Луѓето се поверни од шимпанзата, но не се најмоногамни битија, еве кој ги надминува - Канал 5

Живот

Луѓето се поверни од шимпанзата, но не се најмоногамни битија, еве кој ги надминува

Кога станува збор за романтичните врски, според една нова студија која ги истражувала моногамните начини на живот на различни животински видови, луѓето се изненадувачки слични со меркатите. 

Луѓето се поверни од шимпанзата, но не се најмоногамни битија, еве кој ги надминува

Во романтичниот живот, се чини, дека повеќе наликуваме на овие дружељубиви мунгоси отколку на нашите најблиски роднини, примати, сугерира рангирањето на најмоногамните видови кои го направиле група научници.

Луѓето не се најверни

Со стапка на моногамија од 66%, луѓето се рангирани изненадувачки високо, далеку над шимпанзата и горилата - и речиси на ниво на меркатите. Сепак, ние не сме најверните цицачи. Првото место му припаѓа на калифорнискиот глушец, глодар кој создава нераскинливи, доживотни врски.

„Постои еден вид „елитна лига“ на моногамија, во која луѓето заземаат многу сигурно место, додека огромното мнозинство други цицачи имаат многу попромискуитетен пристап кон парењето“, изјавил д-р Марк Дајбл од Универзитетот во Кембриџ.

Во животинскиот свет, таканаречената социјална моногамија, каде што партнерите се поврзуваат барем за време на сезоната на парење за да се грижат за младенчињата и да ги одвратат соперниците, има свои предности. Ова може да биде причината зошто таа еволуирала независно кај многу видови, вклучувајќи нè и нас.

Д-р Дајбл проучувал неколку популации на луѓе низ историјата, пресметувајќи ги уделите на комплетни роднини - каде што поединците (браќа и сестри) делат иста мајка и татко - во споредба со полуроднините (полубраќа и сестри), кои делат само еден родител. Тој собрал слични податоци за повеќе од 30 други цицачи.

Кај луѓето, дури 66% од браќата и сестрите делеле исти родители, што ги става веднаш пред меркатите (60%), но зад дабарите (73%). Нашите еволутивни роднини се на дното на скалата - планинските горили со резултат од 6%, додека шимпанзата, како делфините, имаат само 4%. На самиот крај е шкотската овца Соеј, каде што женките се парат со неколку мажјаци, поради што резултатот е само 0,6% комплетни роднини. Апсолутен победник е калифорнискиот шумски глодар со 100%.

Сив волк

46,2

Сепак, човечката заедница е уникатна

Сепак, рангирањето на човекот заедно со меркатите и дабарите не значи дека нашите заедници се исти – човечката заедница е неспоредливо посложена.

„Иако стапките на браќа и сестри што ги гледаме кај луѓето се најслични со тие како на меркатите или дабарите, општествениот систем што го гледаме кај луѓето е различен“, вели др Дајбл за BBC News.

„Повеќето од овие видови живеат во социјални групи слични на колонии или во изолирани парови кои постојано се движат заедно. Луѓето се многу поразлични во овој поглед - живееме во она што го нарекуваме групи со повеќе мажи и повеќе жени, во кои постојат моногамни, односно единици поврзани во парови.“

Дел од еволутивната сложувалка

Д-р Кит Опи од Универзитетот во Бристол, кој не беше вклучен во студијата, рече дека ова е уште еден дел од сложувалката за тоа како се појавила човечката моногамија.

„Мислам дека ова истражување ни покажува многу јасно како луѓето, гледани низ различни периоди и различни делови од светот, се претежно моногамни“, рече тој.

„Во однос на неговата структура, нашето општество е многу поблиску до шимпанзата и бонобото - само кога станува збор за парењето, ние сме тргнале по различен пат.“

Новата студија е објавена во списанието Proceedings of the Royal Society: Biological Sciences.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Катастрофа во Непал: Стотици загинати и исчезнати, меѓу кои околу 300 странски туристи (ВИДЕО)

Најмалку 384 лица, вклучувајќи 291 странци, се водат како исчезнати по ненадејните поплави што ја погодија границата Непал-Тибет, соопшти туристичкиот одбор на земјата.

Катастрофа во Непал: Стотици загинати и исчезнати, меѓу кои околу 300 странски туристи (ВИДЕО)

Најмалку 95 лица загинаа, објави Би-Би-Си, додавајќи дека меѓу 384 исчезнати се 105 Индијци и 12 Британци, како и 111 лица чии националности сè уште не се потврдени.

Ненадејните поплави во Непал сериозно оштетија села и патишта, покривајќи сè со дебел слој камења и кал. Властите повикаа спасувачи од Кина и Индија. Министерот за надворешни работи на Непал рече дека прелиминарните извештаи укажуваат дека ненадејните поплави можеби се предизвикани од земјотрес што предизвикал лавина.

Најмалку 95 мртви

Бројот на жртви од ненадејните поплави што го погодија хималајскиот пограничен регион помеѓу Непал и кинескиот Тибет се искачи на 95, соопшти полицијата, според Ројтерс.

Најмалку 55 тела се пронајдени во Непал откако лавина предизвика катастрофални ненадејни поплави, а стотици луѓе се водат како исчезнати. Информацијата ја објавија локалните медиуми, а Ројтерс објави дека сè уште не можел независно да ги потврди извештаите. Нови детали ќе бидат објавени штом ќе бидат достапни.

Дванаесет Британци исчезнати на екскурзија

Дванаесет британски државјани, кои се дел од поголема група од околу 400 исчезнати туристи, исчезнаа за време на екскурзија на границата меѓу Непал и Тибет. Информацијата ја потврди агенцијата за планинарење што го организираше патувањето.

Рам Кумар Адикари, раководител на агенцијата „Алпин Еко Трек“, даде изјава за Прес Асоцијацијата (ПА). „Во моментов немаме многу информации, но можам да потврдам дека 12 британски државјани требало да пристигнат на нивната дестинација утрово“, рече тој.

Записите за патување, што ги виде ПА, покажуваат дека возраста на исчезнатите Британци се движи од 13 до 65 години.

Адикари додаде дека на истото патување имало и двајца државјани на Ирска и четворица од Република Јужна Африка. Нивниот статус е исто така наведен како исчезнат.

Експертот предупредува на втор бран поплави, предизвикан од лизгање на глечерот

Непал е погоден од ненадејни поплави, а првите податоци од климатските организации сугерираат дека главната причина е лизгање на глечер.

Германскиот истражувачки центар за геолошки науки (GFZ) објави дека е регистриран земјотрес со магнитуда од 4,4 степени. Се случил околу седум минути пред надзорните камери во Ѓиронг да го снимат поројот, а снимките од 12:40 часот покажуваат како калта и водата уништуваат згради.

Ќианггонг Жанг од Меѓународниот центар за интегриран планински развој (ICIMOD) со седиште во Катманду се согласува со оваа проценка. Тој верува дека катастрофата е предизвикана од лавина од мраз и карпи во реката Лхенде Хола на непалската страна.

Жанг, исто така, предупредува на понатамошна опасност. „Сè уште има блокада низводно на граничната река помеѓу Непал и Кина, па затоа властите предупредуваат дека може да следи втор бран поплави“, рече тој.

Пилот за поплавата во Непал: Брановите беа високи до шест метри

Пилотот на хеликоптерот процени дека брановите во денешната смртоносна поплава на кинеско-непалската граница биле високи помеѓу пет и шест метри. Аман Будатоки бил во воздух во времето на катастрофата и разговарал со CNN за сцените што ги видел.

Пилотот рекол дека неговиот тим забележал облак од прашина над реката пет минути пред слетувањето, но на почетокот не разбрале што е тоа. „На почетокот изгледаше како лизгање на земјиштето. Дури мислевме дека војската користи експлозиви за изградба на патишта“, рекол Будатоки.

Сепак, набрзо станало јасно дека се сведоци на нешто многу полошо. Пилотот видел темен порој во кој, како што опишал, остатоци и отпад бурно се мешале со водата.

„Видовме бранови високи од пет до шест метри. Почнавме да кружиме над селото и гледавме како водата носи големи дрвја и неколку возила“, рекол тој. „Беше страшно. Ја следевме поплавата некое време за да ја процениме штетата.“

„Никогаш порано не сум видел моќта на природата прикажана на овој начин“, заклучил пилотот.

Тагови: Непал туристи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Поради смртта на Доли Партон, знамињата во САД една недела на половина копје

Американскиот претседател Доналд Трамп нареди во чест на американската кантри пејачка и актерка Доли Партон, која почина вчера, знамињата во САД да се спуштат на половина копје во текот една недела.

Трамп: Поради смртта на Доли Партон, знамињата во САД една недела на половина копје

Ова е вистинска загуба за милиони луѓе. Никогаш немало никој како неа, ниту некогаш ќе има. Почивај во мир, Доли. Светот те сака, напиша Трамп на социјалните мрежи. Легендарната американска пејачка, текстописец и икона на кантри музиката почина на 80-годишна возраст, а дел од медиумите објавија дека таа се борела со канцер. Партон освои 11 греми награди, меѓу кои и за животно дело. Со 160 милиони продедени албуми се сметаше за една од најуспепните кантри пејачки на сите времиња.

Тагови: Доли Партон Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Неколку стотици исчезнати во ненадејни поплави и лизгање на земјиштето во Непал, на границата со Тибет

Стотици луѓе се водат за исчезнати, од кои околу 300 странски државјани и туристи, во ненадејните поплави кои го зафатија регионот на границата меѓу непал и тибет.

Неколку стотици исчезнати во ненадејни поплави и лизгање на земјиштето во Непал, на границата со Тибет

Непалските власти проценуваат дека загинале неколку десетици луѓе, а дека трагаат по речиси 400, повеќето странци. Министерот за надворешни работи на непал соопшти дека причина за поплавите бил земјотрес, кој предизвикал големи свлечишта и масивни лизагања на земјиштето. Би-Би-Си објави дека најголем дел од исчезнатите биле индиски државјани, но и 12-мина британски.

Тагови: Непал тибет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер