Мајка не ја пуштила својата ќерка на училиште (видео) - Канал 5

Живот

Мајка не ја пуштила својата ќерка на училиште (видео)

Причината поради која одлучила такво нешто ги разбесна родителите на мрежата!

Мајка не ја пуштила својата ќерка на училиште (видео)

Таа смета дека нејзиното девојче трпи стрес и треба да остане дома.

Многу мајки знаат дека кога детето е болно, најдобро е да остане дома за да закрепне и да се спречи пренесувањето на вирусот на другите деца во училиштето. Меѓутоа, една мајка решила да ја остави својата ќерка дома од сосема бизарна причина. Таа проценила дека нејзиното девојче трпи стрес поради лошата фризура, па најдобро е да остане дома.

Рути е мајка на едно мало, преслатко девојче за кое вели дека во недела навечер ги расплетува плетенките и се подготвува за понеделник да оди во училиште. Едно утро, кога мајката видела дека нејзината ќерка не излегува од собата, влегла да провери што се случува и ја нашла својата ќерка расплакана.

@ruthyandthebrain Im teaching my daughter to listen to her body & take care of her mental health. #girltok #badhairday ♬ original sound - Ruthy

- Беше испаничена и имаше напад на анксиозност - изјавила Рути.

Како што објаснила, нејзината ќерка ѝ признала дека се чувствува фрустрирано бидејќи немала време да ја среди својата фризура, пренесува британски Сан.

Гледајќи ја паниката во нејзините очи и стресот на детето, мајка и ѝ рекла да престане да се обидува да ја среди косата, да ги облече пижамите и да се врати во кревет. Рути на своите придружници на Тикток им објаснила дека кога се чувствуваме вознемирени или обземени од некоја задача, па дури тоа да е чистење на домот или чешлање на косата, нашето тело ни порачува да направиме пауза.

Мајката објаснила дека тоа било момент да го научи своето девојче важна лекција за менталното здравје,дека треба да одвои време за себе, па дури и ако не е физички болна.

Видеото предизвика позитивни коментари на Интернет, особено од мајките кои се согласиле дека Рути постапила правилно што не ја пуштила нејзината ќерка да оди на училиште.

- Тоа е вистинскиот потег, мајко! Вака ги учиме малите деца да ги слушаат и да ги потврдуваат своите емоции и менталното здравје.

-Ме полазија морници, ова многу значи. Ти си неверојатна мајка.

- И јас на моите деца им подарувам денови за менталното здравје. И тие се луѓе како нас – беа дел од коментарите.

Но, имаше и негативни коментари од луѓето кои сметаа дека Рути премногу ја разгалува својата ќерка.

-Не сте постапиле добро. Од неа ќе направите разгалено девојче кое во иднина, кога ќе порасне, секогаш ќе наоѓа изговори да не ги извршува своите задачи.

- Не оди на училиште поради лоша фризура?! Боже, жено, што зборуваш?

- Колку што е важно менталното здравје, толку е важно децата уште од мали да научат дека обврските мора да се исполнуваат, дури и кога не се чувствуваат добро.

-Не би сакал мојот син, еден ден, да ја запознае твојата разгалена ќерка.

- Би разбрала ако се работи за нешто сериозно, ако детето трпи врсничко насилство, но да го остави дома поради лоша фризура... Што си ти, психолог? Жено, како го воспитуваш тоа дете - беа само дел од негативните коментари на оваа објава.

Извор: srecna.republika.rs/

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер