Фудбал

ЛШ: Гигантски пресметки во Париз и Минхен

Последните осум кандидати за титулата клупски фудбалски шампион на Европа вечерва ја почнуваат завршната пресметка во Лигата на шампионите.

Фудбалска европа вечерва очекува два спектакла, најсериозниот кандидат за трофејот Барселона му гостува на амбициозниот ПСЖ, додека во Минхен, Баерн ќе го пречека Јувентус во уште една фудбалска класика.

Лидерите во Германија и Италија, Барен Минхен и Јувентус во своите витрини имаат шест трофеи од најсилното европско фудбалско натпреварување, но германскиот гигант кој минатата година во финалето на пенали загуби од Челзи, последниот трофеј го освои во далечната 2001 година, старата дама од Торино пак беше најдобриот тим на Стариот континент во далечната 1996 година. Сезонава двете екипи кој доминираат во домашните првенства имаат амбиции за пласман во самата завршница.
Пред гостувањето на Алианц арената каде ќе игра само со еден шпиц во нападот Црногорецот Мирко Вучиниќ тренерот на Јувентус Антонио Конте.

„Во Серија –А сме во прв план, но сега својата сила мора да ја покажеме и во Европа. Без страв патуваме во Минхен,а верувајте и имаме доволно самодоверба. Баерн е силен ривал, но јас верувам во остварување на војот сон“, изјави Конте.

Супер интересно вечерва ќе биде и на Паркот на принцовите во Париз. Според многумина најдобриот во историјата на фудбалот Барселона гостува кај најбогатиот тим во светото ПСЖ.
Посебна тежина на овој дуел му дава и предводникот на ПСЖ Златан Ибрахимовиќ кој вечерва ќе се обиде да му се освети на својот поранешен клуб.
Бекот на Барселона дени Алвеш пред судирот со ПСЖ вели:
-Навистина не можам да го прогнозирам резултатот. Секој ривал во оваа фаза од Лигата на шампионите е исклучително тежок противник. ПСЖ вложи многу пари во тимот, и никако не смее да се потцени.

Четвртфиналната разврска во Лигата на шампионите стартува вечерва во редовниот термин од 20 часот и 45 минути. Со мега пресметките во Париз и Минхен.

Македонија

Од понеделник учениците на еднонеделен пролетен распуст

За учениците од основните и средните училишта денеска е последен учебен ден по што ќе следува пролетниот распуст кој за прв пат се воведува годинава.

Од понеделник започнува пролетниот распуст за учениците од основните и средните училишта, кој ќе трае до 6 мај. Ден потоа на 7 мај учениците во чии училишта ќе се гласа се враќаат на настава, но со скратени часови и работно време до 11 часот. На 8 мај на денот на изборите училиштата нема да работат.

За прв пат годинава има промена и во календарот за настава, со што учебната година за основците, наместо на 10 ќе заврши на 17 јуни. Причина за ова е да се исполни годишниот фонт од 180 часови. Средношколците пак на летен распуст ќе одат на 10ти јуни…

Директорите на училиштата ја подржуваат ваквата одлука. Велат дека навремено биле известени за промената и се подготвени за реализација на распустот.

-Генерално сметавме дека е добар потег, бидејќи ова второ полугодие имаме малку денови неработни, па пролетниов заедно со Велигден и со мај ни дојде како споено, така да позитивни се до некаде реакциите.-Фоника Станоева - директор на ООУ Љубен Лапе – Аеродром.

За разлика од раководствата на училиштата, граѓаните со скепса гледаат на промената.

-Доволно е зимски распуст и летен распуст, а пролетен распуст мислам дека нема потреба. Се нарушува наставата и така не се добро опремени со книги со такви работи немаат за учење и сега плус и со наставата.

-Не е добра идеја. Сега можеби е добра затоа што има празници инаку пролетен распуст воопшто не го одобрувам. Кога децата ќе навлезат во учењето ние им даваме одмори, само што се навлезени во учење тогаш се оценките, тогаш се писмени работи.

Дополнително од МОН ги задолжија директорите на училиштата да организираат обработка на наставата од двата изборни дена и неработниот ден од Советот на министри на ОБСЕ, преку подолг престој на учениците во училиштата во денови од работната недела, а во рамки на шестчасовното работно време на наставниците.

Свет

САД соопштија дека уништиле беспилотни летала на Хутите

Војската на САД денеска соопшти дека коалициските сили „ангажирале и уништиле“ два беспилотни летала во деловите на Јемен контролирани од Хутите, откако бунтовниците поддржани од Иран лансирале балистичка ракета во Аденскиот Залив.

Противбродскиот проектил лансиран вчера не предизвикал повреди или оштетувања, се вели во соопштението на американската Централна команда (CENTCOM).

Неколку часа подоцна, американската војска „успешно ангажираше и уништи еден брод без екипаж и едно беспилотно летало во областите во Јемен контролирани од Хутите, соопшти командата.

Бунтовниците од ноември извршија десетици ракетни и беспилотни напади насочени кон бродовите, велејќи дека тие дејствуваат во знак на солидарност со Палестинците за време на војната меѓу Израел и Хамас во Газа. /МИА

Свет

Блинкен: Студентските протести во САД се дел од демократијата

Американскиот државен секретар Ентони Блинкен денеска изјави дека студентските протести во САД поради ситуацијата на Блискиот Исток се дел од „демократијата“.

„Белег на нашата демократија е тоа што нашите граѓани во секое време го изразуваат своето мислење, загриженост, гнев“, изјави Блинкен за новинарите за време на посетата на Кина.

Студентските протести во САД почнаа на Универзитетот Колумбија во Њујорк.

Некои од престижните универзитети, како Харвард, Јеил и Принстон, се приклучија на студентското движење и демонстрации. /МИА