Љутков: Со 2,5 милиони денари почнува времена заштита на „Македониумот, а се работи на проект за негова целосна реконструкција - Канал 5

Култура

Љутков: Со 2,5 милиони денари почнува времена заштита на „Македониумот, а се работи на проект за негова целосна реконструкција

 Веднаш ќе започне привремената заштита на „Македониумот“ во Крушево, а до средината на идната година ќе биде готов проектот за целосна реконструкција на споменикот од прва категорија „Илинден“ или попознатиот „Македониум“ во Крушево.

Љутков: Со 2,5 милиони денари почнува времена заштита на „Македониумот, а се работи на проект за негова целосна реконструкција

Министерството за култура и туризам додели 2,5 милиони денари за привремената заштита од протекување во „Македониумот“. Паралелно ќе се работи на проектот за целосна реконструкција на споменикот. Ова го констатираа министерот за култура и туризам Зоран Љутков и надлежните од прилепскиот Завод и музеј при денешниот увид на состојбите во Споменикот во Крушево. Денешниот дожд ја нагласи потребата од итната интервенција за да се запре, прво, протекувањето во „Македониумот“.

Според министерот Љутков, парите од 2,5 милиони денари се од годинашната програма на Министерството.

-Министерството во својата програма за 2025 година има обезбедено 2,5 милиони денари за привремена заштита на „Македониумот“, посебно во деловите каде имаме увидено дека прокапува. Тоа е интервентна, или, времена заштита сѐ до изработката на новиот проект на кој моментално се работи за целосна реконструкција и конзервација на „Македониумот“, изјави министерот Зоран Љутков.

Привремената санација на споменикот треба да биде готова до големите снегови, а протекувањето е од витражите, констатира Мимоза Христоска, директорка на прилепскиот Завод и музеј под чија надлежност е споменикот.

-Најголемото протекување во „Македониумот“ е од витражните стакла. При различните температурни разлики, стаклото се шири и се собира и оштетувањата пропуштаат. И самиот спој помеѓу бетонот и стаклото е проблем и ја пропушта водата. Таа привремена заштита која треба да трае две до три години значи надворешно заштитување на витражите е за да се намали протокот на надворешните влијанија. А со целиот проект може да зборуваме за натамошна целосна реставрација и конзервација на споменикот, изјави Христоска.

При целосната реставрација, спред неа, неопходна е и помош од странски експерти.

-Со Министерството заедно ќе организираме помош од странските специјалисти кои се насочени исклучиво за витражно стакло. Со нивна помош ќе може да го изработиме и проектот, зашто тоа мора така да се спроведе при ваков капитален проект за заштита на едно културно добро од прва категорија, објаснува Христоска.

Министерот Љутков рече дека од 2014 година имало проект за санација на споменикот.

-Во 2017 година е поставено скеле за целосната реконструкција на „Македониумот“, но на крајот на таа година, со доаѓањето на претходната власт, скелето е остстрането и седум години нема никаква интервенција на споменикот, што е жално и тажно и покажува за една неодговорна и безобѕирна власт, рече Љутков.

Споменикот „Илинден“, или познатиот Македониум е дело на Богдан и Искра Грабул, а е отворен во употреба пред 51 година.

Тагови: Крушево Љутков

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Русите му веруваат на Путин

Околу седум од 10 Руси му веруваат на рускиот претседател Владимир Путин и ја оценуваат позитивно неговата работа, покажаа две анкети на руските истражувачки центри ВЦИОМ  и ФОМ.

Русите му веруваат на Путин

Според анкетата на ВЦИОМ , 72 проценти од испитаниците му веруваат на Путин, додека 22,7 проценти не, објави РИА Новости.

Неговата работа како претседател ја одобруваат 67,7 проценти од испитаниците, додека 20,9 проценти не го одобруваат.

Слични резултати покажа и анкетата на ФОМ. Околу 70 проценти од испитаниците рекле дека му веруваат на Путин, додека 17 проценти не му веруваат.

Ист процент, 70 проценти, веруваат дека Путин добро се однесува како претседател, додека 14 проценти имаат спротивно мислење.

Разлики се забележани во оценката на работата на владата.

Според ВЦИОМ, 45,2 проценти од испитаниците ја одобруваат нејзината работа, додека 24,2 проценти не ја одобруваат.

ФОМ забележа дека 45 проценти од Русите веруваат дека владата добро си ја врши работата, додека 34 проценти ја оценуваат нејзината работа негативно.

Кога станува збор за рускиот премиер Михаил Мишустин, 55,3 проценти од испитаниците во анкетата на ВЦИОМ изразиле доверба во него, додека 49 проценти од граѓаните ја оцениле неговата работа позитивно, според ФОМ.

И двете анкети покажаа дека Единствена Русија би била убедливо најпопуларната партија доколку изборите за Државната дума се одржат следната недела.

Според ВЦИОМ, 39,2 проценти од испитаниците би гласале за неа, а според ФОМ, 32 проценти.

Анкетата на ВЦИОМ е спроведена од 17 до 23 август меѓу 1.600 возрасни испитаници, со маргина на грешка од 2,5 проценти.

Анкетата на ФОМ е спроведена од 21 до 23 август меѓу 1.500 испитаници, со маргина на грешка до 3,6 проценти.

Извор: Б92

Тагови: Владимир Путин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Почина норвешкиот крал Харалд Петти

Кралот на Норвешка, Харалд Пети, почина на 89-годишна возраст, една недела откако беше примен во болница на лекување поради ретка крвна состојба, потврди претседателската палатата.

Почина норвешкиот крал Харалд Петти

По 35 години на престолот, тој ќе остане запаметен како популарен и реформски монарх кој ја модернизираше круната и служеше како обединувачка фигура во најтешките моменти за Норвешка. Кралските набљудувачи велат дека бил приземјен, почитуван и омилен, честопати опишуван како „дедо на нацијата“ и „народен крал“, титула која му се припишуваше и на неговиот татко, кралот Олав Пети. Тој ќе биде наследен од неговиот син Хокон, кој има 53 години. Според норвешкиот уставен систем, промената на монархот настапува веднаш и нема класична церемонија на крунисување.

Тагови: Норвешка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Петрова Чамова: Не постои политичка волја кај власта во скопје да почне да го спроведува договореното

Не постои политичка волја кај власта во Скопје да почне да го спроведува договореното во европскиот компромис од 2022 г. , вели во интервју за бугарскиот дневен весник „Стандард“ министерката за надворешни работи на Бугарија Велислава Петрова Чамова.

Петрова Чамова: Не постои политичка волја кај власта во скопје да почне да го спроведува договореното

„За жал, оттогаш до денес не постои политичка волја кај власта во Скопје да почне да го спроведува договореното. Ние не поставуваме нови услови и не бараме ништо надвор од веќе договорената европска рамка. Довербата се гради кога преземените обврски се исполнуваат и кога гледаме конструктивен пристап насочен кон изнаоѓање решенија. Конфронтацијата и антибугарската реторика не ја приближуваат Македонија до Еу – тие само водат кон губење драгоцено време, вели Петрова за Стандард.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер