Луис Хамилтон го урна рекордот на Бекам

Шесткратниот светски шампион во Формула 1, Луис Хамилтон е најбогатиот активен британски спортист во историјата на објавување на списокот на најбогати во изборот на „Сандеј Тајмс“.

Богатството на Хамилтон сега се проценува на 224 милиони фунти, што е за 37 милиони фунти повеќе од минатата година. Британскиот возач на Формула 1, кој живее во Монако, има договор со тимот на Мерцедес во вредност од 40 милиони фунти годишно, вклучително и бонуси, и голем број други профитабилни договори за спонзорство.

Хамилтон на тој начин го прегази поранешниот англиски интернационалец и член на Манчестер Јунајтед, Дејвид Бекам, кој во моментот кога се повлече од активното спортување во 2013 година, вредеше 200 милиони фунти и тогаш беше најбогатиот активен спортист во Велика Британија.

Продолжувањето на договорот со Мерцедес би можело да му донесе на Хамилтон уште 60 милиони фунти годишно.

Двајца се осудени на смрт поради пожарот во Пакистан,кога загинаа 280 луѓе

Најсмртоносниот индустриски пожар во историјата на Пакистан, во кој загинаа повеќе од 280 работници во текстилна фабрика во септември 2012 година, не бил несреќен случај.

Ова денеска го соопшти пакистанскиот суд, осудувајќи на смрт двајца поранешни политички активисти за подметнување на пожарот.

Судот за борба против тероризмот утврдил дека двајцата мажи го запалиле, бидејќи сопствениците не се согласиле да бидат уценувани и да им плаќаат рекет на уценувачите.

Пожарот во фабриката за текстил Али Ентерпрајз, во четирикатна зграда во Карачи, предизвика огромен скандал во пакистанската јавност, бидејќи се појавија сведоштва од преживеаните за заклучените врати на фабриката и несоодветни мерки за гаснење на пожарот.

Меѓу осумте обвинети во случајот, четворица биле прогласени за виновни, додека четворица се ослободени, меѓу кои и тогашниот регионален министер за индустрија, Рауф Садики.

Тој е член на Движењето Мутахид Кауми (MQM), партија која со години е поврзана со насилно политичко ривалство во Карачи, и сега е партнер во коалициската влада на премиерот Имран Кан.

Двајцата одговорни за подметнување на пожарот и осудени на смрт - Реман Бола и Зубаир Чарија - биле активисти на MQM.

За време на осумгодишното судење, биле испитани 400 сведоци и се одржани 171 рочиште.

MQM, во меѓувреме, се подели на неколку фракции, а денешното раководство негира каква било поврзаност со пожарот во 2012 година.

Бектеши: Ќе има субвенции за вработувања на етничка основа

Има ли различни толкувања во владата на точката која се однесува за субвенционирање на вработувања.

Новинарите да го научат албанскиот јазик, порача денеска министерот за економија Крешник Бектеши. Прашан зошто ја започна денешната прес-конференција на албански, наместо како што е предвидено на македонски, Бектеши објасни дека албанскиот јазик е службен во нашата држава, а новинарите ги посоветува дека за нивно добро е да го познаваат албанскиот јазик.

Бектеши и денеска уверуваше дека субвенционирањето вработувања во приватниот сектор по етнички клуч е предвидено во владината програма, а сите политичари и аналитичари што се против ги подучи да ја прочитаат... Но, во делот од програмата на кој упатува се говори само за „повикување, охрабтување и соработка“, но нема збор за трошење на државни пари за постигнување на целта.

Веднаш по промовирањето на идејата, со ставови дека владата ќе ги субвенционира сите врбаотувања, без разлика на етничката припадност, излегоа премиерто Заев и вицепреирто Битики.. Но, и покрај тоа што нема јасен консензус околу тоа што предвидува владината програма, Бектеши вели дека тие веќе подготвуваат мерки кои би стапиле на сила веќе следната година. И додека се уште е актуелна темата за оправданоста за субвенционирање на етнички вработувања, лидерот на Беса, Биљал Касами во синоќешно интервју излезе со нова идеја - за двојазичност во приватните фирми, бидејќи, како што рече, дел од младите Албанци не зборувале добро македонски јазик..

Средба Димитров – Рот: Македонија останува приоритет за германското претстедателство

Интеграцијата на Македонија во Европската Унија останува приоритет на германското претседателство, уверува германскиот министер за Европа, Мајкл Рот кој се сретна со вицепремиер Никола Димитров во Брисел. 

Германија не се откажува од европската перспектива на Македонија и покрај најавите за можни блокади од официјална Софија. Ваквиот став бил пренесен на денешната средба помеѓу германскиот министер за европа Михаил Рот и вицепремиерот за евроинтеграции Никола Димитров. Во соопштението испратено по средбата, меѓудругото стои дека Германија очекува до крајот на нејзиното претседателствување со Унијата да се одржи и првата меѓувладина седница, која се смета за официјален старт на преговорите за членство.

,,На средбата штo се одржа непосредно пред одржувањето на Советот за општи работи на ЕУ, со кого претседава министерот Рот, се разговараше за одржувањето на првата меѓу владина конференција со ЕУ за време на германското претседателство. Соговорниците се согласија дека оваа заедничка цел ќе претставува и заеднички успех на Македонија, ЕУ и Германија, како актуелен претседавач со Унијата,велат од СЕП

На маргините на советот за општи работи, Димитров се сретна и со еврокомесарот за проширување Оливер Вархеји. На средбата како што информираат од СЕП исто така, посебен фокус бил ставен на усвојувањето на преговарачката рамка за земјава и првата меѓувладина седница, а Димитров најави и дека во следниот период за Македонија ќе пристигнат 120 милиони евра помош од Унијата.

Поддршка за евроинтегративните процеси и брз почеток на преговори денеска упати и францускиот амбасадор во земјава Тимоние, на прошталната средба со министерот за правда Бојан Маричиќ.

притисни ентер