Сју и Ноел Редфорд имаат 22 деца и ја сакаат празничната магија во декември. Секоја година даваат сѐ од себе на децата да им пружат вистинска новогодишна идила. Се разбира, тоа со себе носи големи трошоци. Покрај тоа што максимално ја украсила својата огромна куќа со 10 спални соби, со четири новогодишни елки и 25 чорапи, оваа мајка опишала и како изгледаат овие празници во нивниот дом, како и како секоја година им купува подароци на децата, објави Сан.
Сју открива дека за секое дете троши помеѓу 100 и 250 фунти, а купувањето подароци е вистинска мисија. Вкупно таа подарува околу 300 подароци, а во тоа ѝ помагаат писмата до Дедо Мраз што децата ги пишуваат секоја година со список на желби.
Во клипот, Сју и Ноел прочитаа некои од барањата, а оваа година децата се надеваат на шминка, бонбони, слушалки, најновите конзоли и комплет за боење, меѓу другите играчки.
Минатата година, Сју барала конзола, но се откажа кога ја видела цената. Годинава рекоа дека ќе биде поинаку, затоа што заштедиле малку повеќе. Што се однесува до штедењето, тие почнуваат да штедат неколку месеци пред празниците, така што имаат околу 5.500 фунти за купување подароци.
И додека повеќето семејства ги оставаат подароците завиткани под дрвото, Сју има персонализирани чанти за секое дете за да не се мешаат подароците - и да заштеди пари со тоа што нема да мора да купува стотици етикети. Се разбира, завиткувањето не е лесно, а Ноел и Сју исто така поминуваат низ неверојатни 70 ролни хартија за завиткување. За среќа, Сју се смета себеси за „главна пакувачка на подароци“, бидејќи може да завитка неверојатни 20 подароци за само 15 минути и да симне уште една обврска.
- Купувам подароци во текот на целата година и ги завиткувам веднаш штом ќе пристигнат. Една од нашите најголеми главоболки за Божиќ е каде да ги скриеме сите подароци. Ги имаме насекаде - дури и во шкафот покрај бојлерот. Финтата е да се запамети каде се – рече таа.