ЛК: Пациентите на хемодијализа, треба да бидат во приоритетна група за вакцинација - Канал 5

Здравје

ЛК: Пациентите на хемодијализа, треба да бидат во приоритетна група за вакцинација

„Вирусот најголемо засегање има на белите дробови, но таргет органи за SARS-CoV-2 вирусот се и бубрезите, црниот дроб, крвните садови, дебелото црево. 

ЛК: Пациентите на хемодијализа, треба да бидат во приоритетна група за вакцинација

Пациентите со хроничната бубрежна болест, како и оние со трансплантација на бубрег имаат зголемен ризик за тешка форма на ковид-19 лош исход, поради што е неопходно да бидат ставени во приоритетна група за вакцинација, како и строго да ги почитуваат превентивните мерки за заштита од вирусот, потенцираше научниот соработник д-р Ирена Рамбабова Бушљетиќ од Универзитетска клиника за нефрологија на неделната дебата во Лекарската комора, која редовно се организира со цел размена на информации и искуства во лекувањето на пациентите со ковид-19 меѓу здравствените професионалци од сите нивоа на здравствениот систем.

Од досегашната пракса се знае дека најчести придружни хронични болести кај пациентите со ковид-19 се дијабетес, хронична опструктивна белодробна болест, артериска хипертензија, срцеви аритмии, хронична бубрежна болест, малигни заболувања, исхемична срцева болест и прекумерна дебелина.

„Вирусот најголемо засегање има на белите дробови, но таргет органи за SARS-CoV-2 вирусот се и бубрезите, црниот дроб, крвните садови, дебелото црево. Бубрежна манифестација кај пациенти инфицирани со ковид-19 може да биде со широк дијапазон на симптоми и да варира од појава на хематурија, односно крв во урината и умерена протеинурија, односно протеини во урината, до манифестирање на изразено акутно бубрежно оштетување", изјави д-р Ирена Рамбабова Бушљетиќ.

Податоците покажуваат дека 20% од хоспитализираните пациенти и повеќе од 50% од пациентите хоспитализирани во единиците на интензивна нега развиле акутно бубрежно оштетување, што се сметаат за висока бројки.

Пациентите со хронични бубрежни заболувања, особено оние кои одат на хемодијализа се изложени на зголемен ризик од инфекција бидејќи имаат потреба секој втор ден да одат во дијализните центри во болниците. Таму дури и да се запази дистанцата и заштитните маски тие остануваат четири до пет часа во затворен простор со други пациенти и медицински персонал.

"Податоците од американска ретроспективна студија која следела 7948 пациенти на хемодијализа во период од пет месеци покажале дека 438 пациенти (5.5%) заболеле од ковид-19, од кои 109 пациенти починале, односно скоро 25% од заболените. Ова укажува на сериозна вулнерабилност на хемодијализните пациенти поради нивните придружни заболувања и намалениот имунитет, што ги прави навистина високоризична популација", изјави д-р Рамбабова Бушљетиќ.

Во нашата држава од вкупно 1.608 пациенти на дијализа, со ковид-19 се инфицирале 288 (14,1%), а починале 49 пациенти, односно 17% од заразените. Од 228 трансплантирани пациенти со вирусот се инфицирале 17 (7,4 %), а починале двајца.

Д-р Рамбабова Бушљетиќ даде објаснување и за намалениот број на трансплантации на бубрези кои се прават изминатава година.

„Препораките од светските реномирани стручни здруженија беа дека во земјите каде има високо распространето ширење на вирусот трансплантациите од кадавер, односно пациент во состојба на мозочна смрт треба да се одложат, доколку пациентот не е во животно загрозувачка состојба и има пристап до дијализа. Истото важеше и сè уште важи и за трансплантациите од жив дарител. Се смета дека пред трансплантацијата пациентите и донорот треба две недели да се во изолација, но пациентите на дијализа трипати во неделата мора да одат на дијализа, поради што тешко може да се овозможи изолација", појасни Рамбабова Бушљетиќ.

Во однос на вакцинирањето препораките акцентираат да се даде приоритет на пациентите со хронична бубрежна болест и трансплантираните пациенти. За пациентите со активно автоимуно заболување приоритетот треба да се постави на лекување на основната болест, а вакцинацијата да се одложи.

Една година по прогласувањето на пандемијата вирусот сè уште е во голем замав, вирусната инфекција афектира 232 земји и територии низ светот, со повеќе од 117 милиони потврдени случаи и над 2.6 милиони починати пациенти. Соединетите Американски Држави и Eвропа актуелно се најафектирани региони од коронавирусната инфекција, додека Кина каде беше официјално регистриран првиот случај бележи прогресивно намалување на нови заболени.

Лекарска комора на Република Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ќерката на Никол Кидман го оствари сонот што го имала на 16 години: „Плачев од среќа“

Ќерката на Никол Кидман, Сандеј Роуз, преку социјалните мрежи се осврна на еден од најголемите моменти во нејзината досегашна кариера.

Ќерката на Никол Кидман го оствари сонот што го имала на 16 години: „Плачев од среќа“

Младата манекенка се присети како, пред само две години, го гледала настанот „Vogue World“ со својата мајка и сонувала еден ден и самата да учествува во него. Оваа година, таа желба се оствари.

„Дојдов во Париз со мајка ми пред две години и се сеќавам дека слушнав оти токму тој ден се одржува ’Vogue World‘. Се вратив во хотелот и го гледав преносот на YouTube – сите тие прекрасни жени, музиката и целиот спектакл. Во Милано сфатив дека оваа година и самата ќе учествувам во шоуто. Мојата 16-годишна верзија ќе плачеше од среќа, а плачев и јас сега, на 18 години. Имам огромна среќа што можам да доживеам вакви работи и да запознаам толку многу луѓе“, напиша Сандеј на Инстаграм.

Оваа 18-годишна девојка учествуваше на ревијата „Vogue World“ за време на Модната недела во Милано во септември. Таа се појави во полупроѕирен бел фустан со длабоко деколте, широки ракави и лелеава силуета. Фустанот беше украсен со нежен цветен вез.

Советот на Никол Кидман за нејзината ќерка

Во интервју за ноемвриското издание на „Vogue“, Никол откри како ги советува своите ќерки додека тие растат под будното око на јавноста. Кога ја прашаа за омразата на интернет, осудувањето и нападите, таа одговори: „Едноставно се вртиш и си заминуваш. Зашто тоа ќе те скрши. Ќе те уништи“.

„Тоа многу ме плаши. Но, јас почнав да работам на 14 години, така што и немам многу право на глас“, додаде таа. Сандеј претходно зборуваше за магазинот „Nylon“ за правилата што нејзината мајка ги поставила во врска со нејзината кариера.

„Постојат две важни правила“, рече таа. „Првото беше дека не можев да работам во модната индустрија сè додека не наполнив 16 години. Второто е дека училиштето секогаш мора да биде на прво место. На почетокот тоа го мразев, но всушност мило ми е што постојат тие правила, бидејќи ми помагаат да останам цврсто на земја.“

Тагови: никол кидман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фридрих Мерц е во сериозни проблеми

Само 10% од Германците изјавиле дека се задоволни од работата на канцеларот Фридрих Мерц – што претставува најниска бројка во последните речиси 30 години – според анкетата „Deutschlandtrend“, за што известува порталот „Interia“.

Фридрих Мерц е во сериозни проблеми

На почетокот на септември, 13% од испитаниците ја оценувале работата на Мерц позитивно. Оваа нова бројка го означува најниското ниво во текот на целиот негов мандат како канцелар.

Доколку изборите за Бундестагот се одржеле на преминот од септември кон октомври, блокот CDU/CSU би можел да смета на 20% од гласовите. Тоа е за еден процентен поен помалку отколку на почетокот на септември.

Крајно десничарската партија „Алтернатива за Германија“ (AfD) доби најголема поддршка во анкетата, со 27%; нејзиниот рејтинг остана непроменет во текот на месецот. Зелените би освоиле 16%, Социјалдемократската партија на Германија (SPD) 13%, а партијата „Левица“ (Die Linke) 11%. Со 4% од гласовите, Слободната демократска партија (FDP) не би го достигнала изборниот праг од пет проценти.

Што се однесува до членовите на владата, министерот за одбрана Борис Писториус (SPD) доби значително подобри оценки од канцеларот: 50% од учесниците во анкетата биле задоволни или многу задоволни од неговата работа. Работата на министерот за надворешни работи Јохан Вадефул позитивно ја оцениле 34% од испитаниците, додека работата на министерот за внатрешни работи Александар Добринд добила позитивна оценка од 27%. Околу 20% од испитаниците биле задоволни од работата на вицеканцеларот и министер за финансии Ларс Клингбајл, додека приближно еден од шест испитаници бил задоволен од работата на министерката за труд Бербел Бас. И двајцата се членови на „SPD“.

Анкетата била спроведена кон крајот на септември од страна на институтот „Infratest dimap“. Истражувањето било спроведено преку телефон и интернет, користејќи репрезентативен примерок од 1.303 гласачи со право на глас.

Извор: Б92

Тагови: Фридрих Мерц

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Тајм“: Трамп го прашал „Грок“ што би се случило ако го уапси Мадуро

Американскиот претседател Доналд Трамп го прашал „Грок“ – чет-бот со вештачка интелигенција во сопственост на Илон Маск – како народот на Венецуела би реагирал на апсењето на тогашниот претседател Николас Мадуро.

„Тајм“: Трамп го прашал „Грок“ што би се случило ако го уапси Мадуро

Ова се случило неколку недели пред тој да нареди операција за негово приведување, открива списанието „Тајм“. Наводно, вештачката интелигенција му рекла на Трамп дека многумина во Венецуела веројатно би го прославиле падот на Мадуро.

Во декември 2025 година, Трамп се сретнал приватно со Маск во Овалната соба, каде што со часови го испрашувал „Грок“ за својот мандат и политичкото наследство. „Тајм“ ја заснова оваа информација на изјава од официјално лице кое присуствувало на средбата.

Едно од прашањата што Трамп му ги поставил на чет-ботот било како би реагирале Венецуелците доколку САД го уапсат Мадуро. Официјалното лице цитирано од списанието вели дека „Грок“ го опишал Мадуро како „репресивен и крајно непопуларен диктатор“ и проценил дека многумина во Венецуела навистина би можеле да го прослават неговиот пад.

Операција во Каракас

Еден месец подоцна, Трамп наредил операција за апсење на Мадуро. Американските сили го привеле него и неговата сопруга, Силија Флорес, за време на воена операција во Каракас на 3 јануари, а потоа ги префрлиле во Соединетите Држави.

Мадуро бил однесен во Њујорк, каде што се соочува со федерални обвиненија за трговија со дрога – обвинувања што тој ги негира. Кога некои Венецуелци навистина го прославиле апсењето, Трамп – според официјалното лице – заклучил дека „Грок“ е „генијален“.

Извор: Индекс.хр

Тагови: Доналд Трамп Николас Мадуро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер