На еден жител по 18 кутии апчиња. Истокот на Македонија е најзависен од лекови, барем според анализата на Фондот за здравствено осигурување, според која Метформин, Диазепам, Пантопразол и Еналаприл се трошат како алва и остануваат на листата најпродавани лекови на рецепт со над 5 милиони издадени рецепти само за нив. Директорот на Фондот Сашо Клековски вели дека граѓаните си имаат фиоки со залихи на таблети, но пострашна е двојната наплата од страна на аптеките кои освен цела сума од граѓаните му наплатуваат и на фондот. На ова треба да стави крај долгонајавуваниот проект е-рецепт, за кој има надеж дека целосно ќе профункционира годинава.

Од Фондот најавија дека за неколку дена во атеките граѓаните ќе можат по поевтина цена да купат инхалаторна терапија. Спрејот „фостер“ наменет за инхалација кој најчесто го користат луѓето со астма повеќе нема да биде единствениот на пазарот.

Од Фондот велат дека „Клексаните“ се уште се рефундираат, а од наредниот месец се очекува конечно да бидат достапни во аптека за граѓаните. Со ребалансот на буџетот за Фондот се планира зголемување од над една милијарда денари, која во најголем дел е наменета за исплата на породилните отсуства, потврдуваат од Фондот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Во истражниот затвор во Шутка синоќа е спроведен 19 годишниот Саит Саитов кој на почетокот на јануари годинава со автомобил прегази повозрасна жена во скопски Капиштец и побегна надвор од државата. За него беше објавена потерница а еден месец подоцна беше уапсен во Белград по што Министерството за правда побара негова екстрадиција.

„На лицето му е определена мерка притвор и истиот е предаден во Затвор Скопје за понатамошна постапка. Саитов беше баран со меѓународна потерница поради основано сомнение за сторени кривични дела против безбедноста на луѓето и имотот во сообраќајот, како и неукажување помош на лице повредено во сообраќајна незгода за кривичноправен настан што се случил во Скопје на 9.1.2026 година.“,велат од МВР.

Со неговото обезбедување Јавното обвинителство ја продолжува истрагата а неговиот адвокат Владимир Туфегџиќ во разговор за Канал 5 потврди дека ќе го посети во притворското одделение по што со јавниот обвинител ќе биде утврдена динамиката на постапување.

За бегството во Србија на Саитов неколку часа откако ја предизвика сообраќајката му помогнале две лица, мажи жена, негови роднини. Додека траел увидот на местото, тие со автомобил го зеле од домот заедно со неговиот татко и преку граничниот премин Табановце ја напуштиле земјава, а откако ги оставиле во Србија помагачите се вратиле назад. Обвинителството против нив набргу поднесе обвинение за помагање на сторител по извршено кривично дело. И двајцата во март се осудени на затворски казни, Аднан Јакупи на 3 и пол години а неговата сопруга Перихан Шериф на 1 година и 8 месеци затвор. Но според нивниот адвокат Звонко Давидовиќ спорно е што воопшто е донесена пресуда пред да му се суди на сторителот на кој според обвинението му помогнале.

„Значи постапката за сторителот на кривичното дело кое го пишува во диспозитивот на пресудата, Саит Саитов, за тешки дела против безбедноста во сообраќајот и неукажување на помош на лице поввредено во сообраќајна незгода, се уште не е подигнато обвинение а не да има правосилна кривична пресуда. За да постои сторител на кривично дело мора да биде осуден со правосилна кривична пресуда и тоа го предвидува не само КЗ туку ова го предвидува и Уставот на РМ. Вие не може однапред да судите некого кој помогнал на сторител а го немате сторителот, бидејќи немате правосилна пресуда.“

Пресудата за помагачите во бегството на Саитов е обжалена и по основ на невоедначена судска пракса во однос на казните. Според Давидовиќ, изрекувани се пониски казни за директни сторители на сообраќајки со смртни последици за разлика од овие изречени на двајцата помагачи во бегството на Саитов.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Пред пратениците наскоро ќе се најде и списокот на премиерот Мицкоски за реконструкција на Владата, кој се уште е во фаза на преговори.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.