Мадуро денеска ќе се појави на суд, го чека обвинение за наркотероризам - Канал 5

Свет

Мадуро денеска ќе се појави на суд, го чека обвинение за наркотероризам

Заробениот венецуелски претседател Николас Мадуро е спроведен во федералниот суд во Њујорк откако во саботата во американска акција тој и неговата сопруга Силија Флорес беа уапсени. 

Мадуро денеска ќе се појави на суд, го чека обвинение за наркотероризам

Мадуро се наоѓаше во притворскиот центар во Бруклин, од каде и двајцата пред окружен судија каде ќе се се соочат со обвиненијата за трговија со дрога и оружје. Американскиот претседател Доналд Трамп остро го критикуваше колумбискиот претседател Густаво Петро, еден од најгласните противници на американската операција во Венецуела.

-Ние сме во „бизнис“ каде имаме земји околу нас кои се остварливи и успешни када нафтата слободно извира, и тоа е добро затоа што ги спушта цените. Тоа е добро за нашата земја(САД).Имаме многу „болен“ сосед, не е баш сосед но е близу до сосед. Тоа е Венецуела, и е многу „болен“ (сосед). Колумбија е „болен“(сосед), и водена од „болен“ човек кој сака да произведува кокаин и да го продава во САД. И дозволете ми да ви кажам, дека нема да го прави тоа уште долго.

Што значи тоа дека нема да го прави долго?

Нема да го прави тоа долго. Има мелници за кокаин и фабрики за коакин. Нема да го прави тоа долго.

Дали ќе има „операција“ од страна на САД?

Ми звучи добро на мене.

Куба секогаш преживуваше поради Венецуела. Сега нема да има пари кои ќе им доаѓаат, нема да имаат приливи.-изјави – Доналд Трамп – Претседател на САД.

Трамп претходно и упати порака и на привремената венецуелска претседателка Делси Родригез, дека доколку не соработува, би можела да се соочи со полоша ситуација од заробениот Мадуро. Родригез која првичо со остар тон се обрати кон Вашингтон, сега побара дијалог со САД.

„Ја повикуваме американската влада да соработува со нас на агенда за соработка фокусирана на заеднички развој, во рамките на меѓународното право, за зајакнување на трајниот соживот во заедницата“....напиша таа.

Ширум светот и денеска се одржуваат протести пред амбасадите на САД против операцијата на Трамп но и прослави за симнувањето на Мадуро.

Мислам дека е многу срамно, замислете ако претседател на САД беше киднапиран од страна на друга земја, која би била нивната реакција?

Среќен сум како и сите Венецуелци. Излегуваме од нешто што не полудуваше и што не принудуваше да ја напуштиме земјата.

Денеска се очекува и Советот за безбедност на ОН да одржи итен состанок на кој треба да се разговара за ситуацијата.

Тагови: Николас Мадуро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп се сретна со Зеленски и Нетанјаху, се разговарало за воздушната одбрана на Украина и за Иран

Американскиот претседател Доналд Трамп одржа одделни средби со украинскиот претседател Володимир Зеленски и со израелскиот премиер Бенјамин Нетанјаху во Вашингтон.

Трамп се сретна со Зеленски и Нетанјаху, се разговарало за воздушната одбрана на Украина и за Иран

Американскиот претседател Доналд Трамп одржа одделни средби со украинскиот претседател Володимир Зеленски и со израелскиот премиер Бенјамин Нетанјаху во Вашингтон, кои Белата куќа ги оцени како позитивни и продуктивни.

Двајцата лидери престојуваа во главниот град на САД за да присуствуваат на погребот на сенаторот Линдзи Греам, кој беше силен поддржувач на Израел и застапник за американската помош за Украина.

По средбата со Трамп, Зеленски рече дека американскиот претседател го прифатил барањето на Украина за добивање лиценци за производство на системот за противвоздушна одбрана „Патриот“.

Средбата со Нетанјаху пак, Трамп ја оцени како позитивна, а израелскиот премиер за медиумите соопшти дека двајцата имаат разбирање за како што посочи, заедничката цел иран да не произведе нуклеарно оружје...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија прогласи вонредна состојба поради сериозниот недостиг на вода

Унгарскиот министер за заштита на животната средина, Ласло Гајдош, денеска изјави дека владата прогласила вонредна состојба поради сериозниот недостиг на вода предизвикан од сушата.

Унгарија прогласи вонредна состојба поради сериозниот недостиг на вода

Во објава на Фејсбук, Гајдош наведе дека индексот на суша во 66 од вкупно 84 унгарски водостопански области ги надминал праговите утврдени со прописите, поради што биле воведени вонредни мерки, пренесе МТИ.

Според него, експерти од Дирекцијата за управување со води ќе спроведат посебни мерки за заштита и управување со водните ресурси на 74 отсто од територијата на земјата, со цел да се ублажат последиците од сушата.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Заменик-министерот за јавна администрација Јаќимоски на работен состанок за реализацијата на Реформската агенда

Заменик-министерот за јавна администрација Јаќимоски на работен состанок за реализацијата на Реформската агенда и процесот на европска интеграција.

Заменик-министерот за јавна администрација Јаќимоски на работен состанок за реализацијата на Реформската агенда

Заменик-министерот за јавна администрација, Лазе Јаќимоски, денеска учествуваше на работен состанок посветен на реализацијата на Реформската агенда и процесот на европската интеграција, предводен од претседателот на Владата на Република Македонија, проф. д-р Христијан Мицкоски, и директорот на Генералниот директорат на Европската комисија за проширување и источно соседство, Герт Јан Копман.

На состанокот беа разгледани досегашниот напредок во спроведувањето на реформските активности, приоритетите во наредниот период, како и потребата од понатамошна координација меѓу институциите со цел навремено исполнување на преземените обврски од Реформската агенда.

Во фокусот на состанокот беа и реформите во областа на јавната администрација, како значаен дел од процесот на европска интеграција и усогласувањето со европските стандарди. Во оваа насока, беа разгледани активностите поврзани со исполнувањето на обврските од Реформската агенда, како и тековните процеси за унапредување на законската рамка и системските решенија во областа на јавната администрација.

Преку континуирано спроведување на реформите и конструктивна соработка со европските партнери, Министерството за јавна администрација придонесува кон изградба на институции кои функционираат според принципите на професионалност, ефикасност и отчетност. Јакнењето на јавната администрација останува еден од клучните приоритети во процесот на европска трансформација на државата.


Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер