МАГО по повод Светскиот ден на лупус : Со навремена дијагноза и подготовка, мајчинството е можно и со автоимуни заболувања - Канал 5

Здравје

МАГО по повод Светскиот ден на лупус : Со навремена дијагноза и подготовка, мајчинството е можно и со автоимуни заболувања

Македонската асоцијација на гинеколози и опстетричари (МАГО) го одбележува 10 Мај – Светскиот ден на лупус.

МАГО по повод Светскиот ден на лупус : Со навремена дијагноза и подготовка, мајчинството е можно и со автоимуни заболувања

Македонската асоцијација на гинеколози и опстетричари (МАГО) го одбележува 10 Мај – Светскиот ден на лупус, со цел подигнување на свеста за ова комплексно автоимуно заболување кое најчесто ги погодува жените во нивните најпродуктивни години. Годинава, овој значаен ден се совпаѓа со одбележувањето на Неделата на женското здравје, ставајќи посебен акцент на една од најчувствителните теми – интеракцијата помеѓу лупус и бременоста.

Лупус не смее да биде пречка за остварување на желбата за мајчинство, но бара исклучително висок степен на свесност, планирање и медицинска поддршка. Статистиките покажуваат дека бременостите кај жени со автоимуни заболувања се во пораст, што ја наметнува потребата од гласно зборување за ризиците, но и за можностите и решенијата.

Зошто е важна свесноста на овој ден?

Планирањето е клуч на успехот: Најголемиот ризик кај пациентките со лупус доаѓа кога бременоста е непланирана. Стручната јавност укажува дека зачнувањето треба да се случи во фаза на ремисија (смирување) на болеста, со цел да се минимизираат шансите за компликации како прееклампсија, спонтан абортус или предвремено породување.

Мултидисциплинарен пристап: Жената со лупус има потреба од координирана грижа од ревматолог, гинеколог-акушер и педијатар, кои заеднички ќе го следат текот на бременоста и евентуалното влијание на специфичните антитела врз фетусот.

Справување со стравот и стигмата: Светскиот ден на лупус е можност да се испрати порака дека со современ мониторинг, соодветна терапија и редовни контроли, ризиците можат успешно да се менаџираат, а жените со лупус да имаат здрава бременост и квалитетен живот.

Токму во насока на едукација и поддршка на жените, во рамките на Неделата на женското здравје, д-р Ирена Тодоровска ќе одржи стручно предавање на тема „Автоимуни заболувања и бременост“. Преку ова предавање ќе бидат образложени клучните аспекти на внимателното менаџирање на бременоста кај пациентките со лупус и антифосфолипиден синдром, со цел да се осигура здравјето на мајката и новороденчето.

На овој 10 мај, Македонската асоцијација на гинеколози и опстетричари ја испраќа пораката:

Информираната жена е заштитена жена. Поддршката од околината, мултидисциплинарниот пристап и едукацијата се клучни за жените со лупус да водат квалитетен живот и безбедно да се остварат во улогата на мајки, се наведува во соопштението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку 11 лица загинаа, а 6 се повредени во голем шумски пожар во Шпанија

Најмалку 11 лица загинаа, а шест се повредени во голем шумски пожар во местото Лос Гаљардос, во шпанската покраина Алмерија.

Најмалку 11 лица загинаа, а 6 се повредени во голем шумски пожар во Шпанија

Дел од жртвите биле пронајдени во возила зафатени од пламените јазици, додека околу 1.000 жители биле евакуирани поради опасноста од ширење на огнот. Пожарот избувнал за време на силен топлотен бран што ја зафати јужна Европа, со температури кои достигнуваат околу 40 степени целзиусови.

Во гаснењето се вклучени околу 150 пожарникари, како и шпанската воена единица за итни интервенции, додека властите сè уште ја истражуваат причината за пожарот. Шпанија ова лето се соочува со зголемен ризик од шумски пожари поради екстремните горештини. Според научниците, климатските промени придонесуваат за почести и поинтензивни топлотни бранови и пожари, а Европа останува континентот што се затоплува најбрзо во светот.

Тагови: Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Едноцифрените рејтинзи и стравот од изборен дебакл, се причина за блокирањето на Изборниот законик од СДС, Левица и ДУИ

Лошите едноцифрени рејтинзи на ниво на статистичка грешка на СДС, Левица и ДУИ е причина што го опструираат и го блокираат новиот Изборен законик.

ВМРО-ДПМНЕ: Едноцифрените рејтинзи и стравот од изборен дебакл, се причина за блокирањето на Изборниот законик од СДС, Левица и ДУИ

Ваквиот нивен однос нема друго оправдување, затоа што консензусот помеѓу политичките партии за носењето на овој закон со месеци се градеше во работната група.

Изборниот законик е дел од Реформската агенда и наместо да седнат на маса со сите политички чинители и да се постигне договор за негово носење во македонското Собрание, СДС, ДУИ и Левица избраа да блокираат и како раштиман оркестар да создадат какофонија во јавноста.

Откако во Левица увидоа дека рејтингот им се намалува и не им оди како што посакуваат, со непотпишувањето на договорот за носењето на ИЗ, се обидуваат пред своето членство да се покажат како тврдокорни кои не прават компромис.

СДС како добар препишувач, откако видоа дека Левица го блокира законот, смислија начин како да го блокираат ИЗ со поднесување на 10 илјади амандмани, со изговор дека гласањето на дијаспората по електронски пат бил недемократски и неевропски чин.

И ДУИ, да не останат покуси, се приклучува на блокирање на овој реформски закон, со свој изговор и барање сите одлуки кои се носат во ДИК да бидат носени со консензус, наместо досегашниот мнозински модел.

Тоа што е заедничко за овие партии е тоа што сите се исплашени, а до некаде и убедени, дека на следните избори им следи дебакл и убедлив длабок пораз и сегашните нивни постапки, не се ништо друго, освен создавање алиби за изборниот дебакл.

Друго заедничко за истите овие партии е што и едните и други прстот го вперуваат во ВМРО-ДПМНЕ, како партијата да им е крива за тоа што граѓаните не гледаат опција во нив и не ги поддржуваат нивните политики.

ВМРО-ДПМНЕ, повторно јасно и гласно кажува, неформалните опозициски коалициски партии нека седнат заедно и нека се договорат, тоа што тие ќе предложат, тоа ќе прифати, само начинот на остварување на правото на глас на дијаспората, да се олесни.

А, опозицијата, со ваквото однесување, докажува дека за нив важен е само партискиот интерес, не и иселениците и враќањето на македонските граѓани во сопствената татковина.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД и Иран повторно разменија напади по што се намали бројот на бродови што патуваат низ Ормутскиот теснец

САД и Иран повторно разменија напади по што се случи „драматичен“ пад на бројот на бродови што патуваат низ Ормутскиот теснец.

САД и Иран повторно разменија напади по што се намали бројот на бродови што патуваат низ Ормутскиот теснец

Сад велат дека погодиле 90 воени цели, некои во близина на протокот. Иран вели дека 14 лица се убиени во последните два дена. Државните ирански медиуми, исто така, објавија дека биле погодени цели во близина на нуклеарната централа Бушер, повикувајќи се на заменик-гувернерот на покраината. САД не коментираа за последните напади. Иран соопшти дека како одговор ги таргетирал американските објекти во Кувајт, Бахреин и Катар. Синоќа Техеран започна со повеќе напади врз локации во Кувајт, Јордан и Ирак, објавија државните медиуми.

Нападите се случија откако Иран го погреба својот убиен врховен лидер Ајатолахот Али Хамнеи во светилиште во Машхад, со што заврши една недела погребни поворки и собири. Нападите врз катарските и саудиските бродови претходно оваа недела го нарушија примирјето, а американскиот претседател Доналд Трамп прогласи дека примирјето е „завршено“

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер