска.

Акцијата се одржува под мотото „Биди хуман - спаси живот”, во соработка со Црвен крст на Република Македонија. Почна во 9 и ќе трае до 14 часот.

Преку оваа крводарителска акција Уставниот суд изразува солидарност и хуманост и истовремено се придружува на апелите на Црвен крст за подигнување на свеста за донирањето крв и мотивирање на поголем број луѓе за доброволно дарување.

Свет

Мадуро: Војната на Украина против Русија е планирана најмалку 20 години

САД планираат и иницираат воени конфликти ширум светот: против Русија, Палестина, Кина, изјави венецуелскиот претседател Николас Мадуро.

„САД планираа серија воени конфликти, а за тоа сведочи издвојувањето на 95 милијарди долари за овие цели. Војната на Украина против Русија беше планирана најмалку 20 години за да ја уништи моќта на Русија, но САД не успеаја да го направат тоа. Денес Русија е посилна економски, политички, социјално, технолошки и воено“, изјави венецуелскиот лидер во авторската емисија „Со Мадуро плус“.

Војната во Палестина се води за да се „консолидира моќта на ционизмот на Блискиот Исток“, истакна Мадуро и посочи дека САД „денес се обидуваат да започнат војна во Тајван против братската Кина“.

Тој, исто така, истакна дека САД формирале база за ЦИА и Јужната команда на американските вооружени сили на територијата на Гвајана Есекибо, која Венецуела ја смета за дел од својата земја.

„Тие планираат да започнат воен конфликт овде“, изјави претседателот на Венецуела и заклучи дека за САД војната е политичка и економска работа.