Како што информираат од кавадаречката противпожарна единица по десетчасовна интервенција е изгаснат.
Пожарот избувна вчера околу 13 часот. Се одлучи дежурен тим да остане на лице место во текот на ноќта.
Утринава со дополнителни 15 работници од Комуналец, со три теренски возила, десет работници од „Македонски шуми" со исто толку возила и шест пожарникари со две возила, се вративме на лице место.
Моментално, велат нема опасност од нови пожари на тоа место.
Неколку шумски пожари утринава зафатија нискостеблеста дабова шума во месноста Неделна вода во Велес. Противпожарни екипи се на терен. Се уште гори и дабова шума и над Манастирот кај село Оморани што избувна вчера попладне. Пожар има и во реонот на велешките села Џидимирци и Иванковци, а зафатена е и површина од скопска страна поради што, освен велешки, вклучени се и пожарникари од скопски противпожарни единици. 50 хектари борова шума изгореа во пожарот кај селото Каласлари кој избувна во петокот попладне а е локализиран вчера. Од Центарот за управување со кризи велат дека екипи се на терен и се работи на гаснење на пожарите.
Но вчера гореше и на брегот на Охридското езеро.
Помеѓу Струга и с.Калишта, настанал пожар при што опожарена била трска. Од страна на Територијалната противпожарна единица-Струга пожарот бил локализиран. Увид на местото на настанот извршила увидна екипа од Полициската станица Струга.
Пожари се регистрирани и на истокот од земјава. Вчера попладне пожар зафатил млада борова шума во атарот на селото Ратево кај Берово. Противпожарни екипи се уште се на терен. Вчера попладне и во тетовско настанал шумски пожар на шест до седум помали локации покрај патот во правец од с.Ново село кон с.Мерово-општина Желино, при што била опожарена нискостеблеста шума и сува трева. Се преземаат мерки за негово гаснење.