Мајка од пеколот: До смрт ја претепала 9- годишната ќеркичка, семејството и соседите молчеле - Канал 5

Живот

Мајка од пеколот: До смрт ја претепала 9- годишната ќеркичка, семејството и соседите молчеле

Девојче (9) од Галаци, Романија, починала во агонија, а се претпоставува дека нејзината мајка подолго време ја малтретирала.

Мајка од пеколот: До смрт ја претепала 9- годишната ќеркичка, семејството и соседите молчеле

Девојчето било пронајдено мртво со модринки и изгореници по телото.

Детето имало лузни од изгореници по телото, кои веднаш алудирале на тоа дека насилството траело веќе некое време, и дека никој не направил ништо за да го спречи.

Соседите им рекле на инспекторите дека често го слушале детето како плаче и вреска од болка. Но, случајот не го пријавиле во полиција.

Мајката на девојчето, која е уапсена и ќе ѝ се суди за убиство, не ѝ кажала ниту збор на полицијата.

Според експертите, деветгодишното девојче во вторникот било тешко претепано пред очите на помалите сестри, на пет и седум години, а утрото се онесвестило, по што нејзиниот вујко повикал брза помош.

За жал, помошта пристигнала предоцна и девојчето починало во својот кревет.

Трагите на диво насилство на телото ги згрозиле дури и обвинителите, но и криминалистичката полиција која излегла на терен.

„Повредите датираат од различни периоди. Не може со сигурност да се утврди. Судскиот вештак ќе утврди. Смртта на малолетничката настапила во куќата, а осомничена за убиството е нејзината мајка, која подолго време го малтретирала детето “, рече обвинителот Овидиу Захарија.

Истрагата открила дека девојчето било долго мачено, а многу луѓе знаеле за ова злосторство, но молчеле. За насилството знаеле вујкото и тетката со кои живеело девојчето, како и соседите.

"Секогаш можеше да се слушне удирање, удирање, плачење. Дури и во 11 навечер", рекол еден од соседите.

„Им изнајмив стан, но немав поим што се случува, не знам што има со тие девојчиња, од каде се, не ми беше грижа“, вели сопственичката на станот Каталина.

Освен тоа, роднина на девојчето кое го убила нејзината мајка сугерира дека властите требало порано да ги земат сите три девојчиња.

За сестрите сега се грижи државата, а социјалните служби истражуваат дали биле малтретирани на ист начин.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тошковски: Во Гостивар има техничка вода, но за пиење и подготвување на храна уште да се користи флаширана

По повеќеркатни испитувања на водата во Гостивар, анализите покажвуаат дека конечно водата може да се користи како техничка вода – ќе може да се користи за капење и сите останати домаќински потреби.

Тошковски: Во Гостивар има техничка вода, но за пиење и подготвување на храна уште да се користи флаширана

По повеќеркатни испитувања на водата во Гостивар, анализите покажвуаат дека конечно водата може да се користи како техничка вода – ќе може да се користи за капење и сите останати домаќински потреби, но не и за пиење, ниту пак за подготвување на храна. Ова на прес конференција го кажа министерот за внатрешни работи, Панче Тошковски, кој посочи дека ќе се продолжи со обезбедување на флаширана вода за пиење.

„Во координација сме со Општината во делот на сето она кое треба да се преземе понатаму. Сакам лично да изразам благодарност, прво на гостиварчани за нивното разбирање, потоа и на сите експерти кои помогнаа да дојдеме до оваа фаза, техничка вода. Се надевам до сите одговорни во рамки на опшините, се надевам дека ова ќе биде за памет и дека ќе постапуваат максимално професионално и во делот на квалитетот на водата, затоа што играње со здравјето на граѓаните нема“, рече Тошковски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Украинците ги нападнаа руските градови Ростов и Белгород- има загинати (ВИДЕО)

Украински беспилотни летала го нападнаа рускиот пограничен регион Белгород и градовите во јужна Русија во текот на ноќта, објавија локалните власти и каналите што ги следат воените настани.

Украинците ги нападнаа руските градови Ростов и Белгород- има загинати (ВИДЕО)

Оперативниот штаб на регионот Белгород објави на Телеграм дека 12 лица се повредени во Белгород. Во нападот беа запалени станбена зграда и 15 паркирани автомобили. „Покрај тоа, една куќа беше делумно уништена, а неколку станбени згради беа оштетени“, објави штабот.

Регионот Белгород се наоѓа по должината на границата со Украина, а градот Белгород е оддалечен само околу 27 километри од североисточниот дел на Украина.

Експлозии и во градот на брегот на Азовското Море

Подоцна во текот на ноќта, експлозии одекнаа и во јужниот руски град Ростов на Дон, објави Телеграм каналот Егзиленова Плус.

Градоначалникот на Ростов на Дон, Александар Скрјабин, го потврди украинскиот напад и рече дека една станбена зграда е оштетена. Гувернерот на регионот Ростов, Јуриј Сљусар, рече дека две лица се убиени во градот, додека уште пет се повредени. Тој додаде дека во нападите биле запалени магацини и неколку куќи.

„Две лица, брачна двојка, беа убиени во Ростов на Дон. Пет лица беа повредени, од кои двајца во тешка состојба, вклучувајќи и тинејџер. Прозорци беа скршени во неколку куќи, како и на горните катови од станбена зграда и социјален објект“, рече Шљусар.

Експлозии беа пријавени и во крајбрежниот град Таганрог на брегот на Азовското Море, според каналот на Телеграм Супернова Плус.

Тагови: Ростов

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на министерот Муцунски со шпанскиот државен секретар за ЕУ, Фернандо Мариано Сампедро Маркос

Министерот за надворешни работи и надворешна трговија, Тимчо Муцунски, денеска оствари средба со Фернандо Мариано Сампедро Маркос, државен секретар за ЕУ во Министерството за надворешни работи, ЕУ и соработка на Шпанија.

Средба на министерот Муцунски со шпанскиот државен секретар за ЕУ, Фернандо Мариано Сампедро Маркос

Во фокусот на разговорите беа европската интеграција на Македонија и актуелните случувања во процесот на проширување на Европската Унија. Министерот Муцунски изрази благодарност за доследната и принципиелна поддршка од Шпанија за европската перспектива на земјата, како и за нејзината посветеност проширувањето да остане меѓу стратешките приоритети на Унијата.

Муцунски ја нагласи важноста од блиска соработка и координација со Шпанија во претстојните дискусии за иднината на политиката на проширување.

„Процесот на пристапување мора да остане кредибилен, предвидлив, еднаков за сите и заснован на заслуги, со јасна крајна цел – полноправно членство во ЕУ, паралелно со унапредувањето на практичните форми на постепена интеграција“, истакна министерот.

Воедно, тој го информираше соговорникот за резултатите од спроведувањето на Реформската агенда и за посветеноста на Владата кон доследно спроведување на европските вредности и стандарди на национално ниво.

Соговорниците ја потврдија важноста од натамошно продлабочување на билатералната соработка во рамките на европските процеси, како и неопходноста од зачувување на кредибилитетот на политиката на проширување и забрзување на пристапниот процес на земјата, соопшти МНРиНТ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер