Македонија

Лукаревска: СДСМ поднесе предлог-закон за намалување на ДДВ-то за горивата од 18 на 5%

СДСМ по итна постапка поднесе предлог-закон за намалување на ДДВ-то за горивата од 18 на 5%, со цел заштита на животниот стандард на граѓаните и ублажување на инфлаторните притисоци.

„Поднесуваме предлог на закон за дополнување на Законот за додадена вредност по скратена постапка. Бидејќи не е предвидена можност за повластена даночна стапка од 5% на бензинот и на дизелот во горивата, сакаме да предложиме намалување на ДДВ-то од 18 на 5% за сите видови моторни бензини и сите видови дизелски горива, со тоа што со самото намалување им се помага на граѓаните во зачувување на нивниот стандард“, рече Лукаревска.

Таа посочи дека намалувањето на ДДВ-то ќе има директен ефект врз потрошувачката кошничка и вкупното ниво на цените.

„Знаејќи дека со намалување на данокот на додадена вредност на горивата се намалува и ефектот врз потрошувачката кошничка, како и дека покачувањето на цената на горивата влијае врз потрошувачката, односно врз целокупното ниво на цените и на останатите производи“, рече таа.

Лукаревска укажа на предупредувањата од ЕУ дека економската криза ќе трае подолг период и дека се потребни навремени мерки, подготовки и стратегија.

„Спиралата на раст на цените е сè поевидентни и сè е врзано едно со друго. И горивата и прехранбените производи, потоа следува транспортот, ликвидноста на компаниите и така натаму“, рече Лукаревска.

Таа додаде дека статистичките податоци го потврдуваат растот на трошоците за живот и потребата од итна интервенција.

„Последните податоци од Државниот завод за статистика ја потврдуваат потребата од ваков закон. Во март 2026, во однос на март, лани, трошоците за живот се повисоки за 4,9%, а цените на мало за 3,4%. Но уште поважно е тоа што најголемиот притисок е токму таму каде што граѓаните не можат да кратат или да штедат од семејниот буџет – храна и безалкохолни пијалаци (7,5%), покуќнина и одржување на домаќинствата (5,9%), рекреација, спорт и култура (6,1%). Кај индексите на цените на мало, земјоделските производи растат за 6,4%, а прехранбените производи за 6,8%. И овие бројки зборуваат дека не станува збор за поскапување на луксузот, туку за поскапување на нормалниот живот, предупреди Лукаревска.

Таа нагласи дека ова е дебата за граѓанинот што на каса пресметува дали денес да купи овошје, месо или само леб и млеко.

„Во овие структурни економски услови, разликата меѓу половична мерка и вистинска интервенција во делот на ДДВ на горивата има навистина длабока човечка димензија. Поскапувањето на горивата го надминува и растот на трошоците за транспорт и патување. Со него поскапува храната што стигнува до маркет, превозот до работа и секојдневието. Страдаат луѓето, се поткопува нивната куповна моќ, а за иста количина пари може да се купи сè помала количина на основни производи и услуги. Веќе признавте дека проблемот постои со тоа што го намаливте ДДВ-то на бензините и нафтата од 18 на 10% за да се спречи енормен скок на цените. Со тоа суштински се призна една важна работа – дека данокот врз горивата во вакви услови не е неутрална фискална ставка, туку директен товар врз стандардот. А овој закон нуди многу посилен одговор на ценовниот удар на кој се изложени граѓаните, рече Лукаревска, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Терористички напад пред израелската амбасада во Белград

Терористички напад се случи пред израелската амбасада во Белград.Малолетник, за кој се сомнева дека е од Шабац, ја нападнал полицијата со два ножа пренесува Радио Телевизија Србија .

Според српските власти, напаѓачот извикувал „Алаху акбар“.Припадникот на полицијата го усмртил напаѓачот во самоодбрана.

Полицаецот бил полесно повреден во инцидентот.министерот за внатрешни работи на Србија Ивица Дачиќ соопшти дека безбедносните служби го следеле осомничениот.

Според првичните информации, тој бил поврзуван со Исламската држава.По нападот, Србија го подигна нивото на терористичка закана на црвено ниво.Засилено е полициското присуство на клучни локации и инфраструктурни објекти.Дополнителни безбедносни контроли се спроведуваат и на места со поголема концентрација на граѓани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Променливо облачно со сончеви периоди

Времето денес ќе биде променливо облачно со сончеви периоди. Ќе дува умерен до засилен ветер од северозападен правец, кој наместа долж поширокото Повардарие повремено ќе биде силен (над 60 km/h).

Минималната температура ќе биде во интервал од 0 до 10, а максималната ќе достигне од 11 до 18 степени.

Во Скопје, променливо облачно со сончеви периоди. Ќе дува слаб до умерен, а во делови од котлината повремено засилен ветер од северен правец. Минималната температура ќе се спушти до 10, а максималната ќе достигне до 14 степени.

ВРЕМЕТО ВО НАРЕДНИТЕ ДЕНОВИ

Следува период на променливо облачно време. По одделни котлини ќе има услови за појава на утринска магла. Во петок и во деновите од викендот ќе има повремени локални врнежи од дожд. Ќе дува слаб до умерен ветер од северен правец.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 28. октомври 2026 година

Дневен хороскоп за среда, 28. октомври 2026 година.

Шкорпија 24.10-22.11.

Љубов

Одеднаш ќе се појават низа шанси за контакти или комуникации . Ќе бидете малку изненадени , но одговарајте на повиците.

Кариера

Дел од луѓето од вашата околина се подготвени да ви дадат поддршка , но другите се уште очекуваат вие да се изборите за тоа.

Здравје и совет

Надевајте се на подобро.

Стрелец 23.11.-21.12.

Љубов

Ќе се обидувате да го наговорите вашиот партнер дека е најдобро вашата врска да ја озаконите или во друга ситуација , да се поврзете со заеднички живот во нов дом.

Кариера

На дневен ред доаѓаат нови планови кои допрва треба да се осмислат. Еден од критериумите секако се парите.

Здравје и совет

Движете се повеќе , јадете помалку.

Јарец 22.12.-20.1.

Љубов

Иако ќе исчезне напнатоста меѓу вас и другата страна, денеска ќе се однесувате доста нестабилно.

Кариера

Се наоѓате во минлива фаза на зголемена чувствителност , па и оние редовни напори на кои сте навикнати ќе предизвикаат понекоја воздишка.

Здравје и совет

Потребен ви е одмор.

Водолија 21.1.-19.2.

Љубов

Мало недоразбирање во комуникациите нема значајно да ги анрушат вашите лични односи. Она што можеби е нејасно , набргу ќе се разјасни.

Кариера

Многу ќе ви значи диоколку ве забележуваат и тоа отворено ви го кажуваат. Денеска ќе биде токму така.

Здравје и совет

Можна е главоболка.

Риби 20.2.- 20.3.

Љубов

Со мали чекори може да се помине исто долг пат како со мали. Затоа својот однос градете го полека и трпеливо.

Кариера

Нема да бидете сигурни како да извршите една работа , но немате кого да прашате. Покрај тоа, ќе има и многу задачи. Ќе морате самни да се снајдете.

Здравје и совет

Внимавате на вашата исхрана и затоа веќе сте подобро.

Овен 21.3-20.4.

Љубов

Некои ќе насоберат доволно тага во душата и ќе посакаат да избегаат од се , но од својата кожа нема бегање.

Кариера

Вработените во услужните дејности денеска една фаза од својата работа ќе ја доведат до крај. кај другите сето друго ќе биде вообичаено.

Здравје и совет

Прошетајте се на свеж воздух.

Бик 21.4- 20.5.

Љубов

Веројатно вашата навика да бидете привлечнио и шанси за излегувања ќе се намалат , а саканата личност денеска ќе биде чувствителна.

Кариера

Никој нема да везаштити од критиките на другите .Единствено може да извлечете со чесна работа.

Здравје и совет

Размислете за својата дисциплина.

Близнаци 21.5.-21.6.

Љубов

Вашата најдрага личност денеска би можела да ве изненади со еден предлог , кој е на граница на добриот вкус.

Кариера

Ќе мора малку да се позанимавате со вашите тајни непријатели , кои се активираат на незгоден начин.

Здравје и совет

Победувате со издржливост.

Рак 22.6-22.7.

Љубов

Во текот на денот може да очекувате се побогат љубовен живот со задоволства и со низа убави шанси.

Кариера

Љубезност и внимателност денеска ќе покажете како никој друг на работното место. Колегите ќе знаат тоа да го ценат.

Здравје и совет

Мали дигестивни проблеми.

Лав 23.7-22.8.

Љубов

Можеби саканата личност ќе ве изненади со еден предлог , кој на вас ќе делува како мал пок.

Кариера

Ќе дојде до деловна кореспонденција што ќе ве измори. Се бара многу специфичен начин на изразување.

Здравје и совет

Прво размислете , па потоа зборувајте.

Девица 23.8.-23.9.

Љубов

Влегувате во подобар љубовен период. Тоа ќе го забележите според подобрениот однос со партнерот или општо со лицата од спротивниот пол.

Кариера

Во работата во која соработувате со други ќе се појави ненадејна вест или шанса поврзана со смислата за убаво.

Здравје и совет

Чувајте си го грлото.

Вага 24.9.-23.10

Љубов

Ќе заклучите дека е подобро да бидете отворени кон другата страна и да ги поднесувате кризните состојби кои понекогаш ги покажува.

Кариера

Се развиваат декловни можности со луѓе , со партнери. Можеби не ви е според желбите , но треба да покажете кооперативност.

Здравје и совет

Толерирајте ги недостатоците на другите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.