Луксуз од пустината: Новиот часовник „Ressence“ е направен од песок - Канал 5

Живот

Луксуз од пустината: Новиот часовник „Ressence“ е направен од песок

Белгискиот бренд за часовници „Ressence“ претстави нов модел кој изгледа футуристички, но сепак има нешто античко во себе.

Луксуз од пустината: Новиот часовник „Ressence“ е направен од песок

Нивните часовници се познати по тоа што изгледаат како да доаѓаат од иднината - без класичните стрелки и круна, со орбитални бројчаници што се лизгаат под куполен сафирен кристал, што потсетува на минималистички вселенски брод. Но, најновиот модел, направен во ограничена серија, носи мотив што е поврзан со античките времиња.

Моделот „Type 9 S75“ е резултат на соработка со продавачот на часовници „Ahmed Seddiqi & Sons“ од Обединетите Арапски Емирати, по повод нивната 75-годишнина. Тој не е инспириран само од пустината - тој е буквално направен од неа.

Бројчаниците се обложени со вистински песок

Секој бројчаник содржи вистински песок - Беноа Минтиен, основач на „Ressence“, и Мохамед Абдулмагид Седики од „Ahmed Seddiqi & Sons“ ги собраа зрната од сите седум емирати, како што објавува „Highsnobiety“. Тој песок е поврзан со титаниумските дискови на часовникот, а зрната светкаат со секое движење.

Звучи речиси поетски - како да носите песочен часовник на зглобот.

YouTube video

Ова е четвртиот часовник создаден во соработка помеѓу „Ressence“ и „Seddiqi“. Поранешните модели вклучуваа арапски мотиви, мозаици што светат во темнина и гравури инспирирани од традиционалните исламски шари. „Type 9 S75“ е произведен во само 20 примероци, а неговата цена е 20.300 евра.

Без сомнение, тоа е еден од најпосебните часовници на годината - едноставен, но сосема различен. Часовник што не е само моден детаљ, туку приказна за времето.

Извор: Б92

Тагови: песок часовник

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Интерпелација за работата на министерот за внатрешни работи Панче Тошковски

Денеска на собраниска седница е  интерпелацијата за работата на министерот за внатрешни работи Панче Тошковски поднесена од пратениците од опозицијата.

Интерпелација за работата на министерот за внатрешни работи Панче Тошковски

Го обвинуваат министерот Тошковски за креирање на „приватна партиска полиција заради владино прикривање и таргетиран политички реваншизам кон опозицијата“; командна одговорност за полициските пропусти кои доведоа до трагедијата во Кочани; непостапување на македонската полиција во случаи на семејно, врсничко и родово базирано насилство и говор на омраза. Меѓу другото, забележуваат и за, како што наведуваат, непрофесионални „двојни стандарди“ при постапувањето на полицијата со различно однесување за исти или слични случаи проследено со злоупотреба на овластувањата при употреба на сила. Ова е трета интерпелација за министерот Тошковски.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска официјално ќе биде промовирана „Везилка“ – првиот центар за вештачка интелигенција во земјава

Денеска  официјално ќе биде промовирана „Везилка“ – првиот центар за вештачка интелигенција во земјава. 

Денеска официјално ќе биде промовирана „Везилка“ – првиот центар за вештачка интелигенција во земјава

Проектот е воспоставен во рамки на европската заедница за пресметување со високи перформанси, кофинансиран од Европската унија и координиран од факултетот за компјутерски науки и инженерство при УКИМ во соработка со министерството за дигитална трансформација.

Проектот е од важност за зајакнување на дигиталниот суверенитет, забрзување на дигиталната трансформација, поттикнување на иновациите во јавната администрација, подобрување на одлучувањето засновано на податоци и создавање можности за истражување, претприемништво и технолошки развој. Има за цел и да ја зајакне соработката меѓу институциите, универзитетите, истражувачките центри, организациите на граѓанското општество и деловната заедница.

Тагови: Везилка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев ќе оствари билатерална средба со министерката за јавна администрација и локална самоуправа на Србија

Министерот за јавна администрација на Република Македонија, Горан Минчев, ќе оствари билатерална средба со министерката за јавна администрација и локална самоуправа на Република Србија.

Минчев ќе оствари билатерална средба со министерката за јавна администрација и локална самоуправа на Србија

Средбата се организира со цел размена на искуства и унапредување на соработката во областа на јавната администрација.

По завршувањето на билатералната средба, двајцата министри ќе дадат изјави за медиумите.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер