Лустраторите го отвораат досието на Ченто - Канал 5

Македонија

Лустраторите го отвораат досието на Ченто

Лустраторите ќе го расчистуваат случајот на Методија Андонов Ченто. Тој беше разрешен и осуден на 11 годишна затворска казна во 1946 година. Претседател на тогашниот судски совет бил судијата Панта Марина, а членови политичарот Лазар Мојсов и писателот Чашуле.

Лустраторите го отвораат досието на Ченто

Со отворањето и евентуалната лустрација на сите инволвирани во судењето на првиот претседател на Президумот на АСНОМ ќе се дојде до национално помирување меѓу Македонците, соопшти денеска комисијата за верификација на фактите.

На денешната седница бил усвоен извештајот за овој предмет, а решението за тоа дали и кои од лицата ќе бидат лустрирани ќе биде донесено по проверката на личните податоци. Всушност според портпаролот на комисијата иако со судска одлука Ченто е рехабилитиран во 1990-та година, ќе треба да се лоцира одговорност за лицата што ги прекршиле човековите права

Комисијата ќе ги отвори и досиејата на сите членови на Президумот на АСНОМ за да се утврдат сите оние кои ги прекршиле човековите права и слободи од идеолошко - политички причини.

Членот на лустрациска Чедомир Дамјановски не се согласува со одлуката на мнозинството затоа што според него се работи за поранешни функционери кои се веќе починати, што е спротивно на одлуката на Уставен суд.

Методија Андонов Ченто беше разрешен и осуден на 11 годишна затворска казна во 1946 година. Претседател на тогашниот судски совет бил судијата Панта Марина, а членови политичарот Лазар Мојсов и писателот Чашуле.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Огромен пожар избувна во близина на Мостар; Паника (ВИДЕО)

Голем пожар избувна денес во областа на Мостар, а пожарот би можел да го блокира главниот пат, бидејќи пожарот сè уште не е ставен под контрола, ниту пак е утврдена неговата причина, објавија локалните медиуми.

Огромен пожар избувна во близина на Мостар; Паника (ВИДЕО)

Пожарот избувнал на Буна, спроти Намекс, во правец на реката Неретва, а Професионалната противпожарна служба на Мостар потврди дека екипи се на терен и работат на гаснење на пожарот, објави веб-страницата на Требињеданас.

Сè уште не е познато што го предизвикало пожарот или колку површина е зафатена од пожарот, но фотографиите од терен покажуваат дека пожарот се заканува да го блокира главниот пат Мостар-Сараево, додека целата област е покриена со густ чад.

Извор:Б92

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Акциска контрола во сообраќајот во Скопје, изречени 219 санкции, одземен еден мопед

На 14.06.2026 во периодот од 16:00 до 24:00 часот на подрачјето на Скопје, Одделението за безбедност на патниот сообраќај и Единицата за полициски станици од општа надлежност при СВР Скопје спроведоа зајакната акциска контрола во сообраќајот.

Акциска контрола во сообраќајот во Скопје, изречени 219 санкции, одземен еден мопед

Притоа, беа преземени вкупно 219 мерки, од кои - 66 мерки за управување мотоцикл без кацига, шест мерки за возење со несоодветна категорија, 15 мерки за возење велосипед со помошен мотор без положен возачки испит, една мерка за нерегистриран мотоцикл, две мерки затоа што не застанале на даден знак и 129 мерки по останати прекршоци - не носеле возачка или сообраќајна дозвола, не била истакната регистарска табличка, недавање првенство на возила или на пешаци и друго. При акциската контрола, констатирано е едно кривично дело безобѕирно управување со мопед, односно присуство на алкохол во крвта од 1,93 промили по член 297-а од Кривичниот законик, по што мопедот е одземен.

Тагови: Акциска контрола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Брза реакција на СВР Скопје: Пронајден и лишен од слобода сторителот кој денеска опожари две возила пред Бугарската Амбасада

Веднаш по пријавата за пожар на две службени возила сопственост на Амбасадата на Република Бугарија во Скопје денеска (15.06.2026) во 12.13 часот, СВР Скопје презеде интензивни мерки и активности за расчистување на случајот и пронаоѓање на сторителот.

Брза реакција на СВР Скопје: Пронајден и лишен од слобода сторителот кој денеска опожари две возила пред Бугарската Амбасада

Во рамки на преземените активности, во краток временски период е идентификувано и пронајдено лицето за кое постои основано сомнение дека го сторило делото. Станува збор за И.Д. (44) од Скопје, кој е лишен од слобода и задржан во полициска станица.

При преземените дејствија е пронајдена и облеката што лицето ја носело во моментот на извршување на делото. Во координација со надлежен јавен обвинител се преземаат мерки и активности за целосно расчистување на случајот, по што против лицето ќе биде поднесена соодветна кривична пријава по итна постапка.

Тагови: Бугарска амбасада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер