СветМајка на две деца загина на Алпите- жичарницата ѝ ја закачи облеката и ја повлече (ФОТО)Маргерита Лега (41), мајка на две деца, загина на италијанските Алпи откако падна во провалија длабока 150 метри.Трагедијата се случила вчера околу 11 часот, откако планинската жичарница ѝ ја зафатила облеката, пишува La Repubblica. Се верува дека децата на несреќната жена го виделе падот во провалија. Лега паднала во долината Анзаска, област во Пиемонт популарна кај планинарите, која се наоѓа североисточно од Торино. Жичарницата, која се користи само за транспорт на предмети, одеднаш се вклучила додека Лега го товарела багажот во неа. Жичницата ја повлекла повеќе од 50 метри преку работ на карпата. Откако жичарницата повеќе не можела да ја издржи тежината на 41-годишната жена, жената паднала. Сопругот на жртвата бил сослушан во локалната полициска станица. Resta agganciata alla teleferica e precipita nel vuoto: muore 41enne di origine piacentina: La vittima è Margherita Lega. L’incidente durante una giornata di vacanza con la famiglia a Calasca Castiglione, in Piemonte https://t.co/1wFk1sbVhT pic.twitter.com/9bNUoupSBE — ilPiacenza.it (@ilpiacenza) July 5, 2024 Градоначалничката на Каласко Кастиљоне, Силвија Типалди изрази сочувство до семејството и рече дека е шокирана од трагичната смрт на жената. Типалди рече дека жичарницата била редовно проверувана и оти верувала дека трагедијата се случила случајно. Семејството се обидувало да стигне до селото Дрокала, каде што има само неколку куќи. Се уште не се знае дали отишле таму бидејќи таму имаат роднини, пријатели или само поминувале. Скоро 400 метри е долга жичарницата што го поврзува селото со планината и поминува низ стрмна клисура. Со жичарницата обично управуваат две лица - едно на врвот и едно на дното. На местото на страшната несреќа пристигнале повеќе од 100 лица од итната помош, вклучително и пожарникари, полиција и тимови за спасување на планина. Телото на 41-годишната жена е лоцирано и извлечено од клисурата со помош на хеликоптер и алпинисти. Додека се утврдуваат околностите на настанот и додека се истражува дали се почитувани сите безбедносни мерки, жичарницата е запечатена. Пријавено е дека системот одеднаш започнал да работи сам, а причината допрва треба да се утврди.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
СветЗапочна историскиот состанок Трамп, Путин, Си ЏинпингЗапочнува историска средба во Кина, на претседателите на САД, Русија, и Кина, Доналд Трамп, Владимир Путин и Си Џинпинг. Пред средбата домаќинот Си ручал со американскиот претседател Трамп. Претседателот на САД Доналд Трамп, кинескиот претседател Си Џинпинг и рускиот претседател Владимир Путин започнаа историска трилатерална средба во Шенжен, Кина. Клучните теми вклучуваат војната во Украина, нуклеарното оружје и меѓународната безбедност. Трамп изјави дека тројцата лидери „испишуваат историја“, Путин ги истакна заедничките интереси во однос на решавањето на војната во Украина, а Си повика на соработка во справувањето со глобалните прашања. За време на своето воведно обраќање на трилатералната средба со Си Џинпинг и Владимир Путин, американскиот претседател Доналд Трамп ја истакна важноста на соработката меѓу трите нуклеарни сили. „Се наоѓаме во единствена позиција да разговараме за тоа како да се намали бројот на нуклеарно оружје на Земјата“, рече Трамп. Тој додаде дека е „клучно“ САД, Кина и Русија да соработуваат за да се спречи ширењето на нуклеарното оружје кон други држави. „Токму тоа го правиме во однос на Иран. Нема да дозволиме Иран да поседува нуклеарно оружје“, изјави Трамп. Потоа се осврна на војната во Украина, напоменувајќи дека веќе имал „долг разговор“ со Путин на таа тема. „Мислам дека Путин – а се надевам и другата страна – би сакале да видат крај на таа војна“, рече американскиот претседател. Во своето воведно обраќање на трилатералната средба со Доналд Трамп и Си Џинпинг, рускиот претседател Владимир Путин ја истакна „заедничката одговорност“ на трите нации за одржување на меѓународниот мир и безбедност. „Како победници во Втората светска војна, Кина, Русија и САД мора да го зачуваат и зајакнат системот на меѓународното право“, рече Путин. Рускиот претседател нагласи дека трите земји имаат „бројни заеднички интереси во решавањето на регионалните конфликти, вклучително, се разбира, и конфликтот во Украина“. Тој додаде дека Русија, САД и Кина можат „значително да придонесат за зајакнување на мирот и стабилноста“. На трилатерална средба со американскиот претседател Доналд Трамп и рускиот претседател Владимир Путин, кинескиот претседател Си Џинпинг изјави дека трите земји мора да соработуваат за да се справат со глобалните проблеми. „Мораме да учиме од историјата. Тешките времиња покажуваат кој е навистина подготвен да преземе одговорност“, рече Си, како што пренесува Ројтерс.Тагови: Владимир Путин Доналд Трамп Си Џинпинг Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
СветПутин во Кина ја покажа нуклеарната актовка, руски бомбардери пристигнаа во ВиетнамРускиот претседател Владимир Путин пристигна на самитот на АПЕК во Шенжен, Кина, придружуван од офицер кој – пред камерите на руските државни медиуми – го покажа „нуклеарното куферче“. Во меѓувреме, во Виетнам се појавија два руски стратешки бомбардери способни да носат нуклеарно оружје. Овие случувања доаѓаат пред денешните средби меѓу Путин, американскиот претседател Доналд Трамп и кинескиот претседател Си Џинпинг. Ова е прва заедничка средба меѓу лидерите на овие три нуклеарни сили. Потезите на Русија привлекоа внимание, бидејќи Москва во последно време ги демонстрира своите воени капацитети далеку надвор од границите на Украина – земја во која веќе речиси пет години води војна. На видеоснимка објавена од руските државни медиуми се гледа припадник на придружбата на Путин како носи црна актовка. Новинарот го праша дали станува збор за нуклеарна актовка, а службеникот тоа го потврди. A Russian journalist filmed members of President Vladimir Putin’s delegation carrying Russia’s nuclear briefcase as Putin arrived in Shenzhen, China, on Wednesday for the APEC summit, where he is expected to meet with U.S. President Donald Trump and Chinese President Xi Jinping. Asked directly whether he was carrying the briefcase, a serviceman confirmed he was. Known as the Cheget, the briefcase allows Putin to maintain unbroken command and control over Russia’s nuclear arsenal at all times, regardless of his physical location. — CBS News (@CBSNews) November 18, 2026 Актовката, позната како „Чегет“, е дел од системот преку кој рускиот претседател одржува врска со воената команда и учествува во донесувањето одлуки за употреба на нуклеарно оружје. Иако нуклеарната актовка обично го придружува рускиот претседател на патувањата, таа ретко се прикажува јавно пред камерите. Видеото беше објавено непосредно пред средбата на која се очекува да се разговара за нуклеарното оружје и односите меѓу трите големи сили. Во последните денови, Русија исто така ја зголеми својата воена активност во Источна Азија. Сателитски снимки покажаа два руски стратешки бомбардери „Ту-95“ – познати според ознаката на НАТО како „Мечка“ (Bear) – на аеродромот Да Нанг во Виетнам. Тие беа придружувани од уште два руски воени транспортни авиони „Ил-76“.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаСДСМ: Нема пари, 51 милион евра не се префрлени во вториот столбСекој ден има нова потврда на она што го кажува СДСМ веќе со месеци за последиците од криминалното владеење на Мицкоски.Заклучно со 31 октомври, 51 милион евра од пензиските придонеси на граѓаните не се префрлени во вториот пензиски столб. Тоа се пари на 650 илјади граѓани, што работниците секој месец ги издвојуваат од своите плати за сопствената пензија. Префрлањето пари не е волја на Мицкоски, туку законска обврска на директорот на Фондот за пензиско да ги префрли парите во вториот пензиски столб. Ќе реагира ли сега Јавното обвинителство или повторно ќе молчи? Организираната криминална група ја загрозува исплатата на идните пензии на над 650.000 граѓани. Дупката во ПИОМ е веќе 1 милијарди евра. Власта го загрозува и вториот пензиски столб. Нема пари за работниците, нема пари за пензионерите, нема при за повисока минимална плата. Нема пари земјоделците. Нема пари за повисок студентски оброк. Пари има само за криминалните тендери на власта. За само две години Владата на Мицкоски ги задолжи граѓаните за околу 4 милијарди евра. За 2027 година, Мицкоски и Кочоска планираат ново задолжување од речиси 2 милијарди евра. Ова е економскиот дебакл на Мицкоски. СДСМКрадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook