Балкан

Мафијашка пресметка во Цетиње: Убиен член на кланот „Шкаљари“ со еден куршум од снајпер

Васко Љешковиќ (37) од Цетиње близок до кланот Шкаљари, кој беше ликвидиран вчера околу 15 часот и 20 минути, знаел дека животот му е во опасност, поради што со месеци спроведувал посебни безбедносни мерки, дури и кога бил во својот двор.

Речиси никогаш не го напуштал семејниот дом во Цетиње, а ретко и престојувал во својот двор, пренесуваат црногорските медиуми. Тој бил свесен дека му се заканува опасност да биде нападнат од снајпер, па имотот го опколил со висок бетонски ѕид, објави Телеграф.

Очигледно снајперистот многу добро знаел дека ретко се појавува пред неговата куќа и долго го демнел од блискиот рид, а кога конечно Љешковиќ се појавил на терасата испукал истрел. Прецизен куршум испукан од 500 метри го погодил директно во срцето.

- Љешковиќ во последните месеци стравуваше за својот живот и стравуваше дека ќе биде мета на ривалите од „Кавачкиот клан“. Знаеше дека е во опасност и многу ретко го поминуваше прагот на семејниот дом. Го избегнал и дворот, бидејќи се сомневал дека може да биде снајперска мета бидејќи над куќата има рид - пишуваат црногорските медиуми.

Според подгоричките медиуми, Љешковиќ бил близок со Владан Радоман, еден од водачите на „Шкаљарскиот клан“. Се тврди дека овој „шкаљарец“ го презел раководството на кланот по убиството на Јован Вукотиќ во септември 2022 година во Истанбул.

А со убиството на братот на Радоман, Горан, во Белград во 2015 година, наводно започнала децениската војна меѓу „Шкаљарскиот“ и „Кавачкиот клан“ во која загинаа десетици луѓе во Црна Гора, Србија и регионот.

Љешковиќ ќе биде погребан утре на Новите гробишта во Цетиње.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Повторно Иран и САД разменија оган, цените на нафтата пораснаа утринава

Иран лансираше „повеќе“ балистички ракети во „обид за ненадеен напад“ врз американските сили на Блискиот Исток, соопшти американската војска, со што се прекина затишјето во борбите.

Сите ракети беа „успешно пресретнати“, соопшти централната команда на сад . Иран соопшти дека целта била американска база во јордан.во меѓувреме, американската војска и силите на Саудиска Арабија ги нападнаа „терористите поврзани со Иран“ во Ирак, како одмазда за нападите со беспилотни летала. Новите напади ставија крај на краткиот прекин на непријателствата меѓу САД и Иран, кој имаше за цел да ги врати преговарачите на масата за преговори.

Иранската исламска револуционерна гарда, исто така соопшти дека погодила три танкери за нафта во Ормутскиот теснец, според новинската агенција ТАСНИМ.

Цените на нафтата пораснаа утринава поради загриженоста дека ескалацијата на конфликтот би можела дополнително да го наруши транспортот на енергија низ теснецот.

Во утринското тргување во Азија, глобалната референтна цена на суровата нафта од типот брент порасна за 4,3% на 87,70 долари за барел, додека нафтата што се тргува на американскиот пазар беше повисока за 4,2% на 82,62 долари.

Најновите напади се совпаднаа со посетата на израелскиот премиер Нетанјаху на Вашингтон, каде што се сретна со Трамп во Белата куќа и присуствуваше на погребот на американскиот сенатор Линдзи Греам.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и топло со температура до 38 степени

Според Управата за хидрометеоролошки работи времето денес во Македонија ќе биде сончево и топло со мала до умерена локална облачност.

Ќе дува слаб до умерен ветер од променлив правец. Максималната температура ќе биде во интервал од 30 до 38 степени.

Во Скопје, сончево и топло со слаб ветер од променлив правец. Максималната температура ќе достигне до 35 степени.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Без вода дел од општина Ѓорче Петров

Водоснабдувањето ќе биде прекинато од 07:40 часот до завршување на работните активности.

Поради уличен дефект на водоводна цевка на улицата „Ѓорче Петров“ со булевар „Македонска Војска“ прекинато водоснабдување ќе бидат дел од корисниците на улицата „Ѓорче Петров“, булеварот „Македонска Војска“, „Виа Игнатиа“, „Мице Козар“, „Стоби“, „Александар Мутурков“, „Крсте Гермов-Шакир“ и дел од „Шидска“.

Водоснабдувањето ќе биде прекинато од 07:40 часот до завршување на работните активности.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.