Мајка се плашела да се породи во болница, па второто бебе го родила дома- и двете починале - Канал 5

Свет

Мајка се плашела да се породи во болница, па второто бебе го родила дома- и двете починале

Откако го родила своето прво дете, таа толку се плашела од болниците и мислела дека породувањето дома ќе биде побезбедно.

Мајка се плашела да се породи во болница, па второто бебе го родила дома- и двете починале

За жал, се појавиле компликации за време на породувањето и мајката починала по пристигнувањето во болницата. Неколку дена подоцна, починало и нејзиното бебе. Инцидентот се случил во јуни 2024 година во Велика Британија, но сега станал јавен познат бидејќи случајот стигнал до суд.

Џенифер Кахил (34) сакала само најдобро за себе и за своето второ дете. За време на раѓањето на своето прво дете во 2021 година, не било сè според планот во болницата. Изгубила многу крв, а нејзиното новородено момче развило сепса. Морале да поминат неколку недели во болница. Подоцна го опишала искуството како „трауматично“ и едно од „најтешките нешта во нејзиниот живот“.

Сопругот на Џенифер, Роб Кахил, изјавил на истрагата дека „трауматското“ породување ја оставило неговата сопруга во тешка ситуација, а таа сметала дека можноста да се породи во болница е многу стресна. Таа исто така чувствувала дека немала доволно поддршка од бабицата за време на нејзиното прво породување во болница.

Кога три години подоцна дознале дека го очекуваат своето второ дете, двојката почнала да ја истражува можноста за породување дома. Роб му рекол на судот дека Џенифер верувала дека породувањето дома со две бабици ќе резултира со поподдржувачка, помирна средина, со помалку стрес и за неа и за нејзиното бебе.

Според „Мирор“, таа направила план за породување и не сакала никакви лекови, тестови или третман за време на породувањето. Наместо тоа, инсистирала на соба осветлена само со чајни свеќички и тивките гласови на бабиците. Зошто двете бабици се согласиле на овој план за породување сè уште е нејасно.

Породување во темна соба

До 5 часот наутро на 3 јуни 2024 година, породувањето траело осум часа, а бебето не било ни блиску до раѓање.

Исцрпената, но решителна мајка извикала фрустрирано: „Навистина сакам да го направам ова“.

„Јас сум воин! Зошто моето тело не ми дозволува?“, извикала Мајли, според „Манчестер ивнинг њуз“.

Часови подоцна, Џенифер родила девојче дома во присуство на двете бабици. Сепак, бебето Агнес Лили било родено со папочна врвца обвиткана околу вратот и не можело да дише. Бабицата го реанимирала детето и повикала брза помош. Болничар подоцна сведочел на суд дека собата била толку темна што првото нешто што морал да го направи било да ги отвори завесите и да го вклучи светлото за да види нешто.

Брзата помош го однела бебето во болница, а набрзо мајката почнала да се чувствува лошо. Таа доживеала обилно крварење, како што имала и за време на првото раѓање, и доживеала срцев застој додека била во брзата помош. Починала кратко потоа во Општата болница Северен Манчестер. Според Би-Би-Си, причината за смртта можеби била повеќеорганска инсуфициенција.

Бебето било на респиратор три дена, по што било симнато од апаратот. Бебето починало од хипоксија, или недостаток на кислород во телото, изјавила пред судот патологот Џоан Кирсли.

Роб одеднаш останал вдовец и морал сам да се грижи за нивниот син.

Англиски суд сега го разгледува случајот, со цел да утврди кој е одговорен. Но, ниедна пресуда на светот нема да ги врати во живот Џенифер и нејзиното бебе, Агнес Лили.

Тагови: бебе мајка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

За излез од Македонија на Богородица и Дојран се чека три часа

Повеќе од 17000 лица ја напуштиле македонија во последните 24 часа преку ГП Богородица и ГП Дојран кон Грција.

За излез од Македонија на Богородица и Дојран се чека три часа

Во истиот период во земјава влегле околу 16000 птници, покажуваат податоците на министерството за внатрешни работи.

Преку Богородица во Македонија влегле 5864 македонски државјани а изглегле 5948, од странски државјани влегле 10249, а излегле 11648.

На Дојран се евиндентирани 399 влегувања и 1104 излегувања на македонски државјани , странци 1295 влегле, 1174 излегле.

Поради големената фреквенција на двата гранички премини се создадени долги колони возила, најголем метеж беше забележан на Дојран, каде колоната возила се протегаше низ целиот Стар Дојран.

Од МВР велат дека се ангажирани сите расположливи човечки и технички ресусри за побрз проток на патниците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се запали автобус на „Дурмо Турс“ на автопатот Тетово Гостивар

Автобус на компанијата „Дурмо Турс“ денеска се запали на автопатот Тетово Гостивар, предизвикувајќи вознемиреност кај патниците и останатите учесници во сообраќајот. 

Се запали автобус на „Дурмо Турс“ на автопатот Тетово Гостивар

На социјалните мрежи се појавија видеоснимки на кои се гледа како автобусот е зафатен од пламен, додека густ чад се издига над коловозот.

Според првичните информации, возачот навреме го запрел автобусот, по што сите патници безбедно биле евакуирани. Засега нема информации за повредени лица, а на местото на настанот интервенирале противпожарни екипи кои го локализирале пожарот. Надлежните институции вршат увид за да се утврдат причините за избувнувањето на огнот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Сабаленка ги шокираше навивачите со проѕирен фустан за УС Опен

Сабаленка ги шокираше навивачите со проѕирен фустан за УС Опен-Погледнете што ќе носи популарната „тигрица“.

Видео: Сабаленка ги шокираше навивачите со проѕирен фустан за УС Опен

Најдобрата светска тенисерка, Белорусинката Арина Сабаленка ја претстави својата облека за престојниот Грен слем УС Опен.

Светскиот рекет број 1, Арина Сабаленка, ја претстави својата опрема за УС Опен.

Откако неславно го заврши настапот на Вимблдон, таа ретко се појавуваше во јавноста, а сега одлучи да ги израдува навивачите со облеката што ќе ја носи на последниот Грен слем турнир во сезоната.

Брендот „Најк“ и тенисерката од Белорусија овојпат направија чекор понапред. „Тигрицата“ ја брани титулата на УС Опен, откако победи во 2024, а потоа и во 2025 година.

Ако се суди според најавите, ќе гледаме агресивна и енергична Сабаленка, каква што сме навикнати да ја гледаме. Облеката што ја претстави го навести токму тоа.

Сабаленка се одлучи за портокалова боја – маичка и шорцеви, а претходно ќе носи и мрежест фустан.

Иако популарниот бренд досега не ѝ овозможувал на Сабаленка уникатни спортски комплети, овојпат тоа секако ќе се случи. Јасно е дека опремата што ќе ја носи Белорусинката е инспирирана од „Спајдермен“, а се очекува и други тенисерки кои го носат овој бренд да се појават во слични изданија.

Црната мрежа што ја прекрива дводелната спортска опрема е директна асоцијација на филмот, чија премиера е закажана за јули 2026 година. Нема сомнеж дека изданието на Арина Сабаленка ќе предизвика бројни реакции, бидејќи коментарите постојано се менуваат – од позитивни до негативни – само неколку часа по објавувањето на видеото.

Фановите не ја изоставија ниту Наоми Осака, од која очекуваат уште поспектакуларно издание, слично на оние од претходните три Грен слем турнири. Воедно, ова веројатно е последниот Грен слем на кој Сабаленка ќе носи стандардна облека од „Најк“ (Nike) како и останатите тенисерки, бидејќи уште во 2027 година би можеле да ја видиме во персонализирани комбинации.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер