Мадуро префрлен во притворскиот центар во Бруклин, утре се очекува да се појави на суд - Канал 5

Свет

Мадуро префрлен во притворскиот центар во Бруклин, утре се очекува да се појави на суд

Заробениот венецуелски претседател Николас Мадуро, откако со авион беше пренесен во Њујорк, според медиумите веќе е задржан во притворниот центар во Бруклин. 

Мадуро префрлен во притворскиот центар во Бруклин, утре се очекува да се појави на суд

На социјалната мрежа Икс објавено е видео на кое се гледа како Мадуро облечен во црна јакна со качулка и со лисици на раце е придружуван од агенти на ДЕА но и зборува на англиски.

-Добра ноќ, Среќна Нова година.

Мадуро и неговата сопруга Селија Флорес беа заробени преку ноќ како дел од големата американска воена операција во Каракас. Се очекува пред федералниот суд во Менхетен венецуелскиот лидер да се соочи со обвиненија за трговија со дрога и оружје.

Американскиот претседател Доналд Трамп изјави дека операцијата на американските сили во Венецуела ја следел „од час во час“, опишувајќи ја како да гледа „ТВ-шоу во живо“. На прес-конференција рече дека САД ќе ја водат Венецуела се додека не се направи разумна транзиција на власта.

-Доцна синоќа и рано утринава по моја наредба, вооружените сили на САД спроведоа извонредна воена операција во главниот град на Венецуела. Заробен заедно со неговата жена Селија Флорес, и двајцата сега се соочуваат со амриканска правда. Ќе ја управуваме земјата во период се додека не обезбедиме безбедна, правилна и разумна транзиција. изјави – Доналд Трамп - Претседател на САД.

Заедно со државниот секретар Марко Рубио и претседателот на Здружениот генералштаб, генерал Ден Кејн, изнесоа детални информации за големата американска воена операција спроведена во текот на ноќта.

-Оваа мисија беше педантно планирана извлекувајќи лекции од децениските мисии во текот на последните години,- изјави – Ден Кејн – Здружен Генералштаб на САД.

Трамп се осврна на прашањето за експлоатација на нафта во Венецуела која има најголеми резерви на овој ресурс во светот. Рече дека американски компании ќе инвестираат за да се подобри уништената инфраструктура.

-Ние ќе продаваме нафта, веројатно во многу поголеми количини бидејќи тие не можеа да произведуваат многу затоа што инфраструктурата им беше лоша.- изјави – Доналд Трамп - Претседател на САД.

Бразил го осуди бомбардирањето на венецуелска територија, овој акт е опасен преседан за целата меѓународна заедница – порача претседателот Луиз Инасио. Шпанскиот премиер Педро Санчез порача дека не го поддржуваат режимот на Мадуро, но ни интервенција која го крши меѓународното право. Европската унија пак повикува на воздржаност и почитување на принципите на меѓународното право и на Повелбата на ОН во Венецуела.

-ЕУ внимателно ја следи ситуацијата во Венецуела. Под сите околности, принципите на меѓународното право и Повелбата на ОН мора да се почитуваат,-напиша високата претставничка на ЕУ за надворешни работи и безбедносна политика Каја Калас.

Низ многу земји голем број на венецуелци веќе се излезени пред амбасадите на САД. Негде се слави апсењето на Мадуро, некои пак ја осудија интервенцијата на Белата куќа.

-Сите се среќни бидејќи сите чекаа демократија и промена во Венецуела.

-Ова е само почеток на империјалистички воен нагон и не мислиме дека ова и служи на било кој од работничката класа овде или било каде во светот.

Во меѓувреме Врховниот суд на Венецуела ѝ наложи на потпретседателката Делси Родригез да ја преземе улогата вршител на должноста претседател во отсуство на Мадуро.

Родригез вчера повика на мир и единство во одбраната на земјата по заробувањето на Мадуро и рече дека Венецуела никогаш нема да биде колонија на која било нација.

Тагови: Доналд Трамп Николас Мадуро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Прогласена е вонредна состојба: Над 8.000 мигранти пристигнаа на шпански остров

Советот на шпанскиот остров Ел Иеро соопшти дека прогласил вонредна состојба за справување со миграциската криза, откако повеќе од 8.000 мигранти пристигнале на островот во Канарскиот архипелаг во последните пет недели.

Прогласена е вонредна состојба: Над 8.000 мигранти пристигнаа на шпански остров

Со декретот се бара и од владата на Канарските Острови и од шпанската држава да обезбедат дополнителен персонал и да спроведат систем на ротација за да им овозможат на членовите на Поморската служба за спасување, Здравствената служба на Канарските Острови, Државните безбедносни сили и Црвениот крст да бидат соодветно одморени, објави RTVE.

Претседателот на островскиот совет, Кабилдо, Алпидио Армас, рече дека вонредната состојба е прогласена за да „гарантира рамка за соработка со институциите за обезбедување на основните права“ и за пристап до буџетските ресурси потребни „за справување со овие непредвидени ситуации“.

Армас рече дека практично сите мигранти на островот доаѓаат од Сенегал.

Претседателот на Канарските Острови, Фернандо Клавихо, рече дека шпанскиот премиер Педро Санчез се обврзал итно да свика Комисија за имиграција и да ги зајакне ресурсите за здравствена заштита преку Државниот секретаријат за миграција. Декларацијата, исто така, предвидува воспоставување протоколи за координиран трансфер на мигранти на други острови со поголем капацитет и зајакнување на објектите за првичен прием на мигранти на островот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: 130 години постоење на храмот ,,Свети Великомаченик Димитриј”, благодарам на честа!

Вчеравечер беше одбележана 130 годишнината од постоењето на црквата Свети Великомаченик Димитриј во Скопје. 

Ѓорѓиевски: 130 години постоење на храмот ,,Свети Великомаченик Димитриј”, благодарам на честа!

„Вечерва одбележуваме 130 години од изградбата на некогашниот Соборен храм.

Дом на верата во кој скопјани наоѓале утеха во тешките мигови, благодареле за радоста и се молеле за здравјето и мирот на своите најблиски.

Свето место што ја чува православната традиција и сведочи за духовната истрајност на нашиот народ.

Признанието кое вечерва го примив, како благодарност за помошта во реконструкцијата на придружните објекти на храмот, има посебно место во моето срце.

Ќе стои на почесно место на мојата полица, како едно од најдрагите признанија и како потсетник на обврската да го чуваме она што ни го оставиле нашите предци.

За мене, да се помогне е чест, но и одговорност пред генерациите што допрва ќе го пречекорат прагот на овој храм.

Им благодарам од срце на Архиепископот Охридски и Македонски г.г. Стефан, на отец Жарко и на свештенството на Македонската православна црква, за укажаната чест и за нивната посветеност во зачувувањето на верата, духовноста и заедништвото меѓу нашиот народ.

Нека уште многу векови овој храм биде полн со верници, со детски гласови и со искрени молитви.

Нека неговите камбани повикуваат на мир, љубов и добрина, а секој што ќе влезе во него нека пронајде утеха, надеж и сила.

Нека ни е вековит храмот „Свети великомаченик Димитриј“!

За многу години!“, објави на ФБ градоначалникот Орце Ѓорѓиевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„На кавга со Иван“ - Слаѓана Тасева

Утре, во оригиналното шоу „На кавга со Иван“ ќе гостува Слаѓана Тасева

„На кавга со Иван“ - Слаѓана Тасева

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер