Локални избори во Косово на 12 октомври: Гласање во услови на институционална блокада - Канал 5

Балкан

Локални избори во Косово на 12 октомври: Гласање во услови на институционална блокада

На 12 октомври, во Косово се одржуваат редовни локални избори за избор на нови раководства на локално ниво. 

Локални избори во Косово на 12 октомври: Гласање во услови на институционална блокада

Овие избори се одвиваат во услови на вонредна политичка состојба на централно ниво, бидејќи седум месеци по парламентарните избори, Собранието не е целосно конституирано и влада не е избрана. Претседателката на Косово, Вјоса Османи, ги распиша изборите на почетокот на јуни, и покрај институционалната криза.

Право на глас имаат нешто повеќе од два милиона гласачи, меѓу кои и 100.000 надвор од Косово. Гласачите ќе имаат пред себе два ливчиња: едно за кандидати за градоначалници, каде што за победа се потребни повеќе од 50 отсто од гласовите во првиот круг, и второ, за членови на 38 општински собранија.

На изборите учествуваат повеќе десетици политички партии, движења, граѓански иницијативи, како и 27 независни кандидати. На гласачкото ливче ќе бидат и кандидатите на партиите на Србите од Косово, кои ги бојкотираа вонредните локални избори во четири општини на северот со мнозинско српско население во 2023 година. Српска листа се врати во политичката арена и има кандидати во сите општини со српско мнозинство. Кандидати за градоначалници во 10 општини ќе имаат и уште 11 српски политички партии и движења.

Меѓу албанските партии, Приштина и Митровица имаат најмногу кандидати за градоначалник. Фаворити за градоначалници во поголемите градови како Приштина, Призрен, Пеќ, Ѓаковица и Гњилане се кандидати на Движењето Самоопределување на Албин Курти. Приштина и Пеќ од 2021 година ги водат политичари од Демократскиот сојуз на Косово (ЛДК), со Призрен управува Демократската партија на Косово (ПДК), а Гњилане има градоначалник од Самоопределување. Опозициските албански партии настапуваат и како Албански сојуз во соседната општина Грачаница.

Во пресрет на изборите, САД ја замрзнаа стратешката соработка со Приштина поради „постапките на техничката влада (на Албин Курти) со кои се зголемени тензиите и нестабилноста“.

Тагови: Косово

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда,  Џенифер Лопез во исхраната и рутината за вежбање за да изгледа  вака супер на 57 години.

Фото: Џеј Ло во тесно трико ги истакна облините

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“. 

Видео-фото: Најпознатата плус сајз манекенка гордно го покажа телото: Вака изгледа мојот живот

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

Еврото падна на најниско ниво во однос на доларот во последните 17 месец

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер