По двете реми средби на вечерашните четврфиналчиња во Барселона и Манчестер, вечерва фудбалска Европа очекува два нови спектакли во ЛШ, Реал Мадрид домаќин на големиот должник од минатата сезона Борусија Д, а во Париз гостува силниот Челзи .

Кралевите од Мадрид желни за освета вечерва на Сантијаго Бернабеу ќе го дочекаат европскиот вицешампион Борусија Дортмунд .
Во Париз во дуелот на „милионерите “ ПСЖ и Златен Ибрахимовиќ се домаќини на Жозе Мурињо и Челзи.

Избраниците на Анчелоти сигурно добро се сеќаваат на минатогодишната елиминација од Борусија во полуфиналето, кога блесна полскиот центарфор на Дортмунд Роберт Левандовски со четири постигнати голови. Но вечерва на среќа на одбраната на Реал , Левандовски поради суспензија ќе го пропушти првото четврт-финале.

Реал кој сезонава атакува на јубилејната 10 титула во елитното друштво сезонава посилен за искусниот стратег Анчелоти кој знае како се освојува пехарот во Лигата на шампионите , очекува победа над незгодата Борусија и пласман меѓу четирите најдобри во Европа.
-Дортмунд има одличен тим, извонреден тренер и може да го изненади секој ривал . Ние викендов против Рајо покажавме дека се враќаме на вистинскиот пат и се надевам на најдоброто, истакна Анчелоти.

Неговиот ривал на спротивната страна Јирген Клоп сонува за реприза на минатогодишната пресметка со големиот Реал, иако во Мадрид ќе игра без стандардните првотимци Левандовски, Суботиќ, Блашчиковски, Шмелцер и Бендер.

Супер интересно вечерва сигурно ќе биде и на четврт-финалето во Париз меѓу ПСЖ и Челзи.

Пред вечерашниот дуел на паркот на Принцовите менаџерот на Челзи контроверзниот Жозе Мурињо улогата на фаворит му ја препушти на домашниот ПСЖ.. Поради лошата форма на неговиот тим , Челзи е поразен на последните две гостувања во Премиер лигата .

Но некогашниот ученик на Мурињо , а сега член на ПСЖ Тиаго Мота , вели дека вечерва неговиот тим го очекува многу тежок натпревар.
„Изјавите на Мурињо пред мечот секако нема да не излажат, добро го познавам и знам дека не очекува исклучително тежок двомеч, порача Мота кој со Мурињо во дресот на Интер стигна до трофејот во ЛШ.

Голема улога на дуелот во Париз ќе има и најдобриот фудбалер на ПСЖ Златан Ибрахимовиќ кој сезонава ги решета противничките мрежи од сите позиција. Одбраната на Челзи вечерва ќе биде на тежок испит , како да се запрат извонредните стрелци Ибрахимовиќ и Кавани.
Двете четвртфиналиња стартуваат во редовниот термин од 20 часот и 45 минути.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.