Љутков: Туризмот не треба да се третира само како извор на девизен прилив - Канал 5

Култура

Љутков: Туризмот не треба да се третира само како извор на девизен прилив

Туризмот не треба да се третира само како извор на девизен прилив, туку како платформа за регионален развој и креативна економија.

Љутков: Туризмот не треба да се третира само како извор на девизен прилив

Туризмот не треба да се третира само како извор на девизен прилив, туку како платформа за регионален развој, креативна економија и долгорочна меѓународна видливост. Како економска гранка, тој има силен потенцијал да се трансформира во инструмент за локален економски подем, особено ако се поврзе со руралниот развој, културните содржини и дигиталната експанзија. Сево ова бара воспоставување јасна рамка за развој на локалниот туристички производ, вложување во инфраструктура, дигитализација на понудата и градење капацитети кај младите, порача министерот за култура и туризам Зоран Љутков.

Тој во обраќањето на Меѓународната научна конференција „Предизвиците во туризмот и бизнис логистиката во 21 век“ во Музејот на ВМРО во Скопје, посочи дека економијата денес не може да се гледа како изолирана категорија, туку како резултат на поширока палета фактори од типот на вредносен систем, образовна структура, институционална зрелост, културен контекст, геополитички услови и капацитет за соработка.

Во таа насока, како што напомена, државата има силен потенцијал да развие модел на раст кој не се потпира на стари индустриски формули, туку на современи, хуманоцентрични и иновативни пристапи кои во фокусот ги ставаат туризмот, културата, претприемништвото и заштитата на културното наследство.

- Туризмот не треба да се третира само како извор на девизен прилив, туку како платформа за регионален развој, креативна економија и долгорочна меѓународна видливост. Како економска гранка, тој има силен потенцијал да се трансформира во инструмент за локален економски подем, особено ако се поврзе со руралниот развој, културните содржини и дигиталната експанзија. Сево ова бара воспоставување јасна рамка за развој на локалниот туристички производ, вложување во инфраструктура, дигитализација на понудата и градење капацитети кај младите, рече Љутков.

Како што напомена, културата, од своја страна, е многу повеќе од сценска уметност или традиција – таа е столб на националниот идентитет, ресурс за економска диференцијација и основа за градење социјален капитал.

- Бизнисот, доколку е втемелен во локалните реалности и поттикнат од иновации, може да биде катализатор на трансформација, а на културното наследство – физичкото, нематеријалното и дигиталното – да се гледа како капитал кој мора да се интегрира во секоја развојна стратегија, додаде Љутков.

Тој посочи дека преку создавање современи културни политики, креативни индустрии и мобилност на уметниците, културата има неограничен потенцијал да се трансформира во мост меѓу традицијата и иновацијата.

Во таа насока, смета министерот, и културното наследство не смее да биде замрзнат артефакт од минатото туку жива платформа за едукација, туризам, технологија и меѓународна размена. Преку дигитализација, теренски истражувања, археолошки проекти и отворени музеи, Македонија може да изгради автентична приказна што ќе биде препознатлива на светската мапа на дестинации што мора да бидат посетени.

- Економскиот раст не може да се третира како крајна цел, туку како производ на општествена зрелост. Тоа е динамичен процес што зависи од капацитетот за визија, одлуки и интеграција. Современите општества не можат да напредуваат само преку статистики – туку преку вредности. Не преку автоматизирани процеси туку преку хуманизирани стратегии. Економијата мора да се вгради во културата на општеството, а културата – во суштината на неговата развојна логика, рече Љутков.

Тој додаде дека државата има потенцијал, има историја и има иднина. Но таа иднина, посочи, не се гради по инерција.

-Таа се проектира со визија, со знаење, со етичка храброст. Нам не ни е потребна копија од туѓи модели, туку мудра и кохерентна македонска верзија на развој. Време е да изградиме стратегија што не се темели на страв, туку на самодоверба. Стратегија што не нè води низ транзиција, туку кон зрелост. Тоа е патот кон економскиот раст кој не е само мерка на успех – туку доказ за зрелоста на една нација. Убеден сум дека македонската Влада денес има непоколеблива намера, потенцијал и знаење, сево ова да го преточи во дело, за доброто на сите, додаде Љутков.

Настанот е во организација на Факултетот за туризам и бизнис логистика, при Универзитетот „Гоце Делчев“ - Штип, а свое обраќање, меѓу другото, имаат и деканката на Факултетот Татјана Бошков, заменик министерот за финансии Николче Јанкуловски и членот на УО на Сојуз на стопански комори на Македонија - ССКМ, Драган Пехчевски.

Тагови: Љутков

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Швајцарец снимал голи деца на плажа во Истра

Истарската полиција привела 51-годишен швајцарски државјанин под сомнение дека сторил кривично дело експлоатација на деца за порнографија. 

Швајцарец снимал голи деца на плажа во Истра

Мажот е обвинет дека со мобилен телефон снимал голи деца на плажа во туристичко одморалиште во Истра, по што бил уапсен и предаден на притворската единица, објави истарската полиција, објави Индекс.

Пријавен од гости од плажата

Според полицискиот извештај, инцидентот се случил во четврток околу 9:30 часот. Швајцарецот бил забележан од други гости додека ги снимал децата и го повикале обезбедувачот на туристичкиот објект, кој го задржал до пристигнувањето на полициските службеници.

Полицијата го уапсила мажот, а при претрес на неговиот мобилен телефон била пронајдена инкриминирачка содржина. По завршувањето на кривичната истрага, осомничениот бил однесен во притворската единица на Управата на полицијата на Истра во петок наутро.

Апел на полицијата до родителите

Полицијата истакнува дека ваквите случаи покажуваат дека јавната свест за проблемот со снимање деца расте. Ова им овозможува на граѓаните да препознаат сомнително однесување и навреме да ја известат полицијата, што доведува до побрзо апсење на сторителот.

Тие исто така апелираа до родителите да ги следат своите деца и да следат каде се и што прават на плажа. Тие советуваат децата да носат костими за капење и ги повикуваат граѓаните веднаш да ја известат полицијата со повик на 192 доколку видат сомнително лице кое снима деца.

Тагови: Истраа плажа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Софија Вергара со семејството и новото момче го следеа СП од трибините (ВИДЕО)

Актерката Софија Вергара беше меѓу многуте познати лица на финалето на Светското првенство, кое се одржа на стадионот „МетЛајф“ во Њу Џерси во неделата. 

Софија Вергара со семејството и новото момче го следеа СП од трибините (ВИДЕО)

Таа го гледаше натпреварот помеѓу Шпанија и Аргентина, кој заврши со победа на Шпанците од 1:0, во друштво на нејзиниот син Маноло, момчето Даглас Шабот и пријателите.

Атмосфера од стадионот на Инстаграм

Таа сподели серија фотографии и видеа од настанот на својот Инстаграм профил. За жешкиот летен ден, таа избра кафеав топ со прерамки, фармерки и бели патики, а комбинацијата ја комплетираше со очила за сонце.

Ѕвездата на серијата „Модерно семејство“ позираше со својот 34-годишен син Маноло Гонзалез Вергара и пријателите, а објави и неколку селфиња со момчето Даглас Шабот. На една фотографија, двојката е прегрната додека натпреварот се одвива во позадина. Во објавата, таа ги тагна и своите пријатели Луис Балагер и Алехандро Асен, а со една фотографија напиша: „Возбудата од Светското првенство“.

Проблем со билетите и порака до Шакира

Вергара, исто така, накратко се појави во преносот од натпреварот на Телемундо, за кој претходно снимаше промотивни кампањи со актерот Овен Вилсон. Во интервју за списанието „Пипл“, таа призна дека нејзиниот најголем предизвик за време на првенството бил да обезбеди доволно билети за членовите на семејството.

„Ќе биде убаво што ќе гледаме неколку натпревари заедно, ќе се дружиме и ќе го собереме семејството, но не беше лесно да се одлучи кој ќе ги добие билетите“, рече таа низ смеа. Додаде дека ваквите „слатки грижи“ сепак се дел од целокупното искуство.

Таа, исто така, откри дека пред финалето, слушнала од нејзината сонародничка Шакира, која настапила на полувремето. „Ми прати порака и ме праша дали доаѓам на натпреварот. Навистина се радувам на нејзиниот настап, ќе биде фантастичен“, рече Вергара.

Тагови: Софија Вергара

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маѓар за претседателка на Унгарија ќе предложи славна шахистка

Унгарскиот премиер Петер Маѓар вчера објави дека планира да ја номинира поранешната шахистка Јудит Полгар за претседател на земјата, откако местото остана слободно по разрешувањето на Тамаш Суљок.

Маѓар за претседателка на Унгарија ќе предложи славна шахистка

Маѓар на Фејсбук објави дека планира денес да се сретне со 49-годишната жена и дека се надева дека таа ќе му направи „голема чест“ и ќе ја прифати номинацијата за претседател.

Претседателското место остана слободно откако парламентот ја отстрани Суљок, политички сојузник на премиерот Виктор Орбан, кој ги загуби изборите во април.

Унгарскиот претседател го избира парламентот, каде што партијата Тиса на Унгарија има двотретинско мнозинство.

„Синоним за талент и упорност“

„Со децении, името Јудит Полгар е синоним за талент и упорност“, рече Маѓар. Тој додаде дека 26 години по ред била на врвот на светската ранг-листа на жени, а во исто време била меѓу првите 10 шахистки во светот.

Полгар е повеќекратна освојувачка на златни медали на Шаховските олимписки игри. Таа се пензионираше од натпреварувачкиот шах пред повеќе од една деценија, но останува активна во промовирањето на играта. Преку својата фондација, тој исто така го поддржува образованието и еднаквите можности.

Таа претходно не извршувала никаква политичка функција.

Тагови: Маѓар Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер