Лунарна Нова година: Зошто во Кина веруваат дека миење на коса и чистење дома денес носи лоша среќа? - Канал 5

Живот

Лунарна Нова година: Зошто во Кина веруваат дека миење на коса и чистење дома денес носи лоша среќа?

Според кинескиот календар, оваа 2026. е година на „Огнениот коњ“, а традицијата налага да се избегнуваат одредени работи доколку сакате среќа во текот на целата година. А, тешко вам ќе биде ако денеска се расправате…

Лунарна Нова година: Зошто во Кина веруваат дека миење на коса и чистење дома денес носи лоша среќа?

Лунарната Нова година значи „помести го старото“ и дочекај го новото, позитивното - здравје и благосостојба. Позната е и како „Пролетен фестивал“ и означува почеток на новата година според традиционалниот лунарно-соларен календар. Првиот ден започнува со млада месечина, а завршува со полна. Првите два дена се најважни и строго се следи што е дозволено, а што не, изјавува новинарката Карен Греј за британски Индепендент („Independent“).

Според кинескиот обичај, за време на 15-дневниот новогодишен период не треба да се брише прашина ниту да се чисти со метла, бидејќи така ќе ја одведете среќата и просперитетот. Иако строго правило е само првите два дена, исто така се почитува и забраната за стрижење на косата за сите 15 дена. Кинескиот збор за коса е хомоним за просперитет. Стрижењето значи ризик да „исечете“ среќа и богатство. Затоа, првиот ден од годината не се мие косата - не сакаме да го „исплакнеме“ она што годината може да ни го донесе.

Носењето црвена облека се смета за начин да се обезбеди среќа и заштита од зли духови. Црна и бела, боите на жалост, треба да се избегнуваат. Не се изнесува ѓубре и не се позајмуваат пари - со тоа би ја прекинале врската со среќата, која би можела да „истече“ во текот на годината. Првиот ден исто така не се плаче ниту се кара, зашто тоа може да предизвика конфликти во текот на целата година. Неделата пред Нова година е полна со подготовки: планирање на оброци, бришење прашина и чистење.

Годината на „Огнениот коњ“,според кинеската метафизика, носи силен замав и храбра трансформација, но и непредвидливост и „запаливост“. Комбинацијата на знакот коњ и елементот оган се смета за ретка и интензивна.

Во Кина, за време на млада и полна месечина, традиционално се јаде вегетаријанска храна - практика во будистичката култура. Многу божества во кинеската традиција потсетуваат на христијански светители - постои Бог за сè, скоро. Обичај е при вселување да се затркала ананас во новата куќа како симбол на просперитет и среќа. Некои го тркалаат во секој агол од домот - за целосен благослов, но и зашто е малку смешно.

Митови, историја и легенди се вткаени во обичаите кои се пренесуваат од генерации на генерации. На децата им се зборува да покажуваат со прст кон Месечината, зашто тоа е непочитување кон Божицата на Месечината. Намирниците никогаш не се ставаат на под - не само поради хигиена, туку и од почит кон храната. Ставање на храна на под се толкува како невнимателен однос кон благословите, што носи лоша среќа. Кујнскиот Бог секогаш гледа.

Во последно време се појавува трендот „Чајнамаксинг“ („Chinamaxxing“) - луѓе кои ја истакнуваат „кинеската фаза“ од својот живот. Младите на социјалните мрежи споделуваат видеа и содржини за традиционалната кинеска медицина, историја и обичаи. Во кинеската медицина постои масло за секоја болка - а ако и понатаму ве боли, само нанесете уште. За кинеските жени од средна возраст, храната и здравјето се едно исто. Храната има енергетски својства, а балансот на јин и јанг мора да се одржува. Сè е всушност едноставно: краставицата лади, пржената храна „гори“, оризот оди со сè - за појадок, ручек и вечера.

Тагови: Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: 73 % од работниците земаат плата под просечната – тоа не е трета економија во Европа

Трета економија во Европа не е држава во која 73 % од работниците земаат плата под просечната.

СДСМ: 73 % од работниците земаат плата под просечната – тоа не е трета економија во Европа

Трета економија не е држава во која половина од граѓаните преживуваат со плата од 24.000 до 36.000 денари.

Податоците на УЈП за распределба на просечната плата во 2025 година ја разобличуваат владината пропаганда.

УЈП ја потврди вистината што граѓаните секој ден ја чувствуваат на свој грб - дека најголемиот дел од работниците преживуваат со плати далеку под просекот.

Нема трета економија, после 2 години со Мицкоски граѓаните живеат полошо.

Поразителен е податокот дека во цела 2025 година имало само 46 исплати во висина на официјалната просечна плата за соодветниот месец - односно просечната плата речиси никој не ја добил.

Ова не е економски успех, туку доказ за урнисан животен стандард и целосен дебакл на економските политики на Мицкоски.

Вистината е дека граѓаните осиромашуваат, живеат полошо, отколку пред две години.

Платите не го пратат растот на цените на храната и горивата. Куповната моќ на граѓаните е срозена. Корпата со производи во маркет е се попразна - со исти плати, а повисоки цени, може само помалку производи да се купат.

Минималната потрошувачка кошничка за само две години е зголемена за околу 10.000 денари и во јуни достигна речиси 70.000 денари, без трошоците за кирија.

Значи половина од граѓаните не можат да си ги покријат ниту трошоците за основни потреби.

Граѓаните чекаат мерки, а Владата на Мицкоски не прави ништо. Новото поскапување на бензините ќе донесе и нови поскапи цени на веќе покачените цени на храната.

Имаме влада која во сред криза ги остави граѓаните без мерки, на преживување.

Мицкоски не сака да слушне ниту за конкретни таргетирани мерки, ниту за 600 евра минимална плата. Едноставно не сака да го заштити животниот стандард.

Наместо поддршка, нуди нова манипулација - најавува нова, „просечна“ кошничка, ама по негов терк.

Мицкоски со статистички трикови сака повторно да ги измами граѓаните, да покаже дека животот е поевтин и подобар отколку што навистина е.

Ама нема да му помине - граѓаните ја чувствуваат на свој грб сиромаштијата - со празни паричници и фрижидери.

Криминалнот и неспособноста на Мицкоски и неговата организирана криминална група ВМРО ја плаќаат граѓаните, со крпен живот.

Прес конференција на СДСМ, Симона Цветановски – членка на Извршниот одбор

YouTube video

Скопје, 18.07.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Си ја убил девојката, па сите ги згрози со изјавата: Се изнервирав, не сакаше да ми свари ориз

Маж од Невада, на кого му било преку глава од тоа што неговата невработена девојка не придонесувала доволно за нивната врска - додека постојано го обвинувала за изневерување – „есплодирал“ и ја избодел до смрт откако таа одбила да му зготви ориз.

Си ја убил девојката, па сите ги згрози со изјавата: Се изнервирав, не сакаше да ми свари ориз

Маж од Невада, на кого му било преку глава од тоа што неговата невработена девојка не придонесувала доволно за нивната врска - додека постојано го обвинувала за изневерување – „есплодирал“ и ја избодел до смрт откако таа одбила да му зготви ориз, изјави неговиот адвокат, како што објави „ Law & Crime“.

Хозе Галан-Превал, 47, од Лас Вегас, е осуден во вторникот на 14 до 35 години затвор откако се изјасни за виновен за убиство од втор степен со смртоносно оружје во нападот во јануари врз Џаимару Лејва-Кадет, според судските записи.

Јавната адвокатка на Галан-Превал, Џин Ким-Стидман, му рече на судот за време на изрекувањето на пресудата дека Лејва-Кадет била невработена и одбивала физичка работа, иако „можела да го прави тоа“, додека Галан-Превал работел, според „Лас Вегас Ривју-Џурнал“.

Ким-Стидман рече дека ова предизвикувало проблеми во нивната врска и претставувало голем ментален стрес за Галан-Превала, заедно со фактот дека Лејва-Кадет верувала дека ја изневерува. Двајцата емигрирале во Соединетите Американски Држави од Куба со надеж за подобар живот и нов почеток, рече адвокатот.

„Наместо да ги зближи, таа стануваше сè поконтролирана. Наместо да работи, иако беше способна да работи барем физичка работа, таа не сакаше. Бараше да му го види телефонот“, рече Ким-Стедман.

Полицијата беше повикана во нивниот дом во центарот на Лас Вегас на 23 јануари околу 12:56 часот, а полицајците ја пронајдоа Лејва-Кадет внатре со повеќекратни убодни рани.

„Медицинскиот персонал пристигна и ја превезе жената во блиската болница, каде што подоцна почина“, се вели во соопштението на Полициската управа во Лас Вегас.

Ким-Стедман му рече на судот во вторникот дека Галан-Превал пиел и се подготвувал за работа кога ја замолил Лејва-Кадет да му направи ориз за јадење. Таа одбила, по што тој ја избодел неколку пати со кујнски нож, според нивните цимери.

„Се наежи. Кога се освести и сфати што се случува, не удри ниту избоде никого друг, само си замина“, рече Ким-Стидман.

Галан-Превал се предаде по нападот и им кажа на полицајците дека „изгубил контрола врз своите емоции“, според извештајот за апсење добиен од локалната подружница на ABC, KTNV.

„Јас сум одговорен за она што го направив“, му рекол Галан-Превал на својот газда, кој бил на местото на настанот кога ја избодел Лејва-Кадет.

Галан-Превал тврдел во интервјуата со полицијата дека Лејва-Кадет била „многу љубоморна и го обвинила за неверство“, според извештајот од апсењето.

Како дел од спогодбата за признавање на вина, Галан-Превал прифатил казна од 10 до 25 години за убиството на Лејва-Кадет. Обвинителите побарале дополнителни 20 години за употреба на смртоносно оружје. Окружниот судија Жаклин Блут изрекол дополнителни четири до 10 години.

„Признавам дека г-дин Галан-Превал веднаш ја презеде одговорноста, дека изрази големо каење од самиот почеток и дека немал претходно криминално досие, и верувам дека едноставно се налутил. Беше тешко да се помират сите тие околности бидејќи начинот на кој таа почина беше толку ужасен“, рече Блут за време на рочиштето за изрекување на пресудата во вторник.

Галан-Превал наводно зборувал за време на изрекувањето на пресудата и побарал прошка.

„Жалам што не бев на нејзино место. Барам прошка од оваа земја што ми дозволи да дојдам тука. Длабоко жалам за тоа“, рече тој преку преведувач на шпански јазик.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски од Дебарца: Со поддршката за општините се реализираат околу 1.200 проекти низ државата

Мицкоски од Дебарца: Со поддршката за општините се реализираат околу 1.200 проекти низ државата

„Добар ден и од мене.

Јас немам што да додадам повеќе од тоа што го кажаа и градоначалникот и потпретседателот на Влада и министер за транспорт. Добро е кога се работи, добро е кога се пуштаат проекти, добро е кога се отпочнуваат проекти, ние рековме дека со онаа политика со поддршка на општините и реалокација на средства од централниот буџет кон општините во моментот се завршени, во фаза на изработка се завршени или се отпочнуваат околу 1.200 проекти, нешто до сега што се нема случено. Кога на тоа ќе се додадат и сите останати капитални инвестиции доаѓаме на навистина импресивен начин на водење и реализација на капиталните инвестиции.

Јас можам само да ја искористам оваа прилика да му честитам на градоначалникот за работата којашто ја врши овде во Општина Дебарца, да се заблагодарам на советниците во општината коишто ја поддржуваат работата на градоначалникот, на администрацијата се разбира без која невозможно е да се случи, на пратениците коишто доаѓаат од овој регион коишто се борат за проект повеќе, да се заблагодарам на колегите од Владата, на потпретседателот на Влада и министер на транспорт за посветената работа во делот на инфраструктурата и очекувам дека сите овие проекти кога ќе ја добијат својата финална контура, добијат оној облик којшто очекуваме да биде тогаш драматично ќе се подобри квалитетот на животот и додадената вредност во рамките на животот на сите граѓани.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер