Мадуро во писмо до Трамп негира дека Венецуела има врски со дрога - Канал 5

Свет

Мадуро во писмо до Трамп негира дека Венецуела има врски со дрога

 Венецуелскиот претседател Николас Мадуро ги отфрли обвинувањата дека неговата земја е вмешана во трговија со дрога во писмо до американскиот претседател Доналд Трамп, што вчера беше јавно објавено, пренесе ДПА.

Мадуро во писмо до Трамп негира дека Венецуела има врски со дрога

Во писмото до Трамп, Мадуро наведува дека односите меѓу Каракас и Вашингтон се засенети од „лажни вести“, за кои рече дека „имаат намера да оправдаат ескалација на вооружен конфликт што би предизвикал катастрофална штета низ целиот континент“.

Писмото, датирано од 6 септември, беше објавено на Фејсбук вчера од потпретседателката Делси Родригез. Извадоци од писмото беа претходно објавени. Родригез рече дека писмото е доставено до јужноамерикански медијатор за да се осигури дека ќе стигне до Трамп.

Мадуро во писмото наведува дека останува отворен за „директен и искрен разговор“ со специјалниот претставник на САД Ричард Гренел „за да се надмине медиумската врева и лажните вести“.

„Претседателе, се надевам дека заедно можеме да ги победиме лагите што го оцрнија нашиот однос, кој мора да биде историски и мирен“, продолжува Мадуро во писмото.

Венецуелскиот претседател, исто така, ги пофали напорите на Трамп за прекин на војните и повика на дијалог за да се обезбеди мир на американскиот континент.

Писмото доаѓа во услови на зголемени тензии меѓу двете земји по неодамнешните воени операции на САД во Карибите и обвинувањата од Вашингтон дека Венецуела извезува дрога и насилство во САД, потсетува ДПА.

Американската влада во август ја зголеми висината на наградата на 50 милиони долари за информации што ќе доведат до апсење на Мадуро. Американското Министерство за правда наведува дека Мадуро е вмешан во меѓународна трговија со дрога, потсетува германската агенција.

Од друга страна, Мадуро потенцира дека „убедливите податоци“ за производството и трговијата со дрога во Јужна Америка покажуваат „дека Венецуела е територија без производство на дрога и земја што не е релевантна во областа на наркотиците“.

Тагови: Венецуела

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО. 

АКТО завршува во недела со „Бистро на еден ден" во дворот на Железничката зграда

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер